By it digitalisearjen fan de kolleksje fan it Fries Film Archief binne nije filmbylden ûntdutsen fan de grutte Fryske dichter Obe Postma (1868-1963). Te sjen is dat er yn 1952 mei keninginne Juliana yn De Harmonie praat.
Lês en sjoch fierder by Omrop Fryslân… Lês fierder
Alle jierren giet groep 8 nei it eilân, mar dit jier is it oars. De klasse fan Pier, Lars en Noortje giet nei Koartsweagen. Pier en Lars moatte wol oan dat idee wenne. Koartsweagen, dêr is ommers allinne mar gers! Mar op ynternet ûntdekke se in lyts tsjerkje flakby de kampearbuorkerij! It stiet midden yn it grien en hat in hôf mei in soad grêfstiennen. Om it skoalreiske in bytsje spannender te meitsjen, betinke Pier, Lars en Noortje in plan. Se wolle nachts, as elkenien sliept, yn it tsjuster nei de tsjerke rinne en omstrune op it hôf. In bytsje grizelje, bytsje pikefelje: leuk dochs?… Lês fierder
It is 15 jannewaris en ik bin stadichoan wat bekaam. Ik bin no safier dat ik wer fersteanber artikulearje kin, dat myn bloeddruk net fuort nei Himalaya-eftige hichten sjit as ik it deroer haw, en dat it hert net as Jurre 495 begjint te fjouwerjen as it ûnderwerp op ‘e tafel komt. Ik haw it oer in projekt dat him yn de lêste wiken fan desimber 2018 oantsjinne. In opjefte ynstee fan in hanneling dy’t net mear as trije mûsklikken kostje moat. Ik haw it oer it oanpassen fan de soarchfersekering.
Lês fierder by Omrop Fryslân… Lês fierder
De dichters Edwin de Groot en Syds Wiersma ha elk in gedicht ynstjoerd oer de kontenerramp foar ús kust. Wy pleatse de beide gedichten tagelyk. De Groot hat syn gedicht sels foarmjûn. Wiersma syn titel ‘Seeblyn’ is ûntliend oan de LC fan ôfrûne sneon, dêr’t it wurd yn de kop op ‘e foarside stie: Misschien zijn we wel zeeblind.
Klik hjir foar de fersen… Lês fierder
(Tekst Sirkwy)
Yn it kulturele haadstêdjier hat de literatuerfilm ‘Yn dit lânskip leit myn libben’ in jier lang alle dagen te sjen west yn de Gysbert Japicxseal fan Tresoar. Foar dy’t dat ûntkaam is, is der de mooglikheid om de film alsnoch te besjen op Youtube.
Yn de film binne û.o. opnames te sjen fan it arkje fan Rink van der Velde dat al jierren brûkt wurdt as skriuwershûs foar Fryske skriuwers. Skriuwers Hylke Speerstra en Hilda Talsma en keunst- en literatuerkenner Huub Mous fertelle oer harren relaasje mei de Fryske skriuwerij.
Klik hjir foar de film… Lês fierder
Der wie ris yn in lân hjir fier wei,……..
Ach, wat in ûnsin. Hielendal net yn in lân hjir fier wei. Gewoan yn in hûs yn Noard-fryslân.
dêr lei yn in bêd op in souder in mefrou. In sliepende mefrou. Op in deagewoane moandeitemoarn. Dizich yn de fierte hearde se de wekker ôfgean. Mar hjoed lei se noch sa ôfgryslik lekker tusken de lekkens te sliepen. It ljocht kaam al troch in kier troch de gerdinen en foel oer har gesicht. In stoarmachtige wyn gie troch de beammen. Rûzich waar.
Lês fierder by Nadie Hania… Lês fierder
Oersetwedstryd In the Big Rock Candy Mountains
Yn De Nije, it nulnûmer fan it nije Frysktalige nijsblêd fan De Ried fan de Fryske Beweging is in oersetwedstryd opnommen fan it liet In the big rock candy mountains. Dy countrysong giet oer in swalker. Hy dreamt oer in lân dêr’t de hinnen sêftseane aaien lizze en dêr’t de sigaretten oan de beammen groeie. It waard foar it earst op de plaat set troch Harry McClintock yn 1928. Nei de suksesfilm fan de bruorren Joel en Ethan Coen ‘O Brother Where Are Thou’ út 2000 is it yn ferskate ferzjes op YouTube te finen.… Lês fierder