Rely Jorritsma Fûns-priisfraach

Troch it stjoeren fan in brief protestearje mear as tritich skriuwers tsjin de list fan Fryske boektitels dy’t yn de hjerst fan dit jier op de Frankfurter Buchmesse presintearre wurdt. Harren beswieren rjochtsje har op it ta stân kommen fan de list, mar ek op de titels dy’t útkard binne. Hja stelle dat promoasje fan Fryske literatuer net ôfhinklik makke wurde moat fan ien persoan, omdat objektivens dêrmei net garandearre is. Boppedat fine se de list iensidich en net represintatyf. Ut dy reden freegje se it Nederlands Letterenfonds, Tresoar en provinsje Fryslân om de list fan titels te feroarjen en aktueler te meitsjen.… Lês fierder

Neikommen berjocht
[24.6.2013] Eeltsje Hettinga hat witte litten dat syn fers ‘De gongen [3]’ ek meidwaan kin yn de oersetwedstriid by de Gysbert Japicxpriisnominaasjes. Dat wie by de start op 18 juny noch net bekend.

Boarne: Sirkwy.nl… Lês fierder

Berjocht nei oanlieding fan de diskusjejûn 7 juni 2013

It Skriuwersboun ropt de Provinsje Fryslân op ta in werberied oer it beslút oangeande de staveringsferoaring, de standertwurdlist en de staveringshifker. De útkomst fan de diskusjejûn, hâlden op 7 juny 2013 en organisearre troch it Skriuwersboun, hat ús as bestjoer op dit stânpunt brocht.
Wy steane oan op in inisjatyf fan de Provinsje om mei it fjild fan skriuwers en oare saakkundigen oer dizze matearje ta in breed oerlis te kommen.

Oant de nije staveringshifker hielendal nei it sin ûntwurpen en ymplemintearre is, opteare wy foar in tuskenoplossing. Us útstel is om de nije staveringsmetodyk te fullen mei de âlde wurdlist, of dy fan it Hânwurdboek.… Lês fierder

Under syn skriuwersnamme Froon Akker hat Koos Tiemersma, de oant no ta iennige Fryske skriuwer dy’t al syn wurk digitaal publisearret, syn debút ‘De ljedder’ no as e-boek útbrocht. Dit boek, dêr’t al mear as 4000 eksimplaren fan ferkocht binne, waard bekroand mei de earste Rink van der Veldepriis. Yn dit boek, dat ôfwikseljend spilet yn it begjin fan de Twadde Wrâldkriich en de tsjintwurdige tiid, wurdt it ferhaal ferteld fan de 11-jierrige Jacob Nauta, dy’t op lettere leeftyd besiket út te finen wat him yn dy jierren werklik op de pleats fan syn jeugd ôfspile hat. It boek is te besetten fia de side fan Froon Akker, dêr’t ek in Nederlânsktalige ferzje yn te laden is.… Lês fierder

As yntindant Fryske literatuer foar de Frankfurter Buchmesse hat Alpita de Jong tsien titels selektearre dy’t yn de brosjuere 10 Books from Friesland omtinken krije.

De seleksje bestiet út sân proazatitels – fjouwer moderne klassikers en trije hjoeddeiske romans – en trije poëzijbondels, mei dêrby wurk fan de okkerdeis ferstoarne dichter Tsjêbbe Hettinga en it bekroande debút fan Elske Kampen. De neifolgjende titels wurde opnommen:

Hidde Boersma De gewoanste man, Friese Pers Boekerij 2011

Reinder Brolsma Grûn en minsken, Brandenburgh 1940

Homme Eernstma Leafdedea (Quatrebras 1963)

Tsjêbbe Hettinga Equinox (poëzij), Friese Pers Boekerij 2009

Ulbe van Houten De sûnde fan Haitze Holwerda, Utjowerij Laverman N.V.… Lês fierder