Anne Feddema

Net foar elkenien

Pleatst op
logo.ensafh

De trije hearen yn trijedielige pakken, sieten mei strange gesichten efter in grutte, strak foarmjûne tafel. Se wienen lykwols net werklik strang mar foar de gelegenheid hienen se allegearre it antlit yn’e selde beferzen blik setten, as hiene se fan te foaren oerlis hân en mei elkoar ôfpraat, dat dit no ien kear de meast geskikte oanpak fan dizze saak wie. It gehiel seach der ek wol wat út as in sêne fan in toanielstik en dat gefoel waard noch fersterke trochdat de mannen op in ferheging sieten, in poadium, fan it soarte sa’t je dat noch wol tsjinkomme kinne yn doarpshuzen.… Lês fierder

Geart Tigchelaar

Fragmint út ‘Lúshâlding’

Pleatst op
logo.ensafh

Geart Tigchelaar lêst foar út syn te ferskinen ferhalebondel mei as titel Lúshâlding.

It fragmint dat er foarlêst is it begjin fan haadstik 2. Yn haadstik 1 hawwe se it avontoer belibbe dat Dwatte fan de hûn ôfrûgele is, dy’t hja harren Wrâld neame. Koate, syn twillingbroer, hat him weromhelje moatten. En no belibje se wer wat, sa liket it.

Klik hjir foar it lûdsfragmint.

De folgjende moarns wurde se allegearre tagelyk wekker. It is in bulderjen fan komsa yn de keamer. De wrâld komt gysten yn beweging en springt by de grutte skepsels op. Wat is dit? Se rôlje fan it iene yn it oare, juster it gedonder mei Dwatte en hjoed dit gesoademiter!… Lês fierder

Skermer

Sjoch!

Pleatst op
logo.ensafh

Yn it boek Nietzsche, een biografie van zijn denken, fan Rüdiger Safranski lês ik dit: ‘Myte en mytologisearjen is in byldyntinsive sinjouwing fan wat oars sinleas is. Wat de mytefoarmjende potinsje fan it bewustwêzen hieltyd op ’e nij útdaget, is de ûnferskillichheid fan de wrâld.’

Mar is de wrâld wol ûnferskillich? Is it miskien sa, dat de mins foar de wrâld de ûnferskillige is. Is de mins net gewoan allinne mar ynteresearre yn himsels, hat er net gewoan allinne mar mei himsels te dwaan? Soe it net sa wêze, dat it probleem is dat de mins himsels net iepenstelle kin, sa’t de wrâld dat ek net kin.… Lês fierder

Cornelis van der Wal

Brún Bloed (03)

Pleatst op
logo.ensafh

Haadstik Trije: Hart wie Kruppstahl

Neigeraden de trein yn súdliker oarden bedarre, beluts de loft en efkes letter wiske in frisse bui it stof fan de rútsjes. Sybe Rinzema wie, wat reizgjen oanbelanget, nea fierder kaam as Antwerpen. Dat studintereiske like him doe yn it earstoan wol in noflik útstapke ta, mar al nei trije dagen rekke er sa ûnwennich as in kat en de knibbels waarden him weak doe’t er in wike letter de Fryske greiden, de fredich weidzjende kij, de dravende swarte happen en fôlen en it troch fleurich, sêft weevjend beamtegrien omfiemme âlderserf weromseach – nea woe er wer út it Heitelân wei.… Lês fierder

Hedwig Terpstra

Fraachpetear mei Anne Feddema yn Berlyn

Pleatst op
logo.ensafh

Sûnt jannewaris dit jier wennet Anne Feddema (1961) yn Berlyn. Op it momint is er oan it skilderjen en dwaande mei in nije dichtbondel mei de titel: De kuierder treft de stjerren… en it swarte gat. Earder skreau er de dichtbondels Slapstickiepenbierings (1997), Reidhintsje op ’e Styx (2005), Torpedo’s Los (2010) en de bondel Skúnpútsersgúd (2009) mei in samling fan syn Ljouwerter kollums op Omrop Fryslân. Yn 2009 krige er de Gysbert Japicxpriis foar Reidhintsje op ‘e Styx en yn 2007 de Margaretha de Heer-priis fan ’e gemeente Ljouwert foar syn byldzjende keunst. Ik sykje him op yn syn appartemint yn de Sewanstraße, tsjinoer de Lidl supermerk.… Lês fierder

Geart Tigchelaar

Foaropwurd

Pleatst op
logo.ensafh

It is yn Fryslân noait goedernôch of der moat krimmenearre wurde. Sa skriuwt Eeltsje Hettinga op 10 oktober nei oanlieding fan de Gysbert Japicx-priis it folgjende: “Nettsjinsteande it dozyn redakteuren dat it literêre tydskrift Ensafh. telt, kaam it blêd it ôfrûne heal jier net fierder as de presintaasje fan in longlist en in ûnnoazel yninoar knutsele poll.”
Hy skriuwt sels al dat der neat dien is om ‘reuring’ te jaan oan de Gysbert Japicx-priis, De Moanne lit it ek ôfwitte.
Mar op de ensafh-poll is in soad stimd wurden, ek al is it net in offisjele poll. En ferrassend is dat der sa’n relatyf ûnbekend wurk as ‘winner’ út de bus kommen is.… Lês fierder