Poëzij

Anne Feddema

Dea lâns de dyk 1

Pleatst op
Reagearje
logo.ensafh

 

Foar Drs. P. (1919-…)

We ride
Troch Ruslân
Yn in bus
Earne yn ’e ‘Gouden Ring’
Tusken Suzdal en St. Petersburch
Sit ik haha mar mei dy aap
Dat lilke ding
Ik ûntkom der net oan
Dan flitst eat foarby
It liket hiel gewoan
Tusken dream en bjirkebeam
Foar it rút fan ’e rjochterkant
Minsken yn fleurige klean
Se steane ticht by elkoar
Dat is no net mear ferbean
Mar wat hie ik sjoen?
Mei dizze eagen
Draai film fluch werom
It wie de dea op skreagen
In kiste mei in lyk
Samar yn it sicht
Samar lâns de dyk
Man, frou
Jong, âld
Ha ik sa gau net sjoen
Lokkich is it net kâld
Lichem kin maklik yn ’e grûn
Men hoecht net te hakjen
Dêrnei sille se grif drinke
Ite, miskien fan boarden
Ea noch kocht yn
It Paradys op ierde
Yn Moskou
It warehûs
Goem.… Lês fierder

Koos van der Sloot

Oeraai

Pleatst op
Reagearje
logo.ensafh

 

wy wienen manmachtich
sa fier it each rikke koe
widzjend op ’e weagen

om ús hinne
waard it stadichoan
rommer
waard it stadichoan
hiel leech

allinne fierder

doe’t ik oankaam
bliek de ein
– it begjin

doe

Titel: ‘Doe’
Keunstner: Koos van der Sloot
Fotograaf: Linus Harms… Lês fierder

Jacobus Q. Smink

Safety Zone

Pleatst op
Reagearje
logo.ensafh

 

ûnder de spjêren en iepen nuddels
krigest de dreen oan dyn búk
soerstof rûnom en al dy bije miezen
tsjin de ruten mei in snaffeltik

dream mar lekker sliepende prinses
hjir stiet gjin tuter foar dy ynspand
mar in sleper troch dyn koma hinne
wat in skande is; ek dat it sta seit

en wilens betink ik in goocheme trúk
om dyn wil te litten wat er is
flechtich as it gas en fergees hast… Lês fierder

Geart Tigchelaar

De beam

Pleatst op
Reagearje
logo.ensafh

 

herinnerst dy dy beam
yn ’t lân achter hûs
mei touwen en in planke
skommelen w’ de simmer lang

âlder waarden wy
it boartsjen waard tútsjen
wy fersprutsen mekoar
tûken hongen djip oer
ús beskûl yn elkoar

triennen yn fjouwer eagen  
nijbou easke omseagjen

leechte follet it fermiste
de tins bliuwt hingjen
yn ’e swietens fan it lok
herinnerje dy… sa ek my… Lês fierder

Sjoerd Spanninga

Indian summer

Pleatst op
Reagearje
logo.ensafh

 

Indian summer

De jûn,
In readhûd,
Sit foar de wigwam fan de nacht te smoken,
En rikket de prairy en bosken fol skimer.
Dan nimt er syn rûnstjûnige kano,
De moanne,
En set koerts oer de grutte stjerrestream
Nei de blinkende mar fan de moarn,
Dêr’t de himel syn frede yn spegelt.

Indian summer

De avond,
Een roodhuid,
Zit voor de wigwam van de nacht te roken,
En dampt de prairie en bossen vol schemer.
Dan neemt hij zijn rondstevenige kano,
De maan,
En zet koers over de grote sterrenstroom
Naar het blinkende meer van de morgen,
Waar de hemel zijn vrede in spiegelt.… Lês fierder

Heidi

Barnstien

Pleatst op
Reagearje
logo.ensafh

 

yn skom bebêde leit it dêr,
fersmiten hast, oanspield
bewarre ljochtfang út djipten wei
fan ivich weagjend wetter

wûnfocht út rûzjend baltysk grien
ferstienne yn syn tiidsferhaal
omwinteljend yn tsjusterens
bereizget sâlte grûnen

trochsichtich goud, omsletten
stjurre libben dat brâning socht
en ljochtomspield klear tsjûgje wol
fan ûnbeslipe skjintme.… Lês fierder