Hedwig Terpstra

‘Ik fyn it prachtich om ûnderweis te wêzen.’ Tsead Bruinja oer ‘Stofsûgersjongers / Stofzuigerzangers’

Pleatst op
2
logo.ensafh

Tsead Bruinja is berne yn Rinsumageast yn 1974. Hy wennet no mei syn frou Saskia yn Amsterdam. Yn 2000 ferskynde syn earste Frysktalige bondel De wizers yn it read. Yn totaal binne der no tsien dichtbondels fan him útjûn en hy wie ien fan de gearstallers fan de blomlêzings Dream yn blauwe reinjas, Kutgedichten, Klotegedichten en Het eerste wonder – gedichten over geboorte. Op 22 april is syn lêste bondel Stofsûgersjongers útkaam by de Afûk. De bondel befettet in cd fan saksofoaniste Femke IJlstra en yllustraasjes fan byldzjend keunstneres Mirka Farabegoli. Nei oanlieding dêrfan ha we dit fraachpetear yn it kafee fan in Kringloopwinkel yn Swol, in moai plakje.… Lês fierder

Piter Boersma

Molwrot (4)

Pleatst op
Reagearje
logo.ensafh

4

‘Ik hâld fan heech en ek fan leech, fan ljocht en ek fan donker,’ sei Seleina.
Alexander sei: ‘Juster hearde ik dy sizzen: “Rûch en glêd fiele beide hearlik oan.”; en fannemoarn seidest: “Libben en dea, beide.”’
‘Dan nim ik even rêst,’ sei se.
‘Ik ken dy no fjouwer wike,’ sei er, ‘asto lakest, moat ik hieltyd tinke, wat is der mei dat laitsjen.’
Se joech him in tút.
‘Laitsje en net laitsje,’ sei se.
‘Hast ek in foto fan dysels as bern, dêr’tst op lakest?’
Se seach him oan.
‘Wis,’ sei se, ‘in hiele protte.’
Se helle in pear foar it ljocht.… Lês fierder

Cornelis van der Wal

De skriuwer as keapman

Pleatst op
Reagearje
logo.ensafh

Hoe komt it dochs dat dat der yn Nederlân, en dus ek yn Fryslân, troch in grut part fan de befolking sa ûnferskillich, ja sels fijannich tsjin keunstsinnige uteringen oansjoen wurdt?

It sil grif mei de keapmansgeast te krijen hawwe. Sa wie der lêstlyn in better net mei namme te neamen Frysk skriuwer, dy’t pleite foar it ôfskaffen fan subsydzje foar de Fryske literatuer. De skriuwer moat it fjild yn, sels syn boeken oan de man bringe! Ophâlde mei dat gepamper! Koartsein: de Frysktalige literator moat tenei kommersjeel tinke, ek net al te drege boeken skriuwe, foaral gjin poëzij, want soks ferkeapet foar gjin meter.… Lês fierder

Anne Feddema

Shuttlebuske Krakau-Auschwitz-Birkenau. 1 febrewaris 2012

Pleatst op
Reagearje
logo.ensafh

Fan Hostel nei Holocaust
Yn’e Shoah Shuttlebus
Optochte dichtershumor
It grut besuskjen
Is begûn, beswarder
De moedmage romjend
Rêchbekling mei ‘ tv ‘
Swier ferline yn it nije
Byldskermkes mei
Auschwitz DVD
Sjauffeur draait buske
Lofts rotonde op
Kampkamera draait nei rjochts
Wrâlden dy’t no ljochtjierren
Utelkoar skowe
Klean fan finzenen
Fertikalen op lyts byld
Bûten bjirken wyt yn
Swarte Poalske grûn
Ik sjoch twa foar ien
Klau ûnder klotske
Op keale kop
Skermkebyld no
Plôkberch hier
Kamera each zoomt yn
Buskefoljend hier
Nei ferbjusterjende frissel
Yn swart wyt sels Arysk blûn
Foar fertrek mei leafde boarstele
En frissele…je moatte kreas op paad

Yn Birkenau folgje myn eagen
Skilich treinspoar
Nei de hoarizon
It is -10…glûpendkâlde eastewyn
Mar it is wis gjin kjeld dy’t ik fiel
Sa lang ik net stjerre sil
Libbene frissel giselet myn siel.… Lês fierder

Tryntsje van der Steege

Nij op ’e planke – april 2013

Pleatst op
Reagearje
logo.ensafh

Proaza

Hindriks, Elske

In kop as in almanak

Afûk, Ljouwert 2012

ISBN 97890 6273 9165

Ferkeappriis € 16,50

 inkopasinalmenak

‘Der is gjin oantinken fen ’e foarâlden;
en de kommende slachten dy’t wêze scille,
dêr scil ek gjin oantinken fen wêze by dyjingen
dy’t letter wêze scille.’ (Prediker 1:11)

Yn de jierren fyftich koenen skûtsjeskippers wier net mear fan de wyn libje. Se stapten op de wâl en sochten nije wegen. De ferhalen en de tradysjes bleaunen oan board fan de âlde skippen.
Yn In kop as in almenak besiket in dochter út in laach fan skippers de ferhalen fan har beide âlden nij libben yn te blazen.… Lês fierder

Beart Oosterhaven

‘Biltsikana’ op syn boppeste bêst

Pleatst op
Reagearje
logo.ensafh

Jan de Vries fan Aldebiltsyl/Ouwe-Syl kin njonkelytsen wol in feteraan yn ’e Fryske popmuzyk neamd wurde. Yn 1996 makke er mei ‘syn’ noch altyd besteande band The Feetwarmers al it album Cold Feet. Op dy skiif sjongt er, spilet er gitaar, akkordeon, dobro en mûlharmoanika, en hat er as komponist de hân yn acht fan ’e fyftjin nûmers. De Vries achte him altyd mear muzikant as makker fan (Ingelske) lietteksten. Mei syn op 17 maart lêstlyn ferskynde Biltsktalige solo-cd Sieleroersels hat er him yn ien klap as in treflik liettekstskriuwer op ’e kaart set.

Biltsk
Dy cd telt nammentlik mar leafst 11 folslein eigen nûmers fan Jan de Vries.… Lês fierder

Ferdinand de Jong

Neve 8028 Console

Pleatst op
Reagearje
logo.ensafh

 

Wat makket minsken lokkich? De iene lêst graach in boek, in oar fytst him it snot foar de eagen, in tredde makket fûgelhûskes. Safolle minsken, safolle smaken.
Soenen der in soad minsken wêze dy’t net fan muzyk hâlde? Oargelmuzyk, psalmen, snoeihurde grunge, metal, rock, klassyk, Frysk, Ingelsk, Dútsk en wat makket it ek út, om my Hollânsk. Muzyk is in part fan ús deistich libben. It is oeral, as je yn de wacht setten wurde by in net tagonklik grut bedriuw, as je de tank folsmite, as je yn de wachtkeamer fan de masseur sitte. As reedriders yn it Vikingskipet yn Hamar harren rûntsjes draaie, yn de pauze fan in fuotbalwedstriid.… Lês fierder