Hoeden Bûddha
Fan ’e Action
Unferweechlik
Op tsjeppe túntafel
Yn syn skerte blêd
Oranje, read, giel,
Fan bjirk en kornoelje

Ik gean der
Ek by sitten

Bûddhabruorren
Binn’ wy waarm
Gol en rûn
Wekker wurdend yn
Wer in oar sinnefjoer
By no sliepend nachtlampke

Leafde, ljocht
Hoop, mooglikheden
Tinzen dwarrelje
Op weagen hjerst

Ik praat tsjin wat
Hjir groeit en bloeit
As tsjin hûn, kat
Of Pakesizzer
Stim heger as oars
Stim fan myldens
Sêftmoedigens

Reade kornoelje syn
Stâlen binn’ tsjok
Hiel hurd hout
As it ritme
Fan myn dagen
Stadich wurdt
In skonk no en dan
Net wol wat ik wol
Meitsje ik dêrfan
In gongelstôk

Rin ik wer
As in ljip
Yn myn ierdsk
Blomryk Paradys.… Lês fierder

Jo kinne fan alles misse
Pine kies bygelyks
Mar ek de gallepûde

Hy, sy, it…fan my
Kaam dy nije dei
Lemierend schmierend
De bûkbühne op
Mei in perforearre
Performance
Pine ien man publyk

No bin ik kin ik
Sûnder gallepûde

As hja no hiel stadich
Alles wat myn lea misse kin
Fuorthelje soene
Kin ik faaks hûndert wurde
Of by eintsjebeslút:
De earste Fryske farao… Lês fierder