Skôgingen

Geart Tigchelaar

Sinjalemint Willem Abma: Inerlik ferskinen

Pleatst op
Reagearje
logo.ensafh

Inerlik ferskinen fan Willem Abma is al syn 19e dichtbondel. Dêrnjonken hat er ek tal fan romans, toanielteksten en in ferhalebondel skreaun. Earder publisearre er ûnder it pseudonym Daniël Daen.
De nije bondel is út seis skiften opboud: Ferglide, Kear, Do op it klif, Frjemd hast eigen, Oer en wer en Oersettingen. Yn totaal steane der mear as tachtich fersen yn en dat is in moai nustje. Ut de flaptekst komt nei foaren dat de poëtyske sirkel (moai yllustrearre op de foarkant) fan Abma rûn liket te wêzen en der stiet dat dizze bondel in soarte fan slotakkoard liket te wêzen.… Lês fierder

Hedwig Terpstra

Petear mei Willem Schoorstra

Pleatst op
Reagearje
logo.ensafh

‘Nei de dea fan kening Rêdbâd hat it Fryske folk nea wer in ienheid foarme.’

Willem Schoorstra (1959) syn nijste roman ‘Rêdbâd, kronyk fan in kening’ komt heal april út by de Friese Pers Boekerij. Syn roman ‘Swarte Ingels’ is koartlyn opnij ferskynd yn it ramt fan ‘Fryslân lêst syn toppers’. Alle reden foar in fraachpetear mei de skriuwer dy’t mei syn frou en trije bern yn Ternaard wennet.

Wat kinst kwyt oer dyn nije roman? Yn hoefier is it ferhaal basearre op de wierheid?
Willem: ‘It wie in bealch fol wurk, ik ha der fiif jier oer dien om it boek te skriuwen.… Lês fierder

Geart Tigchelaar

Foaropwurd

Pleatst op
Reagearje
logo.ensafh

It moaie fan ynternet is datst der maklik samar fan alles en noch wat oan taheakje kinst. Komme wy der moarn achter dat der noch in lyts tikflaterke yn dizze ôflevering stiet, is dat samar ferholpen. Dat is mei in papieren útjefte net te dwaan. Der kin by stikken maklik in plaatsje of in linkje byset wurde. Soks wurdt hieltyd wichtiger en hieltyd mear dien, no ek folop mei de sosjale media as Facebook, Twitter, Hyves ensafh. Dêrom wol ik hjirre net achterbliuwe en link jimme troch nei ús Facebook: Klik hjirre.

Poëzij

Wer in gedicht fan Piter Boersma út syn rige ‘by it …’.… Lês fierder

Geart Tigchelaar

Foaropwurd

Pleatst op
Reagearje
logo.ensafh

Moarn hawwe wy wer in gearkomste en it sil daaldersk moai waar wurde. Dan soe ik stom wêze en gean yn ’e auto of bus. Nee, dan moat ik mar moai op it fytske. De kop útwaaie en faaks ynspiraasje opdwaan. De tiid komt der wer oan om mear bûten te wêzen. Tenei kin de kachel útbliuwe, de ruten mear iepen en sa de natoer binnendoarren helje. Lit it sa in ynspirearjende en produktive maitiid en simmer wurde. Foar elkenien, fansels!
Noch efkes in fermeldinkje, de maitiid kin it bêste yn in ensafh-shirt hâlden wurde!

Poëzij

Piter Boersma hat wer in nij gedicht oanlevere yn syn rige ‘by it…’.… Lês fierder

Geart Tigchelaar

Foaropwurd

Pleatst op
Reagearje
logo.ensafh

Alderbalder, dat wie tige slagge ôfrûne saterdei yn Poppodium Romein. Goede opkomst, goede dichters en goede muzyk. No, wat wol in minske noch mear? Wy, as organisaasje, binne oer alle boegen tefreden mei it alhiele ferrin.
Op de side stiet al it ferslach fan Hedwig Terpstra mei foar dejingen dy’t it misse moasten, in soarte fan ympresje. Ek foto’s en in filmke.
Takom jier wer…? Om de wurden fan Hedwig oan te heljen: “Dat sjogge we dan wol wer. Dit ensafheest is yn elk gefal tige slagge!”
Hjir earst mar wer in digitale ensafh.

Poëzij

Iksels kom mei it gedicht koalysje.… Lês fierder

Geart Tigchelaar

Sinjalemint

Pleatst op
Reagearje
logo.ensafh

Reboelje yn Kollumerlân is de tredde roman fan Rommert Tjeerdsma. It dekôr is Kollum en omkriten oan it ein fan de 18e ieu. It boek hannelet oer de oanrin fan it Kollumer Oproer fan 1797 tusken oranjegesinden en patriotten. De haadpersoan, Eabele Keuning, is in patriot en dat moat er úteinlik ûntjilde.
Eabele hat in fin mear as in bears yn ferlyk ta syn bruorren. Syn heit en mem wolle dêrom graach dat er studearje sil foar dûmny. Lykwols stjert syn heit en dan moat er it fak, skuonmakker, fan him oernimme om mei syn mem troch de tiid te kommen.… Lês fierder

Geart Tigchelaar

foaropwurd

Pleatst op
Reagearje
logo.ensafh

Wer in redaksjegearkomste hân en dêrby de kopij trochnommen sadat der wer in nij foarriedsje op de planken leit om de digi te foljen. Ek dizze kear koe it wer minder, al sis ik it sels.
En al ús lêzers witte no grif dat op 12 maart it saneamde ensafheest plakfine sil yn Poppodium Romein te Ljouwert. Noch mar efkes wat reklame, want dit is de lêste digi foar dat feest. De twa bands New Killer Stars en de Hûnekop fersoargje de muzikale noat. Fierders hawwe wy de dichters: Hidde Boersma, Tsead Bruinja, Sytse Jansma, Sigrid Kingma, Elmar Kuiper, Grytsje Schaaf, Janneke Spoelstra en Geart Tigchelaar.… Lês fierder