Skôgingen

Oene Spoelstra

Diogenes yn Ljouwert (fragmint)

Pleatst op
logo.ensafh

(Dit is in priuwke út it besprek fan Oene Spoelstra fan it boek Libje goed – Op nei de tonne fan Eric Hoekstra, in ferslach fan it in wikelang trochbringen – nei it foarbyld fan de Grykske filosoof Diogenes – yn in tonne dy’t by boekhannel Van der Velde oan ’e Nijstêd stie en fan ’e moannen dy’t der oanfoarôf giene. It hiele besprek ferskynt ein febrewaris/begjin maart yn Hjir (nû. 1, 2008)).
…
Fan moandei 1 jannewaris 2007 oant sneon 7 april 2007 (de lêste tonnedei) hâldt er in weblog by. De wrâld kin sa fia it ynternet de oanrin folgje ta it tonne-eksperimint en de wederwaardichheden dy’t de skriuwer oerkomme en dy’t him troch de holle gean.… Lês fierder

Piter Boersma

‘De holle útstekke, dat fyn ik moai’ – It skriuwerskip fan Nyk de Vries

Pleatst op
logo.ensafh

Wy ha de middeis om fjouwer oere ôfpraat yn de stasjonsrestauraasje fan Grins, de stêd dêr’t Nyk de Vries al fan syn studintetiid ôf wennet. Goed oardel oere ha wy foar it petear. Nyk syn tiid is beheind. Oer twa dagen sil er ôfreizgje nei Malavi yn it suden fan Afrika. It stasjon is dêrom it ideale plak foar ús petear en it sil bliken dwaan dat it yn ferbân mei de faze dêr’t syn skriuwerskip yn ferkeart ek in symboalysk plak is. Wy ploffe del en begjinne fuort.
Nei Malavi. ‘Ik gean der mei trije maten hinne. Nei in maat fan ús dy’t dêr tropedokter is.… Lês fierder

Piter Boersma

Foaropwurd 109

Pleatst op
Reagearje
logo.ensafh

Foaropwurd

fan freed 15 febrewaris 2008

Dit is al wer de tredde ôflevering fan 2008. It giet fluch. Men moat der by wêze.

‘Ik geniete fan de frisse lucht dy’t ik opsnúfde doe’t ik de ruten iepen sette,’ is in rigel út it ferhaal ‘Lytse dingen’ fan Froukje Postma. It is foar it earst dat fan Froukje wat op Farsk stiet. Yn 2006 wûn se mei in ferhaal de earste priis by de Junior-Rely en ferline jier wer mei in ferhaal, daliks ek mar in Rely Jorritsma-priis by de ‘grutten’. Yn De Moanne stie ek al in ferhaal fan har en ien fan ’e kommende Hjir-nûmers sille de lêzers har wer tsjinkomme.… Lês fierder

Piter Boersma

Foaropwurd 108

Pleatst op
Reagearje
logo.ensafh

Foaropwurd

fan freed 1 febrewaris 2008


 
Dit nûmer en fierder

Op ’e foarige ôflevering stie al in bydrage mei de oantsjutting ‘foarpublikaasje’. Op dizze Farsk stean trije. It is ús stribjen om fan safolle mooglik literêre útjeften dy’t op ferskinen stean in fragmint of gedicht as foarpublikaasje te pleatsen.

Wy wolle de sinjalearfunksje fan Farsk fergrutsje en dy foarpulikaasjes foarmje dêr in ûnderdiel fan. Sa sille wy meikoarten mei in aparte rubryk foar it koart sinjalearjen en beskriuwen fan útjeften en artikels út ein sette en nêst de rubryk Teleks ek mei in (literêre) aginda.

By it boppesteande slút oan de publikaasje op de dei sels fan de Alvestêdegedichten dy’t skreaun binne yn it kader fan de Nasjonale gedichtedei op 31 jannewaris.… Lês fierder

Piter Boersma

Foaropwurd 107

Pleatst op
Reagearje
logo.ensafh

Foaropwurd

fan freed 18 jannewaris 2008

In oergongsjier: Farsk-Hjir
2008 wurdt foar Farsk in oergongsjier. Yn it redaksjoneel by it foarige nûmer is al oankundige dat Farsk en Hjir dit jier al redaksjoneel gearwurkje sille en dat der op ta wurke wurdt om mei yngong fan takomme jier mei in nij fúzjetydskrift út ein te setten. De plannen dêrfoar binne ûndertusken oan ’e subsidiënten foarlein.
Wy hoopje dat it dit jier al slagje sil om sawol Farsk as Hjir te fersterkjen en út te bouwen, sadat der in goede basis leit foar 2009.

Redaksjegearstalling
De redaksje fan Farsk (en Hjir) bestiet no út: Greet Andringa, Piter Boersma (haadredakteur), Edwin de Groot, Inge Heslinga, Sytse Jansma, Jelma Knol, Jacobus Q.… Lês fierder

Edwin de Groot

Dûbel gefoel

Pleatst op
Reagearje
logo.ensafh

By útjouwerij Venus is yn 2007 de gedichtebondel Ieneach Kening ferskynd. Mei gedichten fan Jelle Kaspersma en tekeningen fan Gerrit Cnossen. Kaspersma hat yntusken in aardich nustje gedichtebondels útbrocht en yn in stikmannich dêrfan sit de kombo fan yllustraasjes en gedichten.

Copyright: Gerrit Cnossen/Utjouwerij Venus (2007)

No kinne dy twa keunstfoarmen inoar hiel bêst oanfolje, ferdjipje, neam it mar. It slagge my lykwols net om echt in relaasje tusken byld en wurd te finen. It fernuvere my dan net en lês yn de parse dat de tekenings fan Cnossen en de poëzy fan Kaspersma neat mei mekoar te krijen hawwe soenen. Yn in ynterview mei Sietse de Vries yn de LC (5-10-2007) seit Kaspersma dat der gjin relaasje is tusken de gedichten en de tekeningen.… Lês fierder

Skakers en skriuwers yn Boksum op Henk Kuiper Memorial

Pleatst op
Reagearje
logo.ensafh

(21 desimber 2007) — Foar de twadde kear organisearden de famylje Kuiper-Van der Veer, útjouwerij Bornmeer en Farsk it Henk Kuiper Memorial Skaaktoernoai foar skakers en skriuwers. Twa jier lyn namen skriuwers en skakers (leden fan Henk Kuiper syn skaakklub Philidor) it yn it Ljouwerter kafee Wouters op tsjin Sipke Ernst. Juster soe Remco Heite (boargemaster fan West-Stellingwerf en skaker) yn Boksum simultaan spylje tsjin krekt sa’n selskip, mei skakende skriuwers as: Sipke de Schiffart, Tsjisse Hettema en Jouke Hylkema. Ek literatuerbefoarderer Teake Oppewal die mei en fansels de dichters Remco en Elmar Kuiper, beide soan fan Henk (fotograaf, ferstoar yn 2005).… Lês fierder