Jelma Knol

Fyftjin jier freonskip

Pleatst op
logo.ensafh

Fan ’t simmer wie ik op reis mei in boek: Helse liefde fan Frédéric Bastet, in biografysk essee oer de ferhâldingen tusken fjouwer bysûndere minsken, de skriuwsters George Sand (pseudonym fan Aurore Dupin), Marie d’Agoult, en de komponisten Chopin en Liszt. It brocht my nei de my ûnbekende kriten fan de Berry, in plattelânsgebiet yn Frankryk, krekt boppe de Haut-Limousin.
Flakby it rivierke Creuse sieten wy yn in nochal tsjustere gîte, ûnderdiel fan in pleats dy’t der nei alle gedachten yn George Sand har tiid al stie. Acht kilometer fierderop hie de skriuwster in twadde wentsje yn it doarp Gargilesse en noch fyftich kilometer fierder stie har lânhûs yn Nohant.… Lês fierder

Anne Feddema

Ik kuiere yn ’e kjeld nei Köpenick

Pleatst op
logo.ensafh

Goethe die in reis
Nei Itaalje
Rilke nei Ruslân
Obe Postma hat
Nei Harns ta west

As oare minsken
De ien mear oars
As de oare binne
Hja werom kaam

Ik kuiere yn ’e kjeld
Nei Köpenick
Oer de wite
Wuhlheide
Song stikken
Ut ’e Winterreise
Ik wie noch net in
Oar minske wurden
Kaam se lykwols
Wol tsjin
Goed ynpakt allegear
It skeelde in jas
Mei de dei derfoar
Hast beferzen kaam
Ik oan yn Köpenick
En sloech dêr
In skronfelich mantsje
Ut syn unifoarmsjas
De reis werom wie
Stikken waarmer
Myn skonken kamen
Sa heech as de keale
Wuhlheider beammetûken
Ik rûn yn prusyske paradepas
It militêr wêzen siet my in it bloed
De wyn helle bot oan
En gûlde oer de heide:
Wat stiet in unifoarm dy dochs goed.… Lês fierder

Geart Tigchelaar

Is it wol sa gewoan?

Pleatst op
logo.ensafh

Besprek De gewoanste man fan Hidde Boersma

It liket as giet Hidde Boersma alle sjenres by del. Yn 2008 debutearre er mei de dichtbondel De rop om Doede. It gedicht mei de lyknammige titel sloech fuortdaliks yn. Twa jier letter hie Boersma in ferhalebondel op syn namme te stean mei de titel Fol túch de mist yn. En no, mar ien jier letter, komt er mei syn earste roman, De gewoanste man.
En dy gewoanste man is Ale van der Meer, 57 jier âld. Troud en twa bern, in soan en dochter. De dochter ferwachtet har earste bern en is ek it earste bernsbern fan Ale en Frouk.… Lês fierder

Geart Tigchelaar

Foaropwurd

Pleatst op
logo.ensafh

It wie ferline wike útsûnderlik myld waar foar de tiid fan ’t jier. Minsken wiene noch wakker drok dwaande yn ’e tún. De blêden falle al wol fan de beammen, dêr is gjin begjinsein oan om dat hieltyd oanfeie te moatten. Wat in drokte om neat, want moarn leit it op ’e nij besiedde. Krûp leaver yn ’e hûs en set de kompjûter oan. Lit de wyn mar oanhelje en oer de heide gûle. As der al in beam omwaait en dêrtroch komt der in stoeptegel bryk te sitten, losse de strjitmakkers dat wol op. Mar nei de hjerst en de winter komt der wer in nije tiid, soe it in nije tiid wurde sa’t Nyk de Vries dat skriuwt?… Lês fierder

Taspraak deputearre De Vries Gysbert Japicxpriis 2011

Pleatst op
logo.ensafh

Taspraak dep. Jannewietske de Vries by útrikking
Gysbert Japicxpriis oan Durk van der Ploeg.

Achte oanwêzigen/Bêste minsken,

It moat my mar fuortendaliks fan it hert: einlings hat Durk van der Ploeg de Gysbert Japicxpriis! Gelokkich, ik kin net oars sizze.
At der ien de priis fertsjinnet, dan Van der Ploeg. Alle kearen neamd, nea wûn. Wat wie ik bliid dat ik Durk van der Ploeg lêsten moarnsbetiid belje mocht om him te fertellen dat er dizze priis krije soe.

Dêrmei is de erkenning realisearre fan in grut skriuwer, mei in grut oeuvre. No wie dizze erkenning der altyd wol, fan de lêzers, mar at je dan altyd op ien nei earst binne, dan kin ik my yntinke dat je wolris wat teloarsteld binne.… Lês fierder

Advys kommisje Gysbert Japicxpriis 2011

Pleatst op
logo.ensafh

Advyskommisje

Oan: Deputearre Steaten fan Fryslân
t.a.f. Jannewietske de Vries, kultuerdeputearre

Fan: advyskommisje Gysbert Japicxpriis 2011
(Sietske de Jong, Ate Grijpstra en Willem Verf)

Ikkerwâld, 30 augustus 2011.

Acht kolleezje,

Hjirby advisearje wy de Provinsje Fryslân de Gysbert Japicxpriis 2011 ta te kennen oan Durk fan der Ploeg, skriuwer te Noardburgum. Fierderop yn dit brief fine jimme in wiidweidige ynhâldlike motivaasje foar dit advys.

Alderearst wolle wy as kommisje graach in advys útbringe oer it karakter fan de priis. Wy fûnen it dreech om alle sjenres literatuer, útsein poëzij, yn ús oardielsfoarming te belûken. Boppedat moasten wy kieze oft wy de priis takenne moasten oan in inkeld boek of foar in heul oeuvre.… Lês fierder

Laudatio foar Durk van der Ploeg

Pleatst op
logo.ensafh

Laudatio fan Bert Looper

Achte oanwêzigen, achte Van der Ploeg,

Yn 2007 kaam ik nei 32 jier wer werom yn Fryslân. Durk van der Ploeg wie de earste Fryske skriuwer dêr’t ik doe oer de flier kaam. Ja, Van der Ploeg, jo sjogge no wat ferheard want de wurden ‘oer de flier komme’ suggerearje in relaasje dy’t der yndie net is. Sterker noch, jo witte faaks net iens dat ik by jo oer de flier kaam want jo moasten dy deis wat yn de tún omskarrelje en sa koe ik mei de makelaar troch jo hús hinne strune…. Ik wist sels ek net dat ik in besichtiging hie by de skriuwer Durk van der Ploeg, mar ûnder de rûnlieding kamen de makelaar en ik ek yn in studearkeamer en dêr waard it foar my dúdlik: ik stean hjir yn it hillichdom fan Durk van der Ploeg!… Lês fierder