Elmar Kuiper

Minskewolf

Pleatst op
Reagearje
logo.ensafh

Ik ha him sjoen op ’e heechste etaazje fan in wite winkel
Hy sloech routiid yn, rekkene fertriet djoer ôf
En ferluts fan pine

Ik ha him skade yn it lette ljocht
Yn in flau skynsel seach ik syn grauwe silhûet
Hy beslikke de poaten fan in dier

Yn ’e ploai en fêstberet slûpte hy de nachtbosk yn
It gûlen skuorde troch âlde dinnen
De knibbels knikten my

Ik kaam op it lûd ôf
En sette grutte eagen op
Foar my oer stie in minskewolf

Dinnenullen stutsen as prikboerdpylken
Yn ’e hûd fan it earme bist
As in sleine hûn krûpte hy op my ta

Hy gûlde; help my bêste man!… Lês fierder

Nyk de Vries

Motorman & 39 oare proazagedichten | 1

Pleatst op
Reagearje
logo.ensafh

1. BELGIE

Mei in protte bravoer ferliet ik famylje en kunde om it hielendal te meitsjen yn België, tegearre mei myn leave Wendelien. Dat foel earlik sein wat ôf en fluch ferlear ús leafde al har glâns. Op it lêst kamen we telâne op in kartonfabryk dêr’t ús sjef it dúdlik foarsjoen hie op myn Wendelien. Ik wie net mear mysels dêr yn België en ûnder it skoftsjen sloech ik him bonkehurd mei in gripe op ’e rêch. Sommige kollega’s kamen letter nei my ta en seinen: ‘Dy gripe hie dêr ek hielendal net stean mocht.’

(Foarpublikaasje 1 fan 3, út de bondel dy’t útkomme sil op 26 augustus 2007 op de Dag van de Uitmarkt, yn Paradiso, Amsterdam.)… Lês fierder

Nyk de Vries

Motorman & 39 oare proazagedichten | 1

Pleatst op
Reagearje
logo.ensafh

1. BELGIE

Mei in protte bravoer ferliet ik famylje en kunde om it hielendal te meitsjen yn België, tegearre mei myn leave Wendelien. Dat foel earlik sein wat ôf en fluch ferlear ús leafde al har glâns. Op it lêst kamen we telâne op in kartonfabryk dêr’t ús sjef it dúdlik foarsjoen hie op myn Wendelien. Ik wie net mear mysels dêr yn België en ûnder it skoftsjen sloech ik him bonkehurd mei in gripe op ’e rêch. Sommige kollega’s kamen letter nei my ta en seinen: ‘Dy gripe hie dêr ek hielendal net stean mocht.’

(Foarpublikaasje 1 fan 3, út de bondel dy’t útkomme sil op 26 augustus 2007 op de Dag van de Uitmarkt, yn Paradiso, Amsterdam.)… Lês fierder

Koosje Melis

Freon

Pleatst op
Reagearje
logo.ensafh

De stêd gûnze sa’t allinne grutte stêden dat dogge, in mûnster dat ek yn ’e sliep noch grommeljend sykhellet. Yn sa’n stêd jouwe minsken neat om it miljeu. Sterker noch, se laitsje derom. Bûsdoekjes, tissues, plestik: jo goaie it op strjitte, ek al stiet der trije meter fierderop in jiske-amer. Dêr rêdt in oar him mar mei, ik ha it drok drok, sizze de gesichten fan de minsken dy’t hastich har paad sykje troch it labyrint fan strjitten en auto’s en metrostatjons. Yn sokke stêden wenje minsken yn har auto’s. Ek al is it trije oere nachts, as in grutte trein ride se, dan wer traach, dan wer it gas djip yntraapjend, grutte gaswolken útblazend.… Lês fierder

Nyk de Vries

Motorman & 39 oare proazagedichten | 2

Pleatst op
Reagearje
logo.ensafh

2. SEEMANSKERTIER

Hieltyd wer siet ik mei dy rothierren yn ‘e noas. Op it lêst besocht ik se mei in fjoeroanstekker út te baarnen, mar it mislearre. Ik krige in abses en foar’t ik it wist rûn ik om mei in grutte fettige smetlape yn ’t gesicht. Op ‘e sneup nei wat ôflieding makke ik op in jûn in rûngong troch it seemanskertier. Yn in kafee makke ik in praatsje mei in blondine en it die bliken dat se model wie. Sy dronk mei in reidsje fan har Martini en redenearre mar troch oer de bibel. ‘Dy stiennen tafels,’ sei se, ‘dat wie eins net iens sa dom besjoen.’… Lês fierder

Nyk de Vries

Motorman & 39 oare proazagedichten | 2

Pleatst op
Reagearje
logo.ensafh

2. SEEMANSKERTIER

Hieltyd wer siet ik mei dy rothierren yn ‘e noas. Op it lêst besocht ik se mei in fjoeroanstekker út te baarnen, mar it mislearre. Ik krige in abses en foar’t ik it wist rûn ik om mei in grutte fettige smetlape yn ’t gesicht. Op ‘e sneup nei wat ôflieding makke ik op in jûn in rûngong troch it seemanskertier. Yn in kafee makke ik in praatsje mei in blondine en it die bliken dat se model wie. Sy dronk mei in reidsje fan har Martini en redenearre mar troch oer de bibel. ‘Dy stiennen tafels,’ sei se, ‘dat wie eins net iens sa dom besjoen.’… Lês fierder

Jabik Veenbaas

Komposysje mei ljochtblauwe bikini

Pleatst op
Reagearje
logo.ensafh

riist op út it sân it famke
sjocht de see
fljocht

de ljochtblauwe bikini fljocht it jonkje
mei it skepke fljocht de parasol fljocht de bal
fljocht de ljochtbal de sinnebal

it strân fljocht!

it strân fljocht oer it fjurrige it ljochtblauwe
famkesstrân fljocht de fjurrige himel oer de
ljochtparasol de sinnebal de simmersinne heech
fljocht de sylboat heech oer de sinnesee it ljochtflugge
seil fljocht hoe heech fljocht it ljochtblauwe himelljocht mei de lange
famkesskonken!

djip dêrûnder de krabben dy’t fluch oer de
ljochtblauwe ljochtboaiem fleane

it ljochtblauwe bikiniljocht it fljocht de ljochtsinne fier troch
de lange ljochtnacht de fjoernacht fljocht de nachtsinne op
út it ljochtblauwe sân it sinneljochtsjende it waarme
it ljochtkerrelige famkessân it langskonkige
sinnesân sa licht en ljocht fljocht oer myn hân hinne… Lês fierder