Cornelis van der Wal

Skurve Barbaren

Pleatst op
logo.ensafh

Reisferhalen binne saai. Fakânsjefoto’s binne stomferfelend. Ik bedoel mar, elke boerehufter reizget tsjintwurdich in ein yn ‘e rûnte, dêr sit gjin sprút aventoer mear by.

Jo favorite kollumnist hat ferline wike ek in pear dagen bûten de grinzen fan ús dierber Keninkryk omspaand. Ek hjir wie it aventoer fier te sykjen, ik hie in organisearre busreis nei Praach boekt. Mei gidsen en sa. Mei in bussjauffeur dy’t mient dat er grappige ferhaaltsjes fertelt. Mei Gert en Hermien út de lûdsprekkers ûnderweis.

Dochs haw ik my skoan fermakke, ik trof in twatal… Nee, lit ik net al te privee wurde, litte der geheimen bliuwe.… Lês fierder

Willem Tjebbe Oostenbrink, Melle Hylkema

Goldjebloemen/Goudsjeblommen

Pleatst op
logo.ensafh

Met n schop en mien zeuntje an e haand
stamp ik kluten fien. n Koordje verbiendt
de stikken om perk te stellen
en t zaaibed te behoeden
veur kienderleke overmoed.

Zun stijt leeg oranje
goldjebloemen schienen
aal weer te bloeien.

Doar hurk ik noast opa met
moanvörmege zoadjes ien t knuustje.
t Vertraauwde silhouet buugt hum
over mij hin, gript even mien haand,
drukt dan d’eerde toe.

k Wies woar of dat et wotter moet,
op mien swadde klompen
zit t jonkje en schept.

Goudsjeblommen

Mei in skeppe en myn soantsje oan ’e hân
stamp ik kluten fyn. In triedsje ferbynt
de stokken om perk te stellen
en it siebêd te behoedzjen
foar bernlike oermoed.… Lês fierder

Willem Winters

Paradys

Pleatst op
logo.ensafh

No begryp ik it. It boek fan Kevin Rushby Het Paradijs hat ús wer te plak set. Hy skriuwt oer it sykjen nei it Paradys troch de ieuwen hinne. En dan blykt der in ferskaat oan foarstellingen te wêzen. It byld fan it Paradys is feroare (sjoch it ferhaal fan Adam en Eva) ta in plak dêr’t de hiele wrâld te keap is. Wy lêze Rushby kampearjend op in boerekemping in Noard-Frankryk. Us foarkar foar suterige boerekempings en kemperplakken yn desolate oarden is ús Paradys.

Rushby jout in oersjoch fan streamingen en yndividuën dy’t sochten nei it Paradys op ierde. Ik sil hjir in pear puntsjes oanstippe.… Lês fierder

Anneke van Renssen

Noordelijk Film Festival

Pleatst op
logo.ensafh

Wy binne op fakânsje en ik frege Willem oft wy dan wol stikjes meitsje soenen. ‘Fansels,’ sei Willem. No, dan woe ik het noch wol eefkes oer it net trochgean fan it Noordelijk Film Festival (NFF) en it alternatyf hawwe. Willem net. ‘Dan kin ik allinich mar skelle.’ Willem is noch altyd poerlilk oer op de wize wêrop’t ik der wei rekke bin.
Hawar, dan mar aparte stikjes. Willem woe it ha oer it Paradys, ik oer in foar my ferlern Paradys: it festival. Ik wol my eins net mear bemuoie mei Film in Friesland, mar wat meitsje se der in soadsje fan.… Lês fierder

Geart Tigchelaar

acedia

Pleatst op
logo.ensafh

moarnsdage ropt him om grom
by in nije dei fol brein
mei ’t piipjen fan wekker

fakânsje sûnder werklik
útsjoch en ’e skamte fan
it net wêzen wolle
ropt him om grom

altyd warber lykje foar it
alsjend each fan de machtige
buorman achter geraniums

net it ferfelen mar it net
meitellen ropt him om grom… Lês fierder

Hedwig Terpstra

Fraachpetear mei Nyk de Vries

Pleatst op
logo.ensafh

Nyk de Vries (1971) hold tiisdei 27 febrewaris de lêzing ‘Raffelich realisme’ yn de biblioteek fan Snits. Dit wie de lêste lêzing yn it ramt fan de Literêre Fjouwerstêdetocht, dêr’t ek André Looijenga, Greet Andringa en Sigrid Kingma oan meidienen. Nyk is oarspronklik ôfkomstich út Noardburgum en wennet no mei syn freondinne en pasberne soantsje Rijk Fokke (17 jannewaris 2012) yn Amsterdam. Hy hat krekt in nije Nederlânsktalich bondel út: ‘De dingen gebeuren omdat ze rijmen’. Earder skreau er de roman ‘Rezineknyn’, de bondel ‘Motorman’ en de roman ‘Prospero’. Hy skriuwt proazagedichten en publisearret dy geregeld by ensafh. Nyk skriuwt sawol yn it Frysk as yn it Nederlânsk.… Lês fierder

Hedwig Terpstra

‘Snipperdei’ yn Húns

Pleatst op
logo.ensafh

‘Snipperdei’, in blijspul yn twa bedriuwen, waard 23 en 24 maart opfierd yn De Murdhoun yn Húns troch toanielferiening De Takomst fan Húns/Leons. Oene Spoelstra hat it stik skreaun yn 1976 en it is al meardere kearen opfierd. Hy krige yn itselde jier ek de provinsjale toanielpriis foar it stik. It aparte oan ‘Snipperdei’ is dat de sênes troch inoar smiten binne. Spoelstra fûn it oarspronklike stik dat er skreaun hie net spannend genôch en besleat de folchoarder fan de sênes te feroarjen.

Elmar Kuiper (rjochts), foarsitter fan toanielferiening De Takomst, regisseur Thomas Bijlsma en ynstekster Francien de Vries

It ferhaal fan ‘Snipperdei’ giet sa.… Lês fierder