Yn 2023 fiert Frysk en Frij har 80-jierrich bestean: it ûntstiet yn 1943 as fersetsblêd, is nei de Twadde Wrâldoarloch in Frysktalich tydskrift en útjouwerij.
Frysk en Frij komt as pamflet yllegaal fan ’e grûn, ferskynt yn 1944 earst yn beskieden beskreaune bôgen en op 1 oktober 1944 sjocht it yn Utrecht en te Bolswert yn druk it ljocht. De namme hâldt yn: frij fan ’e besetter, fergelykje Vrij Nederland.
Lês fierder by Frysk en Frij… Lês fierder
Wa is de bêste Fryske foardrachtskeunstner? Kom nei de folslein Frysktalige poëzyslam! Op woansdei 24 maaie om 19:30 sil it heve yn it tydlike kafé fan Tresoar De Gouden Leeuw. Dichter fan Fryslân Sigrid Kingma iepenet, dêrnei kinne de dielnimmers los. Gabriëlle Terpstra liedt de jûn.
Sjoch foar mear ynformaasje by Dichter fan Fryslân
Klik op de poster foar in grutter byld
De safolste generaasje
Us heit wie in stillenien
Opsluten yn himsels mei syn oantinkens
As hy wat sei, wie it somtiden:
It komt altyd oars út as datsto tinkst
en: moatst dy nea mei polityk bemuoie.
De stilte hong as in wolk
oer pleats en mem en bern
Geandewei waard my dúdlik
wêr’t it swijen weikaam
Twongen troch need hiene hy en syn heit,
myn pake dy’t ik nea kend ha,
keazen foar in partij,
wêrfan’t nei ’45 bliken die,
dat it in foute partij wie.
Us heit kaam der ôf mei in lichte straf,
mar syn libben lang hat er him bedondere field
yn machtleas ferset tsjin de ‘hege hearen’.… Lês fierder
Foar my binne de nammen fan bou- en greidelân ferbûn mei dêr’t ik weikom: Penjum. Stikken mei nammen as Bargekop, Bile, Hynstekop krigen dy namme fanwegen harren foarm, mar binne troch ruilverkaveling al lang harren nuveraardich model kwyt. Oare stikken krigen de namme fan de brûker (Beppes tún, Pietsje trije), fan spûkferskiningen (Swevelstokken), of waarden neamd nei de haadpersoan út in leginde (Okke Hel). De Duvels Heale wie in eintsje grientetún oan ’e foet fan ’e terp. Wie it in mislik stikje grûn? Hie de pastoar dêr, of letter de dûmny, dy’t der ynearsten dêr it sicht op hie, it swurk dêr driuwen sjoen, of wie de brûker fan it heal pûnsmiet in fûleindige flokker?… Lês fierder
Fan Koaningsdâg ôf waar d’r weer soa’n nussy dagen. Ik noem ’t tussentiid: om feestdagen hine swevende frije tiid om dingen te doen der’t je âns niet an toe komme maar der’t útaindlik niet feul fan terechtkomt. Want útslape, leze, snooker op tv, ’t gedicht most bijskaafd, en happys en drank hale foor ‘n burrel …
Ik hou mijsels foor dat ‘t gyn gebrek an dissipline is, maar ’n noadsaaklik op asem kommen deur ’n fersnelling leger te leven. Jesels je aigen gebreken fergeve kinne is ’n deugd. Ik werk graag en feul, en jùst derom smaakt ’t genoegen je sans gêne over te geven an de tussentiid soa goed.… Lês fierder
‘Spjalt’ is it nijste gedicht fan Sigrid Kingma as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.
De Dichter fan Fryslân, Sigrid Kingma, skreau diskear in gedicht nei oanlieding fan it sluten fan kearnsintrales. Sigrid Kingma: ‘Yn Dútslân binne okkerdeis de lêste trije kearnsintrales sletten, in beslút dat al makke wie flak nei’t it yn Fukushima misgie. Hoe wolle wy oan stroom komme? De diskusje oer enerzjy giet automatysk oer miljeu en duorsumens, mar ek oer feiligens. Beide kanten tagelyk op sjen, lykas de Stiennen Man, falt net ta.’… Lês fierder
Hjirby wurde jo / wurdsto fan herten útnûge foar de dûbelpresintaasje fan twa nije dichtbondels:
de debútbondel Fuortsjefinne fan André Looijeng en Wurd för wurd för wurd fan Joël Hut
As ûnderdiel fan de presintaasjes sille André en Joël fansels in priuwke út de bondels foarlêze en fierders bestiet it programma út it optreden fan inkele kollegaskriuwers.
Nei ôfrin binne de bondels te keap (priis: € 15,00) en is der in noflike neisit.
Datum: sneon 13 maaie
Tiid: 15.00 -17.00
Plak: Kafee De Gouden Leeuw, Tresoar, Ljouwert (Bûterhoeke 1, 8911 DH)
As jo fan doel binne om te kommen soene jo dat dan yn ferbân mei de catering trochjaan wolle oan Utjouwerij Hispel: info@hispel.nl… Lês fierder