Reaksje fan Koos Tiemersma

Pleatst op 21 januari 2010

Oer weitsje en sliepe

Sjoch ris oan: Ensafh. en Piter Boersma binne wekker. Us digitaal blêd ferkundiget sels in miening en dat mei in unikum neamd wurde. Dan moat der wrachtsjes in kwestje fan formaat wêze en dat is der dan ek: hélp, straks moatte wy fierder sûnder It Boun…

Earst dit: it is net ‘Koos Tiemersma’ dy’t It Boun opheffe wol, soks wurdt útmakke troch de léden. Piter Boersma hat jierrenlang bestjoerlik warber west, mar dit prinsipe dat foar elke feriening jildt, is him sa’t it liket ûntgien. It is spitich om it fêststelle te moatten, mar blykber is der earst in klap op ’e tafel à la Lakeman nedich om derfoar te soargjen dat guon de slûge kop út it sân skuorre, ferwyldere om har hinne gnuve en dan dogge wêr’t sa’n soad yn it Fryske MickyMouse-wrâldsje sterk yn binne: yn in goedkeape refleks sjitte en op de man spylje.… Lês fierder

Nijjierstaspraak 2010 Koos Tiemersma

Pleatst op 21 januari 2010

Reagearje

Nei in jier fan ynspraak op it letterebelied fan de provinsje is it no stil wurden, in stilte dy’t him goed lient om opfolle te wurden mei in pear kanttekeningen fan de kant fan it Skriuwersboun. De ynspraak bestie út in pear gearkomsten mei in heech ‘roept-u-maar-gehalte’. Elk koe mar raak ynbringe, en dat waard dan ek mei ynmoed dien. Sa hat it Boun him û.o. sterk makke foar de ferbettering fan de finansjeel swakke posysje fan skriuwers, om mar ris wat te neamen. No sille guon opmerke dat soks net nedich is om’t Fryske skriuwers harren wurk dochs as hobby sjogge en der net fan hoege te bestean, mar sa’n lege beleanning foar it skriuwen yn bgl.… Lês fierder

Jacobus Q. Smink

Father and Son

Pleatst op 19 januari 2010

Reagearje

in soan dy ’t wat seit:
tink mar datst in heit
mar mem dy giet foar
oars hat it nea west

as er syn heit de rêch
takeart en sûnder groet
as soarte ferlerne soan
lang omtoarke hat

in jûn let en hy komt
nei hûs ta en sa’t it
gong sa sil it gean
oars hat it net west

en it is in heit dy’t
de jonge bliid noadet
en him om wat spyt
per se net bekroadet

rju sit it folk der by
as it feest is yn ’e lijte
tee en dúmkes, nachts
ek wat brandewyn

rikke ieltsje der op ta
wat sei ’k
en it sil rûzich wê-
ze op dat stee

en elk dy sliept yn de
dream it mearke dat
yn de dei
tekoart skeat

in hoart is it
noch gjin fraksje fan wat
swijen wie it wat er sei, dat
te lang hat er útsjoen

ien jûn en dat wie jûn
let, wa ferwachte noch
syn iene stap út tûzen
wa dat tinke kind

it âld ferhaal fan
jierren yn ’t ferletten
en yn de boeken skreaun

rigels dy’t as wetten
fan it papier ynprinte
en sûnt oerein bleaun

rju sit de jonge der by
blide mem-en-dy
en it is feest yn ’e lijte

troch de stjerren bekike
ta de moanne alles gûld
efter it ear ynskúnd

rik der nei en gryp it ris
en ek dat it wer yn oarder is
tocht pake prom ris… Lês fierder

Skermer

Oerjefte

Pleatst op 19 januari 2010

Reagearje

Ik harke niis nei de cd Johnny en Bob. Nêst solonûmers fan Cash en Dylan stean der ek duetten fan Bob Dylan mei Cash, Paul Simon en Willie Nelson op. De duetten en ek inkele oare stikken binne live-opnamen. Ik hâld fan live-opnamen. It ekstra derfan, fansels as it om in ynspirearre konsert giet, binne de lossens, de drive en de oerjefte fan ’e muzikant(en) en de sjonger(s). By duetten komt dêr dan de wille en it geniet fan it tegearre sjongen by. Wêr’t ik my hielendal troch meinimme liet wie de unplugged ferzje troch Dylan en Paul Simon fan ‘Sound of Silence’, it ferneamde nûmer fan Simon & Garfunkel.… Lês fierder

Piter Boersma

It Fryske literêre libben (1): It Skriuwersboun opdoeke?

Pleatst op 19 januari 2010

Reagearje

It is nuver as immen dy’t krekt sels witte litten hat dat er ophâldt mei skriuwen dêrnei as foarsitter fan It Skriuwersboun fuort ek mar in fraachteken set by it fuortbestean fan It Skriuwersboun. As Koos Tiemersma ophâldt fan skriuwen, wêrom soe it der dan ek oan ta wêze dat de wrâld ophâldt fan draaien?

Koos Tiemersma wol sels net mear en sjocht der sels gjin gat mear yn. Myn reaksje is dan alderearst: as it safier is mei immen, moat er him weromlûke en plakromje foar oaren en net as folgjende died suggerearje dat wat dêr’t er by belutsen is ek mar better ophâlde kin.… Lês fierder

Piter Boersma

Foaropwurd

Pleatst op 19 januari 2010

Reagearje

In nij jier
Dit is ôflevering 21 fan ensafh op it net, de earste fan 2010. ensafh giet syn twadde jiergong yn. It is mei ensafh neffens de redaksje yn it earste jier sawol wat ensafh op papier as ensafh op ynternet oangiet net ferkeard beteard, dat dit twadde jier kinne wy ynsette mei de útgongspunten konsolidaasje en útbou. It is ús ûnderfining dat nochal wat skriuwers hingje oan papier. Ien fan ’e doelen dit jier is om it tal meiwurkjende auteurs oan ensafh op ynternet omheech te krijen.

Wolkom
Dat seit de redaksje tsjin skriuwer, dichter en blogger Cornelis van der Wal, dy’t yn it plak fan Sito Wijngaarden reachmaster fan ensafh wurden is.… Lês fierder

Ruurdtsje de Haan

Sombyïsme

Pleatst op 19 januari 2010

Reagearje

Us stêd is in stiennen stêd
houd út in rotsberch
yn linen fan fjouwerkanten
en trijehoeken wyt en swart.
Troch úze poarten streame
geiten en beammen en hagedissen
nei har eigen stêd, de sâlte rots.
Ien en al hurde somby
boud sûnder erch of moarch.

Skreaun by ‘Dubbele planetoïde’ fan M.C. Escher

dubbeleplanetoide … Lês fierder