Dichter Sytse Jansma treedt op it ynternasjonale poëzyfestival Transpoesie op yn Brussel. It festival wurdt foar de tolfde kear hâlden. It tema dit jier is ‘It Europeeske jier fan de jeugd’.
Der binne foardrachten troch dichters út hiel Europa wei en yn Brussel binne op ferskate plakken posters en banners te finen mei de gedichten yn de oarspronklike taal en oersettingen yn it Frânsk en Nederlânsk.
Lês fierder by Omrop Fryslân… Lês fierder
Durkje Hoeksema. Durkje werkt en woant in de kapperssaak an’e Kerkstraat in Makkum. Un bysònder plak en dan druk ik mij wel heel foarsichtech út.
Ut is un hús fol met ferhalen, over har family en Makkum. An’e Kerkstraat startte Durkje har overgroatfader, Ynze Hoeksema, op 24 mei fan ut jaar 1893 syn kapperssaak. Dy Ynze had der nòcht an, want op’e bovenferdyping had hij ok nòch un skoënmakerij en der wurdden ok nòch rousluiers ferhuurd. Ynze wurdde nyt oud, hij overleed op 47-jarege leeftyd.
Lês fierder by Omrop Fryslân… Lês fierder
Yn har priveelibben, as wittenskipper en as taalbeweger: heechlearaar Tony Feitsma (1928-2009) wie sân dagen yn de wike mei de Fryske taal en kultuer besteld.
Sa’n trije jier hat predikant en literêr oersetter Liuwe Westra dwaande west mei syn biografy oer Tony Feitsma. ‘Pionier foar it Frysk. Libben en striid fan Tony Feitsma (1928-2009)’ waard ôfrûne woansdei oerlange oan kommissaris fan de Kening Arno Brok.
Dat de biografy fan Feitsma der komme moast, stie foar Westra as in peal boppe wetter. “As jo jo tusken 1960 en 2000 dwaande hâlden mei it Frysk, op hokker mêd dan ek, dan koene je net om Tony Feitsma hinne.… Lês fierder
It komt krekt yn ’e wrâld, alsa hie ik it allegearre meticuleus, in wurd dat hjir goed op syn plak is, fol eangst en bangens, útsocht. Ik moast nammentlik op ’en paad mei it iepenbier streekferfier. Alle dagen wer wiene der stakings troch it hiele lân, dan de trein, dan de bus en sa om en om. De woansdei staakten de bussen yn Noard-Hollân, de freeds yn Fryslân, tongersdei dus de bus.
En? … sille jimme tinke, goede lêzers … wêr moast dy Feddema no wer sa nedich hinne , sa wichtich dat it net wachtsje koe?
Dat sil ik jimme fertelle … Hy woe nei in útstalling: Leo Gestel op Mallorca yn Museum Kranenburgh yn Bergen, en dat is gjin Bergen aan Zee en aldergeloks ek net op Mallorca, want om dêr te kommen mei it streekferfier…hâld mar op.… Lês fierder
It libben allyk
earder nacht
en letter dei
kimendize
wifelljocht
wetterwaar
mei tsjinwyn
Lês en sjoch fierder by Wobbe Atsma… Lês fierder
Wat sille we no belibje? Lês ik it goed? Wrachtich, it stiet der echt. Mei grutte koweletters. ‘Verkoopstop voor Winnetou.’
De Dútske útjouwerij Ravensburger Verlag hâldt op mei de ferkeap fan in pear nije berneboeken dy’t basearre binne op in nije film oer Winnetou. De Nederlânske útjouwer Meulenhoff Boekerij jout de nije Winnetou-berneboeken ek net mear út. ‘Wy folgje de line fan de Dútske útjouwer’, is de ferklearring. Neffens de Dútske útjouwer kamen der in soad negative reaksjes op hoe’t de lânseigen befolking delset is. Dêrmei wol de útjouwer sizze dat aktivisten op sosjale media grutte fraachtekens pleatsten by de stereotipen dy’t neffens harren yn de publikaasjes nei foaren komme.… Lês fierder
Martsje Miedema-Loonstra, Lida Dykstra, Sake Pieter Roodbergen en Immie Jonkman binne fjouwer nije leden fan de Fryske Akademy. Se binne freed beneamd, op de 84e Akademydei.
De fjouwer binne allegear beneamd op grûn fan harren grutste fertsjinsten foar de Fryske kultuer, meldt de Akademy. Dy beneamt alle jierren in stikmannich nije leden op grûn fan harren fertsjinsten foar de Fryske taal en kultuer.
Lês en sjoch fierder by Omrop Fryslân… Lês fierder