Proaza

Jelma Knol

Yn it harnas

Pleatst op
logo.ensafh

Jannewaris begjint weemoedich. Yn ús eigen provinsje moasten wy ôfskied nimme fan in tal treflike minsken dy’t in soad betsjutten hawwe foar de Fryske taal en kultuer. De wrâld fan de Alde Muzyk nimt dizze wike ôfskied fan Gustav Leonhardt, eminint pionier en learmaster fan twa generaasjes musisy dy’t de wrâld fan en foar Bach eksplorearren en mei prachtige útfierings tichter by it publyk brochten.
It prachtige konsert dat it Nederlands Kamerkoor tiisdei yn de Grutte Tsjerke brocht ûnder lieding fan Jos van Veldhoven en twa ensembles mei ferneamde ynstrumintalisten wie sa yndirekt in earbetoan oan alles wat ûnder Leonhardt en syn neiste kollega’s ta stân brocht wie.… Lês fierder

Kahlil Gibran, Jacobus Q. Smink

De Profeet, oer it moaie

Pleatst op
logo.ensafh

Kahlil Gibran

Khalil Gibran, ek wol Kahlil Gibran; berne as Gibran Khalil Gibran, (Basharri, 6 jannewaris 1883 – New York City, 10 april 1931) wie in artyst, dichter en skriuwer.Sjoch foar mear ynformaasje op Wikipedia.

*

De Profeet, oer it moaie

En in dichter sei: Fertel ús oer it moaie fan de Fryske taal. En hy andere: Wêr sikest it moaie, en hoe fynst it as er dysels net ta gids en paad is? En hoe kinst it oer him ha as er net sels dyn taal spint?

De drôven en sleinen sizze: Syn moaiens is freonlik en sacht.… Lês fierder

Skermer

Knibbelje foar JWdV

Pleatst op
logo.ensafh

Slach de krante iepen, sjoch op it ynternet. Knibbelje foar JwdV fan de Kulturele Haadstêd is yn Fryslân de nijste trend. Dat it is gefaarlik yn Fryslân! Want dêr’t knibbele wurdt is men jins libben net feilich. Foarearst noch yn figuerlike sin, Mar sa’n AdV, dichter en sjoernalist, ferkeart as knibbeler al op it rântsje, hy hoecht noch mar in lyts triuwke of hy slacht der op. Elkenien dy’t him kritysk uteret oangeande it idee fan de Kulturele Haadstêd en it gedoch (polityk en organisatoarysk) deromhinne wurdt troch him weiset en útracht. Hy giet net yn op wat nei foaren brocht wurdt, want dat docht der net ta.… Lês fierder

Anneke van Renssen

Sikehûs

Pleatst op
logo.ensafh

Ik ha wol ris heard fan minsken dy’t har tariede op ûnferwachte saken. Dy hawwe bygelyks in piama, skjin ûnderguod, in moarnsjas ensfh. klear lizzen foar as se yn it sikehûs belânje. Sa sit ik net ynelkoar. Mei as gefolch dat doe’t ik lêstlyn ûnfoarsjoens op ’e hertbewekking yn it MCL rekke, ik my net allinnich drok meitsje moast oer wat er oan ’e hân wie, mar ek oer wat Willem oan klean foar my meinimme moast. Ik ha net iens in piama, ik ha it leafst sa min mooglik oan yn bed. ‘Nim mar in pear T-shirts mei en wat ûnderguod.… Lês fierder

Willem Winters

Ferklaaie

Pleatst op
logo.ensafh

Ferkearde klean foar de sitewaasje dy’t him foardocht, wa hat der no net ris mei te krijen hân. Jo geane net yn ’e koarte broek nei in begraffenis, de etikette skriuwt soks foar. Mar tsjintwurdich sjogge jo yn stee fan it eartiids ferplichte swart ek guon lju yn harren deistige klean, yn alle kleuren fan ’e reinboge. Dat steurt nimmen.
Gongen myn alden op begraffenis dan moast der liend of wol hierd wurde, want jo moasten de holle bedekke en in swarte jas drage. Wat is hjirfan oer? Net folle tink, de sikstys hawwe de noarmen ek op dit mêd feroare.… Lês fierder

Cornelis van der Wal

Brún Bloed (07)

Pleatst op
logo.ensafh

Haadstik Sân: Glêzen Eagen en KristallenB

Heidelberger Weinstube, wie de net botte orizjinele namme fan it etablissemint dêr’t de literatoaren har melde moasten foar it jûnsmiel. De seal wie rom, mar dochs smûk troch de smaakfolle ynrjochting, mei grutte planten en sêft hinne en wer swaaiende kristallen kandlers. Yn in herntsje spile in strykkwartet, en allegeduerigen draafden obers en servearsters hinne en wer. Hy seach oan de oare kant fan de seal Jouhandeau sitten, mei by him oan tafel in jonge soldaat. Se hiene in protte wille sa te sjen.

Sybe Rinzema keas as haadgerjocht de forel en efkes letter wie er mei mes en foarke de fisk, dy’t him op in bedsje fan slaad en oar grien guod mei glêzige eagen oanstoarre, oan it ûntleden.… Lês fierder