Fiifensantich jier nei ús eigen Befrijing fan de besetting feroaret noch hieltyd ús tinken oer de striid foar frijheid dy’t yn dyselde snuorje fierd waard yn wat doe Nederlânsk-Yndië hjitte. De feroarjende omgong mei dat ferline sjogge wy ek werom yn Fryske romans dêr’t Yndonesië in rol yn spilet. Yn in rige artikels foar de online Dei fan de Fryske letterkunde hâldt Jan Ybema ferskate romans dêroer tsjin it ljocht. Hjoed: Op klompen troch de dessa (2014) fan Hylke Speerstra.

Lês fierder by Sirkwy… Lês fierder

De Skripsjepriis fan de Fryske Akademy oer 2018-2020 is wûn troch Sian Wierda. Hy krige de priis foar syn masterskripsje Het vrije volk van de heide, dy’t hy yn 2018 skreau foar de oplieding skiednis oan Rijksuniversiteit Groningen. Wierda wurket op dit stuit as redakteur by Omrop Fryslân.

Lês fierder by Omrop Fryslân… Lês fierder

Skoalbern yn Koudum hawwe in meartalige gedichterûte makke foar it doarp. Under de titel ‘Koudum ferbynt’ wurdt taal ferbûn mei keunst en kultuer. Yn de tunen stean gedichten opsteld en in rûte fan sawat 2,5 km giet dêrby del. De rûte is yn de lêste wiken fan 2020 te rinnen.
De gedichterûte is makke mei help fan ûnderwiisorganisaasje Cedin. De dielnimmende learlingen sitte op de skoallen Bogerman, De Klimbeam en It Fûgelnêst. Deputearre Sietske Poepjes soe de gedichterûte iepenje, mar dat giet net troch fanwege de corona.

Lês en harkje fierder by Omrop Fryslân… Lês fierder

Fan 4 jannewaris ôf kinne keunstoanbieders en útfierende keunstners in bydrage oanfreegje út de nije provinsjale regeling Kleine cultuurinitiatieven Fryslân. De provinsje jout oant 10.000 euro subsydzje foar it organisearjen fan kulturele aktiviteiten op moetingsplakken yn de oardelmetermienskip. Der is 150.000 euro beskikber. De regeling is ûnderdiel fan it provinsjale koroana-werstelmaatregelpakket.

“Ik bin tige wiis mei dizze nije regeling”, seit deputearre Sietske Poepjes. “Dizze groep kreativen hat it bysûnder dreech yn de koroana-tiid, wylst se sa wichtich binne foar it kulturele klimaat yn Fryslân. Dêrom hawwee se ús stipe hurd nedich. Ik bin bliid dat we harren dy biede kinne.”

Lês fierder by It Nijs… Lês fierder

De driging foar it fuortbestean fan Stichting Friesland Pop is fan de baan mei de takenning fan in provinsjale subsydzje. Earder waard de oanfraach fan Friesland Pop ôfwiisd, mar mei in moasje moast deputearre Poepjes dochs sjen nei finansiering fan guon kulturele ynstellingen, dy’t bûten de boat foelen.

Lês fierder by Omrop Fryslân… Lês fierder

Literêre krystkaarten foar Voedselbanken

Ljouwert, 15 desimber 2020 – Dizze wike wurde by alve Fryske Voedselbanken literêre krystkaarten besoarge, dy’t Ljouwert UNESCO City of Literature yn gearwurking mei seis auteurs en in yllustrator ûntwikkele hat foar de goed 1.500 kliïnten en frijwilligers fan dizze voedselbanken. City of Literature wolharren op dizze wize, sa flak foar de feestdagen,graach wat opmoedigje. Ek hopet de organisaasje dat de aksje publisiteit opsmyt foar de Voedselbanken, dy’t driuwend ferlet hawwe fan stipe en produkten.

De kliïnten en frijwilligers krije in pakket fan seis unike kaarten en in Molkwarder Koeke.
Foar de kaarten benadere Ljouwert UNESCO City of Literature de dichters en skriuwers dy’t yn de hjerst tidens (fanwegen corona úteinlik annulearre) Dichtdiners in foardracht jaansoene.… Lês fierder