Cornelis van der Wal

Deabier

Pleatst op
logo.ensafh

Halbe, de drummer, hie de foarige deis syn kop keal skeard. John, leadsjonger fan de band, fûn dat mar neat, se wiene dochs gjin skinheads wol? By de optredens moast der mar in pet, mûtse of prûk oerhinne, sa ornearre er.

‘Nee, man, ik bin boeddhist wurden!’ wie de replyk.
‘Kul!’

Efkes letter mishannele Halbe it drumstel mei alle agresje dy’t er as boeddhist yn him hie, simpele ritmes, mar mei in alderheislikste drive. Jaap, de man fan de elektroanika, drukte op in knopke fan syn keyboard en, earst tige sêft, kaam de driigjende basline opsetten, skerp en mei in tsjuster grommeljende ûndertoan.… Lês fierder

Geart Tigchelaar

Stereotype simmer

Pleatst op
logo.ensafh

Besprek Simmer oan ’e Pikmar fan Sjieuwe Borger

Nei It ferrin fan de tiid (2005) en Genesis abbekatekantoar (2008) is ferline jier Simmer oan ’e Pikmar fan de skriuwer Sjieuwe Borger ferskynd. De achterflap fan it boek ûnthjit ús in daverjend ferhaal fol mei (relaasje)spanning, turbulint nachtlibben en al sa mear. ‘Want it giet der om wei, dêr oan ’e Pikmar,’ sa is de lêste sin fan de achterflap. It is spitich om fuort al sizze te moatten dat dat allegearre wat tafalt. It boek stiicht net ta oerflakkichheden en stereotypen út.

Sybren Brouwer hat ferkearing mei Matilda, mar dat giet de lêste tiid net sa goed.… Lês fierder

Anske Smit

Nii Libben

Pleatst op
logo.ensafh

Hylpen, nei feartin-achttin
Pykolo by Hotel Buijs
Saedelmeikjen en Stoffearje
yn Waerkum
By Robyns, yn ’t fôrbygaen
de jûnge baes Frederik
yn de workplaets
’t Hylpers leare.
Mear as feartich jier
trou oen dyn
swarte Gazelle,
gek fan Saksefoan-spyljen,
betjoend tróch
útsniide hoalten
seamearminnen,
oertuugd Mennist,
Lójael Passyfist
só Raa as in Krael
in neaderigen Man.
Sómmerdei
sende-temôrns
mei dy oen de haend
rón’de nei de Bouhúzen,
yk sitte op de Panne fan
’n aalden eenassige
róstigen maeibalke,
de Hyngst – in likjen Kedde –
betôt yk der sem al fôr.
Dû keekst
langút lizzend
yn ’t lange gers
mei in sónnigen
ferwûndering nei my.… Lês fierder

Anneke van Renssen

Provinsjale Kikkert

Pleatst op
logo.ensafh

Yn ‘e jierren ’50 en ’60 opgroeie op It Hearrenfean is neffens my omtrint like slim as opgroeie yn bygelyks Buitenveldert yn Amsterdam. Neat te dwaan. Mei ien ferskil: de jongerein út Buitenveldert wie yn tsien minuten op ’e brommer yn it sintrum fan Amsterdam, dêr’t nozems, dijkers, pleiners en provo’s harren útlibje koenen. Op it Fean wie neat. Fansels, der wie in groepke dwerslizzers. Ik woe dêr graach by hearre. Dat slagge net. Ik sil noait ferjitte dat myn âldelju de âlde keukentafel en -stuollen oan de jongerein fan it Soerkoalpakhûs weijoegen, dêr’t grutte feesten organisearre waarden. In moai gebeart soest tinke.… Lês fierder

Willem Winters

Noazems!

Pleatst op
logo.ensafh

Hille Ouwe Bijlsma is gearstaller fan in fotoboek (mei tekst) oer de Ljouwerter noazems yn de jierren ’50. Fansels komme de Rock en Roll-reboelje, de Dingleyboys, de Zwarte Panters en harren ûnderlinge striid en lettere gearwurking oan bar. Bijlsma skriuwt foar it grutste part út de earste hân, hy wie der by, ek doe’t  se it ‘kriminele paad’ opgyngen, ynbrekke en platen jatte. Mar dat wie gaueftich oer doe’t de plysje oan ’e doar kaam.

It noazemdom hat lang dy oandacht net krigen fan skriuwers en ûndersikers as de lettere provo’s. Foar Ljouwert leit der no in moai begjin. It is spitich dat der sprake is fan fersnipeling: fan ’t simmer hie it HCL in tentoanstelling oer ‘it langhierrich rapalje’.… Lês fierder

Willem Tjebbe Oostenbrink, Melle Hylkema

Takken/Tûken

Pleatst op
logo.ensafh

t Liekt n leeg plak
n kampke met hoeken en hörns
woar boer min maaien kin
bomen verspreid der om toe.

Herinnerengen haangen ien e lucht
takken holden heur vast.

Boer met koeien ien t laand
pieken op e dong
kiender speulen op t bleekveld.
t Dreugrik met spullen uutstald
ien e veujoarslucht.

Et verwaait apmoal
met e wiend de bladden
tot ien e winter bomen
zowat gien grip meer hemmen.

Met t klimmen der joaren
wordt t geheugen ieler.

An e voeten van e bomen
vult de grond hum met dood holt.

*

Tûken

It liket in leech plak
in kampke mei hoeken en hernen
der ’t de boer min meane kin
beammen ferspraat der om ta.… Lês fierder