Waailân: dichters op it eilân

Fan 11 oant en mei 13 septimber organisearret Dichterskollektyf RIXT har earste skriuwerswykein op de Folkshegeskoalle Skylgeralân, Skylge. Yn dat wykein komme dichters fan RIXT en fan it eilân by-inoar foar in útwikseling om mei-inoar te wurkjen oan nije fersen dy’t hja op it poadium bringe mei in einoptreden.

Dichterskollektyf RIXT bestiet sûnt 2018 en hjoed-de-dei binne der mear as fyftich dielnimmende dichters oansletten mei elk harren eigen lûd en styl, in unikum foar Fryslân en de Fryske literatuer. It skriuwerswykein is nei oanlieding fan de winsk by de dichters fan it kollektyf om de ferbining te sykjen, harren yn de poëzy te ferdjipjen en om mei-inoar poëzy te skriuwen en op te treden.… Lês fierder

De earste skoallen hawwe har oanmelden foar it fergese literêre lesprogramma en optreden fan Nyk de Vries as Dichter fan Fryslân.

De Dichter fan Fryslân jout tidens syn lesprogramma antwurd op de fraach wêrom’t literatuer en poëzij sa moai wêze kinne. ‘Literatuer en poëzy giet oer dysels, oer dyn eigen libben. Oer minsken fan dyn eigen leeftyd, yn deselde stêden en doarpen as dû, mei deselde fragen en langsten.’

Lês fierder by Dichter fan Fryslân… Lês fierder

Dit jier wurdt net sutele mei Fryske boeken yn ferbân mei it coronafirus. Neffens koördinator Ferdinand de Jong is by it suteljen de oardel meter regel net nei te kommen.

Boppedat soenen de ferskate sutelaksjes yn in pear wiken de kâns op fersprieding fan it firus troch de provinsje fergrutsje.

Lês en sjoch fierder by Omrop Fryslân… Lês fierder

Op 6 septimber wurdt Durk van der Ploeg 90 jier. De skriuwer is al desennia literêr aktyf en hat in grut oeuvre byinoar skreaun. Op hege leeftyd skriuwt er noch altyd en wurdt syn wurk ek noch hieltyd lêzen.

Hy debutearre yn 1955 mei gedichten yn it Nederlânsk, yn it blêd Ontmoeting. Syn earste Fryske fersen stiene in jier letter yn De Tsjerne. Hy debutearre yn boekfoarm yn 1959 mei de bondel Lok op eachlingte. Nei 1979 lei Van der Ploeg him mear ta op it skriuwen fan romans en ferhalen. Syn haadfigueren binne faak gefoelige minsken, dy’t it libben amper of net oankinne.… Lês fierder

Geart Tigchelaar hat in filmke makke fan it RIXT-projekt ‘Rigel fan Rink’. Cornelis van der Wal spruts it gedicht ‘De bui’ yn.

Sjoch en harkje fierder by RIXT… Lês fierder