Ik bin út ’e skroeven. Hast it wurd skerm. Dat wurd hat blommen, in hiele rige: skermbeplanting, skermbyld, skermebeurs, skermboek, skermbosk, skermburd, skermdegen, skermdragend, skermehannel, skermferiening, skermfest, skermfûgel, skermgegevens, skermglês, skermgrien, skermgrutte, skermhavikskrûd, skermhâlding, skermholle, skermkant, skermkap, skermkeunst, skermkostúm, skermklup, skermkrib, skermkwal, skermlape, skermman, skermmasker, skermmaster, skermmier, skermopbou, skermparadysfûgel, skermplaat, skermplanke, skermroaster, skermseal, skermsket, skermskoalle, skermslach, skermsport, skermspul, skermstân, skermstik, skermstriel, skermstrûs, skermtelefoan, skermtiid, skermwant, skermwapen, skermwedstriid. Dy wurden binne skermblommen. ‘Skermblom’, dat heart ek yn it rychje thús. Kinst der noch in rychje oan tafoegje fan wurden dy’t sa foarme binne: byldskerm, televyzjeskerm, wynskerm. Ek allegear skermblommen. Mar it lêste wurd is fansels ek in ‘wynblom’.… Lês fierder

Wat ik lies wie in tets. Ik knipere mei de eagen. Ik typ it oer:
‘De boade kundige oan:
“De rjochtbank!”
Doe’t de twa rjochters oan wjerskanten fan him har plak ynnommen hiene, sei presidint Pott:
‘Ik fersykje de fertochte om oerein te kommen.’
De frou gong stean.
Troch it griene lampeskynsel foel it net op dat presidint Pott sa wyt wie as in deade, mar it wie dúdlik te merken dat it by de diskusje yn ’e riedskeamer, dy’t wol twa oere duorre hie, need gongen wie. Boppedat wist de hiele wrâld dat de presidint en de beide rjochters min meiinoar koene en de geheimen fan ’e riedskeamer wiene faker as ien kear útlekt, Der waard skealik sein, dat de yntelliginsje en rjochtskepenheid fan ’e presidint geregeldwei yn oanfarring kamen mei de burokratyske stivens en it dwarse ûnbegryp fan syn twa meiwurkers.… Lês fierder