De DBNL (Digitale bibliotheek voor de Nederlandse Letteren) wreidet hjoed de ôfdieling Fryske literatuer út mei de folgjende fjouwer romans:
Nei de klap – Trinus Riemersma; De oerwinning fan Bjinse Houtsma – Anne Wadman; Sterke skouders – Hanneke de Jong; Losse hannen – Saakje Huisman. Foar de simmer sille noch twa titels folgje, te witten
Minskebern – Margryt Poortstra en Koartsluting – Akky van der Veer.
Dêrmei kin elkenien de tekst fan dizze boeken op www.dbnl.org rieplachtsje. Oant no ta steane sa’n 85 Frysktalige titels op de site.
De kombinaasje TDE (Tresoar, Elikser, DBNL) wol boppeneamde seis titels dit jier ek útbringe as werútjefte yn de foarm fan in printing-on-demandboek, en wêr mooglik as e-boek.  … Lês fierder

De besteande kennis oer de Nederlânske en Fryske grammatika beskikber meitsje foar in ynternasjonaal wittenskiplik publyk. Dat is it doel fan it Taalportaal, dat sneon 1 febrewaris offisjeel iepene wurdt op de Grote Taaldag 2014.

It Nederlânsk is ien fan de bêst bestudearre talen binnen de hjoeddeistige taalwittenskip. Likegoed wie der noch gjin folsleine en wittenskiplik fundearre beskriuwing fan de grammatika fan it Nederlânsk. Dat wurdt no oars: goed 1,7 miljoen Euro hat NWO stutsen yn it opsetten fan in firtueel taalynstitút, it Taalportaal.

De ôfrûne trije jier hawwe ûndersikers fan it Meertens Instituut, de Fryske Akademy, it Instituut voor Nederlandse Lexicologie, de Universiteit Leiden en de Universiteit Utrecht mei-inoar oparbeide om ta in algemien tagonklike online grammatika fan it Nederlânsk en it Frysk te kommen.… Lês fierder

Oankundiging en oprop foar lêzingen

De Fryske Akademy organisearret dit jier foar de tweintichste kear it Frysk Filologekongres, yn Ljouwert op woansdei 10, tongersdei 11 en freed 12 desimber. It kongres wol in poadium wêze foar it wittenskiplik debat oangeande de frisistyk yn ’e breedste sin. De fiertalen binne: Frysk, Nederlânsk, Ingelsk en Dútsk.
De opset fan it kongres is dat der elke dei út ein set wurdt mei in plenêre lêzing. Dêrnei binne der parallelseksjes. Op ’e tongersdei is der in jûnsseksje oer Underwiis. It kongres is rjochte op ’e neifolgjende ûndersyksmêden:

1. Aldfrysk
2. Taalkunde
3. Letterkunde
4. Leksikografy
5.… Lês fierder

Nominearren oersetkriich fan de Ried fan de Fryske Beweging yn gearwurking mei Tresoar en de Fryske Akademy

De sjueryleden, Wieke de Haan ( Tresoar ), Hindrik Sijens en Truus de Vries ( Fryske Akademy ) hawwe, yn alfabetyske folchoarder, de folgjende oersettingen nominearre: gnúfkamera, mienskipsstipe, prûmdrug, relyswiler en rútstalling.
Foar guon nominearre wurden jildt dat se troch meardere minsken ynstjoerd binne. It reglemint hat deryn foarsjoen. Der sil lotte wurde by it winnende wurd.
Op freedtemiddei 14 febrewaris wurdt yn Tresoar yn Ljouwert it winnende wurd wrâldkundich makke en fansels wa’t de winner wurden is. De feestlike útrikking begjint om 16.30 oere.… Lês fierder