Emmy Hennings

Morfine / Morfin

Pleatst op
Reagearje
logo.ensafh

Morfine

Wy wachtsje op in lêste aventoer
Wat mitert ús no de sinne?
Opsteapele dagen stoarte der hinne
Unrêstige nacht – gebed yn ’t faaiefjoer

De post noch lêze dogg’ wy likemin
Mar withoefaken ha wy stikem wille,
Om’t wy alles witte, en slûchslim
Fleane wy yn en út yn koartsgrille

Hoe’t wy ek drave en stribje
Hjoed is in noch trystere dei
Wy fine gjin hâld om te libjen
En sliepe, betize, hjirrewei…

Oersetting: Piter Boersma

Morfin

Wir warten auf ein letztes Abenteuer
Was kümmert uns der Sonnenschein?
Hochaufgetürmte Tage stürzen ein
Unruhige Nächte – Gebet im Fegefeuer.

Wir lesen auch nicht mehr die Tagespost
Nur manchmal lächeln wir still in die Kissen,
Weil wir alles wissen, und gerissen
Fliegen wir hin und her im Fieberfrost.… Lês fierder

Piter Boersma

Foaropwurd 23

Pleatst op
Reagearje
logo.ensafh

Poëzy
Ruurdtsje de Haan giet stoef troch mei it skriuwen fan gedichten by wurk fan de ferneamde, yn Ljouwert berne grafikus  M.C. Escher (1998-1972). Yn dizze ensafh it gedicht ‘Sjoch yn de kom’: ‘Hoe fertekent ljocht de tiid,/sjonge fûgels in moarnsliet.’
Fan Jaen stiene op ensafh al de engazjearre gedichten ‘Fryske beweging’, ‘Fryske froulju’, Mare Frisiscum’ en ‘Fryske skriuwer’, no konfrontearret se de lêzer mei ‘Fryske soarch’.

Kabouters
Yn ’e jierren 1969-1974 wiene yn Nederlân (Amsterdam) de Kabouters aktyf. It wie in beweging om de ferneamde provo’s Roel van Duijn en Robert Jasper Grootveld hinne. Yn 1970 hellen de Kabouters 5 sitten yn de Amsterdamske gemeenteried.… Lês fierder

Willem Winters

Emmy Hennings, by har 125ste bertedei

Pleatst op
Reagearje
logo.ensafh [17 Febrewaris 1885 – 10 Augustus 1948]

Nea witten dat der wurk fan Emmy Hennings yn it Nederlâns útjûn wie en dêr fyn ik samar Helga speelt het leven (Oarspronklike titel: Das fluchtige Spiel. Wege und Umwege einer Frau (1949)), har autobiografyske roman.
Om har te pleatsen wurdt meastentiids meld dat se de frou fan Hugo Ball [1886-1927] wie en dat beide wichtich wiene by it oprjochtsjen fan Cabaret Voltaire (Zürich 1917]. Dat wie de oanset ta it ûntstean fan Dada.
De haadpersoan Helga út Helga speelt het leven hat in drege jeugd. Har mem sit har achter de fodden dat se mar gau trouwe sil.… Lês fierder

Skermer

Elikser

Pleatst op
Reagearje
logo.ensafh

Alles wat is en ûntstiet streamt, meiinoar foarmet it de rivier. Mar it is ek oars, dat wol sizze yngewikkelder. Alles makket diel út fan de stream, mar alles en elkenien stiet ek op ’e kant. Alles en elkenien stiet him op ’e kant te ferfelen, te fermeitsjen, te ferbiten, lilk te meitsjen, te ferskjinjen, te fergriemen, te bemigen, te oerrazen. Alles en elkenien wol wat yn dy rivier smite dat er sels makke hat. Sjoch dêr ris, alle Fryske skriuwers en dichters nêst inoar op ’e wâl, allegear dreamend fan en dwaande mei it realisearjen fan in literêr orgasme, mei it brouwen fan it elikser.… Lês fierder

Simen Oetie

Kabouters yn Kopenhagen

Pleatst op
Reagearje
logo.ensafh

De jûn hie joalich west, mar by de grins begûn it gemiter.
Hy folge by freonen it fuotbaljen, smookte en sûpte wat mar net yn’t mâle; foaral gekjeie mei wurden, langút. De wrâld wat omkeare.
Yn ’e iere moarn wie er ôfset foar syn misje, no hast fjirtich jier lyn. In poepesintsje lake him ta. It âlde keverke, mei sa’n lyts efterrút, rûn poerbêst. Krekt as it hielal skynde it libben him ûneinich. Mar Nije Skâns foarby waard er keard.
De Dútske dûanelju bearden dat er útstappe moast. Hja skoden it folksweintsje út it sicht wylst him alle spullen ôfnommen waarden.… Lês fierder

A. IJ. van den Berg

In debutante yn it byntliif

Pleatst op
Reagearje
logo.ensafh

It wie in goed idee fan Tineke de Jager – van der Zee om in boek te skriuwen oer de Dokkumer froedfrou Catharine G. Schrader [1656 – 1746]. In fraach is foar my al oft de romanfoarm dêr ta wol de bêste mooglikheden biede koe.

Catharine G. Schrader har namme libbet ek hjoeddedei noch altiten fierder, troch in nei har neamde stichting. Dy hat ta doel om de kennis oer de kreamkunde te befoarderjen. Har rom tanket se oan har praktykdeiboek, dat bewarre bleaun waard, en in hiel rike boarne is fan details oer berten yn ‘e achttjinde ieu. Miskien wol de iennichste boarne.… Lês fierder

Jaen

Fryske soarch

Pleatst op
Reagearje
logo.ensafh

Woe ik in boek keapje foar
in omke dy’t in oanfaltsje hân hie
tocht ik der is in boekwinkel

yn it MCL, moatst miene, twa
Fryske boeken stiene der
en dy hied er sels thús wol

dat ik frege: wêrom
ha jim hjir net mear
Fryske literatuer

de frou achter de kassa seach my
fernuvere oan en sei: daar
vraagt nooit iemand naar

Soe ik in blomke meinimme
foar in operearre mem, út ’e
blommewinkel yn it MCL

wolst wol leauwe, net ien Frysk
kaartsje op ’e baly
en Hollânske wol hûndert

dat ik frege: wêrom
it fanke seach my oan
as kaam ik fan in oare planeet

en ik wit net wêr’t it meast om wie
om mysels dat ik dochs in kaartsje
kocht – de blommen wiene moai – of
om dy Friezen dy’t der net nei freegje

mar ik WÛN MY NOCH AL OP

Moatst net dwaan, sei F.,… Lês fierder