hapsnap isolemint
brekt ûnderoan
de krêft fan ferbining
licht tilt de omrop
de mienskip
in oare hichte yn
hâld moed
haw leaf
hâld fol
de hoanne op ‘e toer
fergulde teplak
wit net hoe let it is
fryslân fan boppen
optild as in bern fiel ik
thús is ‘t fier hinne… Lês fierder
Wa’t gading meitsje wol nei in Rely Jorritsmapriis, kin noch oant 9 maaie syn of har ferhaal en/of gedicht ynstjoere. De sjuery, dy’t de ynstjoeringen anonym hifket, kin op syn meast fiif ferhalen en fiif fersen bekroane. Elk bekroand ferhaal of gedicht wurdt honorearre mei 1000 euro.
De ynstjoeringen moatte digitaal as bylage ferstjoerd wurde oan ynfo@stiftingflmd.frl
Namme, adres en telefoannûmer fan de ynstjoerders moatte yn de e-mail fermeld wurde, mar bliuwe geheim foar de sjuery, besteande út Inge Heslinga, Rianne Blokzijl en Beart Oosterhaven.
Foar mear ynformaasje sjoch de webside www.stiftingflmd.frl… Lês fierder
6 april – 17.00 – De soap mit et katteloekien… Eregister was et inienend zoveer dat poes ok van butenof zonder hulpe deur et katteloekien duste. Wel mit een protte ondersteuning en anmoedigings van mi’j in huus en gerammel mit brokkies. En doe floepte hi’j d’r die dag twie keer deurhenne.
Lês fierder by Johan Veenstra… Lês fierder
Ferline wike krige ik in boek tastjoerd. Troch de skriuwer dêrfan, Mark Hilberts. Syn boek is al hast in jier âld, mar it wie my foarich jier alhiel ûntkaam dat it útkaam wie. Dêr is fanwege de corona ek net safolle omtinken oan jûn.
No wie’t my miskien as republikein dochs noch wol ûntkaam, fanwege de titel, De Koning van Leeuwarden. Wylst de ynhâld no krekt wol myn belibbingswrâld is. Want it giet om de man dy’t fan 1909 oant 1947 foarsitter wie fan de Alvestêdeferiening en tagelyk in grut Frysk krantebedriuw runde: Mindert Hepkema.
Hy wie ek noch abbekaat. Dat die hy op Ankereftige wize, mei tige orizjinele ynfalshoeken.… Lês fierder
Geart Tigchelaar is Streekdichter fan Noardeast-Fryslân 2021-2022 en makket foar RIXT by elk fers in filmke.
It fers ‘kamp morra’ is syn tredde fers dat skreaun is nei oanlieding fan ‘Kamp Morra’ by Moarre.
De Nederlânske oersetting is fan Syds Wiersma.
Sjoch fierder by RIXT… Lês fierder
Falt it jimme ek op? Wy prate oer baby-eintsjes, bisten dy’t yn ferwachting binne, kealtsjes dy’t berne wurde en mear fan dat soarte fan dingen. Wêrom dogge we dat? Wy ha dêr ommers prachtige eigen wurden foar, wurden dy’t by dy bisten passe. Wy hoege de wurdboeken der mar op nei te slaan.
It soe komme kinne om’t we de wenstige wurden kwytreitsje. Wy witte ommers hieltyd minder ôf fan it deistich libben op boerepleatsen fan earder en no. It bûthúsbankje dêr’t soks bepraat waard, is der net mear. Dêr komt by dat de grutte oantallen bisten de ôfstân tusken bisten en minsken hieltyd grutter makket.… Lês fierder
Der binne fan dy mominten yn it libben dat guon ferskillende saken samar ynienen byinoar komme. Tafallichheden dy’t foar josels betsjutting krije. Sels ha ik dat de ôfrûne tiid hân mei it Frysk en de Fryske identiteit. Ik krige bygelyks in mailtsje út Sweden, nei oanlieding fan de kollums dêr’t ik jim op tiisdeitemoarns mei lêstich fal. Dy mail kaam fan in studint, in promovendus oan it Karolinska Ynstitút yn Stockholm.
Lês fierder by Omrop Fryslân… Lês fierder