Kollums

Henk van der Veer

Klein drama

Pleatst op
2
logo.ensafh

Earlek seid was ik der behoarlek beroerd fan toen ik foar ut earst bij kringloopwinkel L’Estafette in Sneek over de drempel stapte. Ik had un tweedehaans nieuwe burostoël noadech: ut ikoanise stoëltsje dat ik oait út ’e boedel fan Grand Café Onder de Linden rêden had, was nou tòch echt an ferfanging toe. De fearen waren derút sprongen en hadden diepe wonden in myn bloate rechterkút slagen.  

Toen myn Amsterdamse kleinseun fan 4 jaar de 3 bebloëde strepen sach, froech hij: “Wat heeft pake daar?” Ik fertelde um met sachte basstem dat un rôze krokodil mij gisteravend biten had. Hij loofde der niks fan, ut is un skraander jonkje.… Lês fierder

Dirkje Brouwer

Slak

Pleatst op
Reagearje
logo.ensafh

‘I don’t say this to slime with you.’ Dizze ûnferjitlike útspraak fan Rutte hie prachtige satire wêze kinnen. Fernimstich, hilarysk en super grappich. It gekke is, it wie gjin satire! De realiteit is dat dizze útspraak echt dien is en dat der mar ien yn trape, en dat is Trump himself. Dêr’t hast elkenien yn Nederlân krom lei om de glûperigens fan it minne Ingelsk, wie de Amerikaanske presidint der aardich mei yn syn nopkes. Dy hâldt der wol fan dat der him dingen op ’e mouwe spjelde wurde. Hy hat de mouwen wilens fol mei spjeldsjes mei útspraken as ‘you’re the greatest leader in the world,’ ‘thanks to you America is great again,’ ‘you don’t look like a lobster at all’ en ‘your white teeth match perfectly with your preferences and that’s really terrific’.… Lês fierder

Jemke Visser

Piltsje of pilske?

Pleatst op
Reagearje
logo.ensafh

We sitte tefolle. Dêr stiet tsjinoer dat der aardich wat binne dy’t alle war dogge fit en sûn te bliuwen. Hoefolle krekt soe ’k net witte. Allerhande fiedingssuppleminten wurde by protten oanbean en ynnommen en mannichien wurket him of har yn in fitnesssintrum yn ’t swit, soms wol meardere kearen wyks.
Fia de media, en dat binne der mei al dy saneamde sosjale derby sa njonkenlytsen noch alris in pear, wurdt ynpipere watst dwaan moatst om lea en geast sûn te hâlden om net al op dyn fjirtichste in wrak te wêzen.
Sjoch dochs ris hoe ienfâldich it is moai, jong en fit te bliuwen of, al wat âlder, bewûndere troch bernsbern – dy dekselske pake en beppe dochs – mei sa’n blitse treplift sels noch de trep op en del te kinnen.… Lês fierder

Dirkje Brouwer

Ik seach it sân út myn eagen

Pleatst op
Reagearje
logo.ensafh

Yn de Efteling dûke wy in wykein ûnder yn mearke-eftige sfearen. It is nostalgy foar ús, mar foar ús jongste de alderearste kear. Se sjocht har de eagen út. Yn de hotelkeamer hat se in toverring krigen en magyske inket en dat is al hielendal te gek. Wy laitsje allegearre om Holle Bolle Gijs en de trollekening dy’t in nuver taaltsje praat. It is foar ús pubersoan ek aardich om alles nochris opnij te belibjen, mar no mei syn lytse suske derby. Wy dompelje ús hielendal ûnder yn dizze oare wrâld. Silke fernuveret har dat se Sinteklaas tusken de mearkefigueren sjocht.… Lês fierder

Jemke Visser

Kampearje

Pleatst op
Reagearje
logo.ensafh

Dêr tink ik hjoed-de-dei gauris oan. Oer alle boegen is it sa folslein tsjinsteld oan wat ús faak út it wrâldbarren wei temjitte komt oan ûnwierhaftigens, oanstellerij, opkloppe wichtigens, beynfloeding of kleare foar-de-gekhâlderij. Fia de media hoege we der neat fan te missen. Fansels tink ik ek dêrby ek oan sa’n NAVO-top. Jonge, jonge, wat in fertoaning!  Moat dat no sa, mei Rutte syn beskamsume sjerpslikkerij, Willem en Maxima harren toanielstikjes, wylst se Trump fansels op in pypfol hawwe en dan ek noch dy syn allerfreeslikste one man show. Giet Poetin oait om lyk? Liedt it, as is it mar in krommeltsje, ta in bettere wrâld, nei mear omtinken en begryp foar inoar?  … Lês fierder

Giny Bastiaans

Fuotbalferstân

Pleatst op
8
logo.ensafh

‘Komt beppe ek te sjen?’ frege Thomas, myn âldste beppesizzer. En hy seach my oan sa’t inkeld hy dat dwaan kin. Krekt itselde as doe’t er in pjut wie. Fol fertrouwen en iepen.

Hy spilet yn it earste fan de fuotbalclub yn syn doarp yn Grinslân. En syn ploech moast fuotbalje tsjin in Fryske klup foar promoasje nei in hegere klasse. Dat gie oan op ’e grins tusken Grinslân en Fryslân. It wie spannend. Net inkeld om de wedstriid mar ek oft der genôch fuotballers wiene foar in alvetal. It doarp is nammentlik sa lyts, dat se mar krekt alve spilers ha foar it earste.… Lês fierder

Jemke Visser

Lêze, help …

Pleatst op
Reagearje
logo.ensafh

‘Lêsstress’ hie miskien ek wol kind as titel. Want yn ’e goedichheid, wat komme der in soad boeken út. Je sitte amper middenyn ien, as der binne al wer net te missen nije, ek bûtenlânske.
Dus mar gau te set mei Libris Literatuerpriis ‘Oroppa’?
It begjin ha’k al fêst lêzen, mar it dûzele my al gau en hieltyd mar werom bledderje – wa wie dit ek a wer yn hokker rol – hie’k gau myn nocht fan. It die my wat tinken oan immen dy’t my mei grut entûsjasme fertelt wat troch it tempo en allerhande blomrike details amper te folgjen is.… Lês fierder