Monthly Archives: september 2008

Dante syn Godlike Komeedzje yn it Frysk

Pleatst op
logo.ensafh

Op 12 septimber langlêsten waard op ’e jiergearkomste fan de Fryske Akademy it earste eksimplaar fan de Fryske oersetting fan de Divina Commedia fan Dante útrikt oan de hear Silvio Marchettei, de Kultureel Attasjee fan Italië en directeur van het Italiaans Cultureel Instituut yn Nederlân. Hy krige it boek út hannen fan de oersetter, Piter Wibertus Brouwer fan Rotterdam.
It boek is útjûn troch de stichting Elektroanyske Letteren Fryslân (ELF).
By gelegenheid fan ’e oanbieding hâlde útjouwer en letterkundige Eric Hoekstra in ynlieding dy’t hjirûnder in syn gehiel opnommen is.

Dante yn it Frysk
ofwol
It belang fan oersettingen foar Europa

(By de oanbieding fan de oersetting oan Prof.… Lês fierder

Eric Hoekstra

Waatze Gribberts Brulloft 1

Pleatst op
logo.ensafh

Persoanlike noat (Subjektive ynlieding)

O eal hear fan smachtsjende Lêzers en Leafhawwers fan 17e ieuske Fryske literatuer – ha ik sa myn manmachtige doelgroep net moai krekt omskreaun?

Ja, de simmer is oer syn langste dei hinne, de moanne hat fol west en yn it skûlliif fan ‘e natuer ripet it sie fan fruit en nôt. Alsa begjint ek Midfrysk Goud wer te rypjen en frucht te setten, ear’t de fruchtberheidsprins anneks gelearde wer offere wurde sil oan de dea, en yn ‘e winter ta de ûnderwrâld ôfsakje sil, om pas yn ‘e maitiid wer nij libben ynblaasd te krijen fan ús leave Frouwe Natuer.… Lês fierder

Anne Feddema

Mao, hoe giet it mei jo?

Pleatst op
logo.ensafh

Is it Mao? Mao syn Dong?
Nee, ’t is Mao, Mao Zedong
Syn tong? Nee, Zedong
In kleurich minske
Dat is wis wis wier
Mei syn reade boekje
Hoi Sin holle mei syn
Swart kliemsk prúkje hier
Mei Wah bleek Bao Pao búkje
Yn ’e Yangtse
Grutte giele rivier
Laket hy syn grutte griene
Boeretoskeplaquetosken bleat
Yn’e rivier
Yn’e sleat
Nei de jonge boerefroulju
Nei de Foe Young Aaifandelerfankes
Wol hûndert kear rôlet
Hy mei syn Tûzenjierrige Sechuan sek
Grutte geile giele roerbakker
Reade piperkakker
Kul turele revelúsje
Kul turele revelaasje
Hoi Min Sin bargespek
It lit Mao blaublau
Ni Hao
Mao miicht yn ’e rivier
De grutte giele rivier… Lês fierder

Hidde Boersma

Nei Harns

Pleatst op
logo.ensafh

We hiene inoar nea in soad te fertellen. Wylst hy tocht oan trekkers, tocht ik oan skriuwen. Mar we wiene it iens oer fjouwer bier. Elk twa.
Op sa’n jûn, dat hy oan ’e ein net mear stean koe, siet er njonken in famke. Dat waard wat, en sûnt doe dronken wy nea wer fjouwer tegearre. Koartlyn, sa’n acht jier letter, binne se troud. Ik wie der by.

Doe’t hy en sy noch mar krekt tegearre wiene, en ik in stik te kuierjen wie bûnten de buorren, gisele der in auto foarby. Hy wie it en hy seach mâl. Ik stuts de hân op en hy stoppe.… Lês fierder

Eric Hoekstra

Kening Kees en prepostmoderne sjenreopfettings

Pleatst op
logo.ensafh


‘Mar hallo, sei er tsjin himsels, hy wie mei in metafysysk eksperimint dwaande, efkes de kop derby graach.’ (57)

It bart fansels net alle dagen dat in wichtich literêr wurk oan my opdroegen wurdt. Namste nofliker wie it my doe’t ik blêdzjend yn in treflik foarmjûn boek troffen waard troch de opdracht: ‘Dizze útjefte is ta stân kommen mei stipe fan de provinsje Fryslân’. Eh? Och nee, ik fersinde my efkes. Ik bedoel fansels de oare opdracht: ‘Foar Eric Hoekstra, dy’t my op it idee brocht.’

Ja, doe skimere my ek wol wer de e-mail mei it fersyk fan de literator C.… Lês fierder

Skermer

Poetinlân – de wrâld

Pleatst op
logo.ensafh

Ruslân hat oan tûzenen en tûzenen de frijheid jûn.

Dêr’t it jild ryklik streamt, dûkt ier of let net te kearen ek de keunst op.

Prachtich! Se sille it har noch lang yn ’t sin bringe.

Sûnt fan ’e wike hat Moskou in prachtige nije eksposysjeromte foar moderne keunst, yn in renovearre busterminal, dy’t yn ’e jierren tweintich ûntwurpen is troch de avant-garde-arsjitekt Konstantin Melnikov.

Mar ik luts myn besgroen út

Op ’e sjampanjeresepsje der’t de ûnbidige keunsthal mei iepene waard, sit it ferneamd keunstnersechtpear Ilja en Emilia Kabakov ien en mien nêst Daria Zjoekova (26) – telch út in ryk Russysk geslacht, earder fotomodel, moadeûntwerpster, en freondin fan multimiljardêr Roman Abramovitsj.… Lês fierder