It is it blauwe
it is it griene
it is it brune
de grize kleur
fan it waad.
It hat de stilte
it hat de koelte
it hat de oanset
it stoarmich lûd
fan it waad.
It toant de blakte
it toant de romte
it toant rûnom
it wide sicht
fan it waad.
It skriuwt in wurd
it skriuwt in skip
it skriuwt in daam
it byld oan kimen
fan it waad.
It riert myn kofje
faget myn tafel
skoot myn stoel
makket myn rekken
op oan it waad.… Lês fierder
Wie it net Walt Disney dy’t sei…
‘When I hear the word culture I unlock my revolver’.
Herr Doktor Goebbels sit op it strân
Fan it Baltysk badplak
Bad Heiligendamm
Syn lofterpoat is tsien sintimeter koarter as syn rjochter
As gefolch fan Osteomyelitus
Bonkemoarchûntstekking
Mar dat sjocht gjin minske
Want Goebbels is troch ien fan syn sân bern
Oan’t syn kin yn ’t sân begroeven
Undertusken sjocht hy mei nocht nei moaie noardske froulju
In soad ha swart hier
Ien op de trije is mar blond
Seit syn each fol statistyk
Ik sil in dekreet útfeardigje litte
Dat swart- én brúnhierrige froulju har hier
Mei peroksyde bleekje litte moatte
Read froulju binne kommunisten
Dan falt him ynienen wat yn
Miskien is syn idoal Doanald Duck
Wol in swarte ein en hat omke Walt
Him yn ’e peroksyde smiten
Goebbels moat laitsje
En docht in nuvere mime imitaasje
Fan de dan ek al wrâldferneamde ein
Frou Magda G.… Lês fierder