Gerard de Jong út Ljouwert sil yn de gemeente Waadhoeke oan ’e slach as meartalichheidskoördinator. Om de fjouwer talen yn de gemeente de goede posysje, oandacht en sichtberens te jaan, is der ferlet fan in sterke en stabile ferbining mei partners yn it fjild. In meartalichheidskoördinator kin dêrfoar soargje.
Lês fierder by It Nijs… Lês fierder
Twee kear in ‘e week, op maandachs en frijdachs bin ik met un faste ploech minsen an ut draven en siën de leeftyd fan’e mannen magge je dat ok wel jogge noeme. Un bysònder geselskap, de meast úteenlopende types, letterlek en figuurlek.
Onderwech prate we en sulang’t dat nòch kan, wete we dat ut met ut tempo goëd sit. De harddraafgoeroes hewwe der selfs un naam foar bedocht: De Spraaktest. Gyn een fan oans het un hartslachmeter, wij lope op gefoël en dat is altyd goëd.
Lês fierder by Omrop Fryslân… Lês fierder
Der binne wer twa nije bydragen pleatst yn it dossier oer 100 jier Tiny Mulder. Studinten fan de learare-oplieding Frysk oan de NHL Stenden Hegeskoalle hawwe ferskate gedichten fan Tiny Mulder foardroegen. In pear wiken wiene de earste resultaten te hearren en besjen. No folget de rest fan de foardrachten. Dêrneist is der in ‘picture poem’ oer in gedicht fan Mulder pleatst.
Lês en sjoch fierder by Sirkwy… Lês fierder
No’t ik foar en mei it Sealterfrysk oan it wurk bin, wurd ik hast alle dagen wol belle troch Sealterfriezen dy’t benijd binne wa’t ik bin. Se taaste efkes ôf oft ik se wol ferstean kin of batse deryn, as in soartemint test. Bûtenlanners dy’t Sealtersk prate is sûnt Marron Fort en Pyt Kramer in ferskynsel dat se wol kinne, mar it bliuwt doch wat apart.
Lês fierder by It Nijs… Lês fierder
Musea, teäters, poadia, bioskopen en oare kulturele sealen moatte sa gau as mooglik wer iepen. Dêrta roppe alle kultuerdeputearren op yn in brief oan it Ryk, mei opsteld troch de Fryske deputearre Sietske Poepjes. ‘Kultuer is gjin lúkseprodukt’, sa skriuwt sy. De kultuersektor moat dêrom foarrang krije by nije ferrommingen.
Lês en harkje fierder by Omrop Fryslân… Lês fierder
“Nearnewâld” foar alle eksamenstudinten Frysk!
It Skriuwersboun, de feriening fan en foar Fryske Skriuwers, Oersetters, Sjoernalisten en oare Publisisten, jout alle learlingen fan middelbere skoallen dy’t dit jier it Frysk eksamen dogge in kado!
Hja krije it jubileumboek ‘Nearnewâld’, mei bydragen fan 45 skriuwsters en skriuwers. Laurens Bontes makke in tekening fan in tinkbyldich Frysk doarp mei allerhanne nijsgjirrige details. By dy tekening makken de auteurs koarte ferhalen en gedichten, meast yn it Frysk, mar ek yn oare yn Fryslân sprutsen talen. Yn 2019 bestie it Boun fyftich jier, en dat waard fierd mei û.o. dizze spesjale útjefte.
It boek biedt in prachtich priuwke fan wat de leden fan it Boun kinne, in stalekaart fan de aktuele Fryske literatuer.… Lês fierder
In tút, derút en dêr stapt se hinne, de frou fan krekt santich dy’t al de helte fan har jierren mei my troch it libben giet. Yn in fynreade reinjas rint se monter oer it parkeardek nei har earste faksinaasje. Kapusjon oer de holle en har papieren yn ’e hân. It docht my wat om har sa rinnen te sjen. Soks ha ik tsjintwurdich hieltyd faker, samar in ûntroering mei in oanslach yn ’e eagen. Graach smyt ik it op de jierren, mar it kin ek myn muzyk wêze út it USB stickje. I’m sittin’ in the railway station, got a ticket to my destination… homeward bound.… Lês fierder