Skôgingen

Geart Tigchelaar

Foaropwurd

Pleatst op
Reagearje
logo.ensafh

Minsken, helje de sjampanje út ’e kast, want it is tiid foar in feestje. De digitale ensafh sjocht no Abraham! De fyftichste ôflevering al wer, en wat foar ien! Abraham krijt al in aardich búkje, sa fol sit er!
Op nei de hûndert!

Poëzij

In fers fan Sigrid Kingma mei as oanlieding de bondelpresintaasje fan Cornelis van der Wal yn Britswert.
De Rolling Stones spylje op de Montjuïc, neffens Anne Feddema.

Proaza

It koarte ferhaal is diskear fan Greet Andringa. Ik klap aanst ek de laptop ticht, mar gean der leau ik net út. Soe ik dat wol dwaan, dan soe de loft net fol stjerren stean.… Lês fierder

Hedwig Terpstra

Elmar Kuiper: ‘Ik wol graach wat meitsje dat bliuwt en de wrâld oergiet.’

Pleatst op
Reagearje
logo.ensafh

Elmar Kuiper (1969) is dichter, filmmakker, byldzjend keunstner en psychiatrysk ferpleechkundige. Syn nijste Frysktalige dichtbondel ‘Granytglimkes’ is krekt ferskynd by útjouwerij Bornmeer. In goede reden om him op te sykjen yn Húns, dêr’t er wennet mei freondinne Saskia en harren fjouwer bern.

Wat kinst kwyt oer dyn nije bondel?
Elmar: ‘Mei dizze poëzy stean ik mear yn de wrâld. Foar it grutste part binne it emosjonele fersen en ik jou my dêryn frij bleat. Under it skriuwen boarre ik in âlde, djippe gefoelslaach oan en ik koe dy laach mei poëtyske taal nei de oerflakte helje. Dochs fielde ik my as in kat dy’t de neils skerpe.… Lês fierder

Jelma Knol

Sinjalemint Oer it wetter

Pleatst op
Reagearje
logo.ensafh

Mei Gods segen Oer it wetter

Oer it wetter op ’e weagen fan muzyk en poëzij, is in sympatyk, want demokratysk projekt. Tryntsje van der Veer stalde de dichtbondel mei fersen oer it wetter gear, der sit in cd by mei foardrachten en muzikale útfierings, moai byldwurk en foto’s yn it boek meitsje de totaalerfaring kompleet.

It sympatike en demokratyske fan dit projekt sit him yn de gearwurking tusken amateurkeunstbeoefeners en profesjonals, ek yn de muzyk. In skaaimerk fan projekten lykas Oer it wetter is ûnder mear dat se in royaal poadium biede oan froulike poëzybeoefeners. Yn blomlêzings út de offisjele Fryske literatuer binne dichteressen faak fier yn de minderheid.… Lês fierder

Geart Tigchelaar

Foaropwurd

Pleatst op
Reagearje
logo.ensafh

Alder, allegear wer nije titels op ’e merke. Us eigen redakteur komt mei de yntrigearjende titel Kristus Pavlov op ’e proppen. Ofrûne saterdei is de bondel presintearre yn Britswert, tegearre mei Granytglimkes fan Elmar Kuiper. Der falt wer wat te lêzen, mei oare wurden.
Dat begjint al mei dizze ôflevering, omdat in fraachpetear fan Hedwig Terpstra mei de hear Kuiper hjir te lêzen falt, mei gedicht. Oer fjirtjin dagen komt der in fraachpetear fan deselde Terpstra mei de hear Van der Wal.

Dat sa.

Poëzij

Dus it gedicht fan Elmar Kuiper.
En Piter Boersma giet moai troch mei syn rige ‘by it…’.… Lês fierder

André Looijenga

Sinjalemint: Ûnder wetter

Pleatst op
Reagearje
logo.ensafh

Om twa redenen is Ûnder wetter in tige nijsgjirrich boek: it is in roman óér de Fryske identiteit, en it is in dystopysk takomstferhaal oer de ûndergong fan Fryslân. Tiemersma (*1952) hat by it skriuwen fan dit boek de tiidgeast goed oanfield. Wy libje ommers yn in tiid dy’t swier is fan ûndergongsfoarsizzings: tink oan it klimaat en it ranen fan ’e poalkappen, oan it ekonomysk en wrâldpolityk efterútbuorkjen fan it Westen, oan de ferbjustere besunigings yn tiden fan krisis, oan de takomst fan it Frysk as skriuw- en sprektaal, oan it fuortbestean sels fan Fryslân…

Ûnder wetter is in dystopy, in ferhaal wêryn’t hjoeddeiske tinkbylden ta in aaklik takomstfisioen útwurke wurde.… Lês fierder

Beart Oosterhaven

Ynbannigens troef

Pleatst op
Reagearje
logo.ensafh

Guon Frysktalige artysten en acts kinst mar better net live sjen. Se dogge dan nammentlik it byld datst by it hearren fan har plaatopnamen fan harren foarme hast, slim ûnderstek. Yn it echt binne se ôfgryslik ‘leaf’ (Grytsje Kingma), ‘braaf en moraalridderich’ (Bauke van der Woude), en/of hawwe se in poadiumpresintaasje en -útstrieling fan nul-komma-nul: it binne deade lullen.
Fan it lêste is it duo Ljoubjr, dat bestiet út Hedser Jan Tijtsma (sang en gitaar) en Eelke Wiegersma (gitaar), in skoallefoarbyld. By de presintaasje fan harren jongste cd Blauwe moanne, ein-novimber ferline jier te Easterlittens, foel it mear oanwêzigen op: net Ljoubjr, mar de útnoege gastartysten Ernst Langhout en Sytse Haima stielen mei har sterke optreden de show!… Lês fierder

Geart Tigchelaar

Foaropwurd

Pleatst op
Reagearje
logo.ensafh

Wat hawwe wy mei de peaske in pear prachtich moaie dagen hân. Frij en moai waar, wat wol in minske noch mear. Doe’t it tiisdei en woansdei suver wat koeler wie, koe men dat fuortdaliks fernimme. De jas koe wer oan. En dan merkt men ek hoe gau oft men ta it moaie waar bedoarn is. Want dan sit elk wer te kleien dat it kâld is.
Dan is it moai dat der in stabilere faktor as it waar op ynternet te finen is, en dat is ensafh. Alle fjirtjin dagen farske ûnferfalske Fryske wrâldliteratuer! Hjirby wer in nije ôflevering.

Poëzij

Piter Boersma krijt suver in min sin fan dy ‘pommadearre kwal’ wannear’t er werris in fraachpetear lêst.… Lês fierder