Sjieuwe Borger

Fragmint út nije roman ‘Simmer oan ’e Pikmar’

Pleatst op
logo.ensafh

De oare deis rûn er mei de fyts oan de hân nei de oerhaal en pinige him de holle wa’t Thérêse wol net wêze mocht. Thérêse fan der Geast hie belle en om him frege. Syn heit hie lykwols it tillefoannmer net opskreaun. Sybren koe nimmen dy’t Thérêse hiet.
Mei de krêft fan heechsimmer opponearre de sinne him mids de wolkens dy’t fluch út inoar dreaune. De dampen fan it simmerbuike stiigden op fan de strjitte, dy’t ynienen fol jongerein wie, as hiene se har ferskûl holden om tefoarskyn te kommen as it safier wie. Se ferdwûnen yn kafetaria, pizzeria of bistro.… Lês fierder

Cornelis van der Wal

Brún Bloed (01)

Pleatst op
logo.ensafh

Haadstik Ien: Bloed en in Brief

Waarm bloed fan in stjerrende ko dripte feedokter Rinzema fan ‘e fingers. It kealtsje lei blau en sêft triljend op it strie, noch in djippe, heaze sucht en doe wie it ek foar dit nije libben oer.
Boer Tolsma stie der alhiel ferslein by, hy koe gjin wurd útbringe. Rinzema kloppe him op it skouder en besocht de man út te lizzen dat der neat oan te ferhelpen west hie, it keal hie alhiel dwers sitten, en eins hie neffens him de ko ek te âld west om noch te kealjen. Tolsma bleau stokstiif stean en reagearre net.… Lês fierder

Geart Tigchelaar

Foaropwurd

Pleatst op
logo.ensafh

Simmerfakânsje is komkommertiid sizze se, mar dat giet lang net altyd op. Want yn ’e fakânsje hat him moai wat ôfspile. De diskusjes fiere heechtij op allerhande social media en op it nije ensafhoarum (link).
Krityk is fansels goed, wannear’t it opbouwend is. Tusken alle skellerij sitte wol dingen dy’t it oertinken wurdich binne. En dat sil ik ris dwaan no’t ik op it stuit yn Eastenryk sit om te bekommen fan ’e ferhúzerij dy’t ik no achter de rêch haw.
Ensafh is neat mei neat, komt it bytiden op del. Wis, wy soene mear dwaan kinne en benammen mear helje kinne út de digitale tûke dy’t wy hawwe.… Lês fierder

Piter Boersma

In Memoriam Binne Lútsen Boarnstra

Pleatst op
logo.ensafh

‘En út de tijen / fan har fruchtbere grûn / bin’ wy ta minske berne / en hinnetein’

Op 9 septimber 2011 is yn de âldens fan 65 jier de dichter Binne Lútsen Boarnstra ferstoarn. Al jierren, en de lêste jierren benammen, manifestearre er him hieltyd mear as eigensinnich amateurhistoarikus. Hy hat noch krekt meimakke dat april dit jier by útjouwerij Penn it troch him yn ’e mande mei Klaas Jansma en Dirk Huizinga gearstalde boek Staveren hoofdstad van de Friese kusten ferskynde. Yn it boek skriuwt er û.o. oer ‘Sint Odulfus en het zeerecht’.

Binne Lútsen Boarnstra is de dichter fan in hiel lyts, mar bysûnder oeuvre.… Lês fierder

Hedwig Terpstra

It Skip De Lading te wetter

Pleatst op
logo.ensafh

It tweintich meter lange skip fan papier masjee fan de Ljouwerter stedskeunstner Marten Winters is snein 11 septimber ûnder grutte belangstelling te wetter litten. De bou fan it skip hat sa’n twa jier duorre en dat barde op it binnenplak fan de âlde finzenis De Blokhúspoarte yn Ljouwert. Op it houten raamt is in hûd oanbrocht dy’t bestiet út âlde kranten, foto’s, tekeningen, teksten, ferhalen fan bewenners, ensafh. De ôfrûne moannen koenen minsken meiplakke oan it skip. Oer it papier masjee is in laklaach oanbrocht om it wetterticht te meitsjen. It wie lykwols oant it lêste momint de fraach oft it skip driuwen bliuwe soe.… Lês fierder

Hedwig Terpstra

Baldrs Draumar: folkmetal mei Fryske teksten

Pleatst op
Reagearje
logo.ensafh

It metalfestival Fuckpop waard sneon 2 july foar de twadde kear holden yn Boelensloane. It festival waard organisearre troch Sigrid en Rixt Kingma. Op it poadium stienen de bands Spyker, SWIMorDROWN, Carnation, Solace Within, Lyonite en Deadbeat en as ôfsluter Baldrs Draumar. Sy spylje fiking/folkmetal mei Frysk- en Ingelsktalige teksten. Dat is unyk, want it tal folkmetalbands yn Nederlân is op twa hannen te tellen en Baldrs Draumar is de iennichste dy’t it yn it Frysk docht. De band bestiet út fiif leden en treedt alle moannen ien of twa kear op, ek bûten Fryslân. By it festival hâld ik in fraachpetear mei drummer/tekstskriuwer Dondervuyscht.… Lês fierder

J.H. Halbertsma als lexicograaf

Pleatst op
Reagearje
logo.ensafh

Joost Hiddes Halbertsma (1789-1869) heeft zich in zijn lange leven met uiteenlopende zaken beziggehouden. Hij was doopsgezind preker van beroep, maar zijn belangstelling ging veel verder dan de theologie alleen. In veel van zijn publicaties staan taal en cultuur centraal. Hij interesseerde zich vooral voor het oudere Nederlands en voor het Fries in al zijn historische en geografische facetten. Tussen de bedrijven door, heeft Halbertsma een groot deel van zijn werkzame leven besteed aan het Lexicon Frisicum, een woordenboek waarin hij zowel eigentijds Fries en Oudfries, als het in Duitsland gesproken Noord- en Oostfries beschreef. Als verklarende taal gebruikte hij het Latijn.… Lês fierder