As my de ôfrûne wiken ien ding dúdlik makke hawwe, dan is it wol de grutte populariteit ek by ynternetbrûkers yn Fryslân fan it anything goes-prinsipe. Elk ûnderskied tusken wat wy yn it worldwide-jiskefet wol of net ‘meitsje kinne’, is foetsy. Nitelje, provosearje, útlokke, misledigje, hune, rabje: foar it each dat net langer as in pear tellen sjocht, is it allegear itselde en lead om âld izer. It is ommers allegear ‘skellerij’ en ien pot nat. De iene helte beskôget sokke skriuwerij as amusemint en gniist him de bûsen út. De oare helte tinkt, it sil wol, en surft fierder.… Lês fierder

Lykas ferline wike oankundige hâldt de Fryske Literêre Wrâld in baarnende kwestje tsjin it ljocht, nammentlik de Reve-middei sa’t de Gerben Rypma Stifting fan Blauhûs dy op snein 13 desimber 2009  organisearje wol yn de Sint Vitustsjerke fan Blauhûs.

(Ik ha mar gjin links oanbrocht, elk kin de gong fan saken neilêze op de siden fan de hearen Mous & De Vries.)

Wa’t sa’n middei opsette wol, giet fansels nei watfoar minsken yn ‘e beneaming komme om as sprekker of op in oare manier om mei te wurkjen. Watfoar wei je ek kieze, je komme yn sa’n gefal steefêst út by Huub Mous, dy’t him yn ‘e rin fan de jierren altyd mei Reve dwaande holden hat en mei syn ynsichten stevich oan ‘e wei timmeret.… Lês fierder

Goeie minsken, dat is al wer fiersten te lang lyn…jimme hawwe gelyk…ik twitter dan wol mar ik soe likegoed in bloch skriuwe kinne yn dy tiid, dan mar wat koarter en in soad foto’s en filmkes mei muzyk derby…ja dan komt it wol goed. Mar o..o..o…ooh…ooooooh…Much ado about nothing….sa soe je de útstalling oer myn persoantsje yn Tresoar wol it bêst omskriuwe kinne…mar bêst is it perfoarst net. Wat ik sjoen ha…is folslein amateurisme…sa meitsje je dochs gjin tentoanstelling…trije steande fitrine taffels, dy’t, doe’t ik der wie ek noch net yn’e Gysbert seal sels stienen, mar earne oars…der wie in lunsj oerlis…dan moat de seal leech.… Lês fierder

Krisis, seinen jo? Nee, fernimme wy yn ’t sikehûs en op de operaasjeôfdieling neat fan. Mear as genôch oanrin fan pasjinten. Elke dei fernimme wy op ‘e ôfdieling dat ús kapasiteit krap is, te krap eins. En wat krapper ús kapasiteit, namste faker klinkt de fraach of alles wol moat. Somtiden wurdt alles út ‘e kast helle wylst elkenien al wit dat it neat opsmite sil,

mar neat dwaan…..sit der net yn.

Wannear wol wat dwaan en wannear net is in nuodlike diskusje, mar der sil in kear wat besletten wurde moatte.

Mar troch wa en hoe en wat?

Mear op it weblog fan Edwin de Groot… Lês fierder