Willem Winters

Mear as 165 Dadaïsten

Pleatst op
Reagearje
logo.ensafh

Yke, dy’t alle jierren syn fakânsje yn Switserlân trochbringt, bewarret foar my knipsels oer Dada Zürich dy’t er yn Switserske kranten fynt. Lêstendeis krige ik in artikel oer de útstalling 165 Dada ist innen yn Cabaret Voltaire, berteplak fan Dada. Yn it foaropwurd fan de katalogus skriuwt Adrian Notz, Direktor Cabaret Voltaire und Co-Kurator der Ausstellung, dat party ‘Zürcher nur wenig wissen von Dada.’ Miskien, sa mient Notz, hawwe de boargers fan Zürich der net sa folle mei op dat harren stêd foar ivich ferbûn wurdt mei Dada. Dizze eksposysje wol sjen litte dat Dada gjin pleatslike grap wie, mar in wrâldwide fernijingsbeweging yn de byldzjende keunst en literatuer.… Lês fierder

Ferdinand de Jong

Keatshomo’s? Kolder

Pleatst op
1
logo.ensafh

It is tiid foar in homopartoer op de keatsfjilden. Dat wie 27-07-2013 de deistelling yn de Ljouwerter krante. Ate de Jong wie de skriuwer. Gjin famylje.
Ien op de 16 minsken skynt homo of lesbysk te wêzen, stie yn it artikel. Skynt. Wêrom stiet der net gewoan: Ien op de 16 minsken is homo of lesbysk? Myn fraach: Wat is de mearwearde fan in homopartoer op de keatsfjilden? Ik ha mei homo’s wurke; in spitigernôch fierstente betiid ferstoarne nicht fan my wie lesbysk; ik sit mei in homo yn in bestjoer. Prima. Neat mis mei, yn ’e regel binne homo’s en lesbiënnes gâns better ûntwikkele as it oer omgongsfoarmen giet as de gemiddelde hetero.… Lês fierder

Mark Boog, Geart Tigchelaar

De deistige taken… / De dagelijkse taken…

Pleatst op
Reagearje
logo.ensafh

De deistige taken…

De deistige taken: it oprjochtsjen fan it stânbyld
dat ik wurden bin, it bedekken fan it liif, drinken
fan kofje, it ûntmanteljen fan ’e plannen fan juster,

it ensafuorthinne. It nochris útstellen fan ûnleauwe.

Ik jou my oer oan dyn feralterearre oanwêzigens, dyn
eagen. Dat se my sjogge is noch it frjemdste, dat se

libben binne en fol fan tiid. De moarn bloeit ûnwittend
yn dyn spegel. Ik wit net krekt wêryn’tsto leaust.

Folget it hânwurk fan elke dei, it mei almar grutter
fakmanskip ferfeardigjen fan redenen en fan ferlechjes,

folget de jûn, dan de dea, dy’t wy ûntwike yn ús
snústerige bêd, dy’t wy ferrifelje troch hiel stil te lizzen.… Lês fierder

Tryntsje van der Steege

Libbene oantinkens omteare ta skiednis

Pleatst op
Reagearje
logo.ensafh

It minsklik ûnthâld is in nijsgjirrige miks fan wat we sels meimakke ha, fan wat oaren ús ferteld ha en fan wat we der sels by betocht ha. We ûnthâlde de dingen net altiten sa’t se wier gebeurd binne, mar meitsje soms – bewust of ûnbewust – de kar om in oantinken oars of moaier op te slaan. Faak wurdt in oantinken in ferhaal op himsels en somtiden wurdt it yn de oerlevering troch de jierren hinne noch wat mear oanpast en omfoarme. Mearkes en leginden ûntstiene op sa’n manier, mar ek romans en memoires binne faak it resultaat fan sok ‘opkreazjen’ fan persoanlike oantinkens.… Lês fierder

Piter Boersma

Molwrot (9)

Pleatst op
Reagearje
logo.ensafh

feuilleton

9

Se ieten as neigesetsje in fanillepuddinkje begetten mei sûkelade en iis en slachreamme derby. Doe’t se it lêste hapke nei binnen wurke hie, seach Seleina Alexander fernuvere oan. Hy hie samar ynienen sein: ‘Hasto der noait oer prakkeasearre, Seleina, om mem te wurden?’
‘Hoesa?’
‘Do wiest sa’t skynt even yn dreamelân, miskien al op Peaske-eilân, mar Catrinus en ik fregen ús ôf oft wy ús foarstelle koene om as heit diel út te meitsjen fan in húshâlding?’
‘Ik ha noait de ambysje hân om mem te wurden. Fansels ha ik der wolris oan tocht. Ik soe it net kinne, tink.’… Lês fierder

Geart Tigchelaar

In multydissiplinêr thúskommen

Pleatst op
Reagearje
logo.ensafh

Tsead Bruinja (1974) publisearret op ’e nij in twatalige bondel (Frysk-Nederlânsk): Stofsûgersjongers / Stofzuigerzangers. Prachtich foarmjûn mei etsen fan Mirka Farabegoli en de bondel kin lêzen wurde mei saksofoanartyste Femke IJlstra op ’e eftergrûn. Troch it formaat, de moaie printen, de opmaak en ek de kleur fan de gedichten komt it hast as in printeboek op jin oer. It is nammentlik sa dat de gedichten faak yn in oar lettertype steane, of dat se yn in beskate foarm en kleur ôfbylde binne. De opmerking oer it printeboek is dêrmei bedoeld as grut komplimint foar de foarmjouwing, mar ek foar de boartlikens fan de bondel.… Lês fierder

Hedwig Terpstra

Rein de Lange oer syn skriuwen, reizgjen, muzyk, kultuer…

Pleatst op
Reagearje
logo.ensafh

Rein de Lange (Boalsert, 1969) skriuwt ferhalen en gedichten en publisearret geregeld yn ûnder oare Ensafh. De earste twa jier fan syn libben hat er yn Warkum wenne en dêrnei yn Boalsert, dêr’t er syn jeugd trochbrocht hat. Op syn santjinde is er by de marine gien en hat er jierrenlang fearn. Yn1992 is er wer weromgien nei skoalle. Hy hat dêrnei op Skiphol wurke as objektlieder en as databasebehearder op de Noardlike Hegeskoalle Ljouwert. Nei acht jier op de NHL is er wer farren gien. Sûnt 1 maaie dit jier is er dosint nautyske fakken by in partikuliere oplieding yn Grins.… Lês fierder