Twa moanne nei de lansearring fan Wjerspegelje wreidt it projekt mei Fryske poëzij op spegels op 1 april út mei acht dichters en 96 lokaasjes. Wjerspegelje benut it oanbefelle RIVM-hannewaskmomint om Fryske dichters in nij poadium te jaan.
Jeanet Hospes benaderet foar Merk Fryslân de lokaasjes: “Njonken oernachtings- en hoarekalokaasjes hawwe wy ek oare iepenbiere gelegenheden frege. Sa dogge der bygelyks ek biblioteken en oare kulturele organisaasjes mei. De reaksjes binne tige entûsjast en der komme ek spontane oanmeldingen binnen. Dat lêste is moai en der is noch plak foar mear lokaasjes.” Yn totaal binne der no tritich ferskate Fryske gedichten te lêzen op 575 spegels fan 104 lokaasjes.… Lês fierder