Author Archives: Cornelius

Skôging Jabik van der Bij: Better djipfries as blinefries

Pleatst op
Reagearje
logo.ensafh

It is no goed fjirtjin dagen lyn dat de Fryske Taalatlas 2020 iepenbier útkaam. In tige opteine deputearre Poepjes melde dat it goed giet mei it Frysk. Ien kear yn de fjouwer jier kinne wy tsjûge wêze fan de rituele dûns om de taalbeam, want der binne altyd wol griene sprútsjes te finen. Ek al binne de útkomsten dizze kear net better as de foarige kear, der is altyd wol wat te finen dat de moed deryn hâldt. Dizze kear is dat it skriuwen yn it Frysk dat tanimt. Elkenien kin it merkbite: de jongerein doar it Frysk op de bûstelefoan faker te brûken.… Lês fierder

Aginda 30-10-20: Stúdzjemiddei Fryske Bibeloersetting oer ‘soarte’ Frysk

Pleatst op
Reagearje
logo.ensafh

Wie Maria swanger, swier of yn ferwachting fan Jezus?
Sokke en oare taalfragen komme oan ’e oarder op in stúdzjemiddei fan YKFE-FBO, de stifting dy’t dwaande is om de Bibel opnij yn it Frysk oer te setten. Ien fan de fragen is: nei hokker Frysk wurdt oerset: dat fan ‘yn ferwachting’ (in lienwurd út it Hollânsk) of dat fan ‘swier’ (in ‘echt’ Frysk wurd)?

Sân saakkundigen binne útnûge om elk foar oar in aspekt fan dat ûnderwerp te beljochtsjen. It binne: prof.dr. Nicolien van der Sijs (Nijmegen), dr. Willem Visser (RUG/Fryske Akademy), dr. Lénart de Regt (Vrije Universiteit/United Bibel Societies), Nika Stefan MA (Fryske Akademy), Gerbrich de Jong MA (NHL-Stenden), prof.dr.… Lês fierder

Teleks: Dichter fan Fryslân Nyk de Vries begjint yn Wolvegea mei skoalletoer

Pleatst op
Reagearje
logo.ensafh

Dichter fan Fryslân Nyk de Vries is úteinset mei in toernee by skoallen yn de provinsje del. As earste wie tiisdei it Terra Wolvegea oan bar, in gebiet dêr’t fan âldher gjin Frysk, mar Nedersaksysk praat wurdt. De Vries lies koarte Frysktalige fragminten foar op muzyk. De learlingen fûnen it “leuk en leerzaam”.

Lês en sjoch fierder by Omrop Fryslân… Lês fierder

Teleks: Oanmelding kursus poëzy skriuwen stiet noch iepen

Pleatst op
Reagearje
logo.ensafh

Dichterskollektyf RIXT en Tresoar organisearje dizze hjerst in kursus poëzy skriuwen. Yn njoggen jûnen learst oer ferskate aspekten fan poëzy, lykas de start fan it kreative proses, metafoaren, fisuele aspekten en de foardracht. De kursus wurdt fersoarge troch in pear dichters dy’t oansletten binne by RIXT. De rige wurdt ôfsletten mei in dichtersjûn. De oanmelding stie earst allinnich iepen foar RIXT-dichters, mar der is noch plak oer. Dêrom meie oare dichters har no ek oanmelde.

Lês fierder by Sirkwy… Lês fierder

Kollum Aant Mulder: Binne der gjin Fryske tûzenpoaten mear

Pleatst op
Reagearje
logo.ensafh

Binne der gjin Fryske tûzenpoaten mear? Dy fraach, dêr kom ik op om’t de FA (Fryske Akademy) al in skoftke dwaande is om in nije direkteur foar syn ynstitút te finen. In earste advertinsje hat gjin gaadlike reaksjes opsmiten. Guon kandidaten koene wol in foldwaande, mar gjin 8+ krije, lies ik earne. In twadde oprop is dêrom sa formulearre dat ek tûzenpoaten fan om utens derop skriuwe kinne. Hast alle poaten bliuwe fan belang, mar mei in pear kin it wat lije. Dan ha we it oer de Fryske taal en kultuer, de Fryske maatskippij. Gadingmakkers hoege it Frysk net mear yn ’e macht te hawwen, mar moatte dy taal wol sa gau mooglik leare wolle.… Lês fierder

Gerrit de Vries

dêr’t ik wei kom

Pleatst op
Reagearje
logo.ensafh

 

 

dêr’t ik wei kom

neamden we in neger
in neger of in swarte
dêr wie neat pejoratyfs oan
wisten wy folle
se wienen der ommers net
negers

ienris yn it jier
wie Klaske Houtsma
ûnwerkenber sminkt
we holden fan har
en pipernuten
mar wisten net
dat sy it wie

myn earste negerintsje
seach ik doe’t ik útfanhûze
by beppe Wintsje ik wie alve
we boarten hiele dagen
se hie in moaie skutkleur
en wûn altiten mei fersideplak

doe’t ik yn Nigeria libbe
neamden de negers my “oibo”
“white man” of “farske fisk”
en ús blanken
“Jimme witen”
se tochten dat ik ryk wie

ik koe my inkeld ferstopje
efter it traaljestek
fan it guesthouse… Lês fierder

Teleks: NDC neamt wegerjen Frysktalige bydrage FNP ‘misferstân’

Pleatst op
Reagearje
logo.ensafh

Streekkrante De Feanster pleatst gewoan ynstjoerde Frysktalige stikken fan de FNP-fraksje yn de gemeente Achtkarspelen. De FNP wie snein lilk doe’t de partij te hearren krige dat in Fryske bydrage net pleatst wurde soe. Mar dat wie in misferstân, seit Douwe Wijbrands, sjef fan de nijs- en wykblêden fan de NDC Mediagroep, dêr’t De Feanster ek ûnder falt.

Lês fierder by Omrop Fryslân… Lês fierder