Geart Tigchelaar

Foaropwurd

Pleatst op
Reagearje
logo.ensafh

Wat hawwe wy mei de peaske in pear prachtich moaie dagen hân. Frij en moai waar, wat wol in minske noch mear. Doe’t it tiisdei en woansdei suver wat koeler wie, koe men dat fuortdaliks fernimme. De jas koe wer oan. En dan merkt men ek hoe gau oft men ta it moaie waar bedoarn is. Want dan sit elk wer te kleien dat it kâld is.
Dan is it moai dat der in stabilere faktor as it waar op ynternet te finen is, en dat is ensafh. Alle fjirtjin dagen farske ûnferfalske Fryske wrâldliteratuer! Hjirby wer in nije ôflevering.

Poëzij

Piter Boersma krijt suver in min sin fan dy ‘pommadearre kwal’ wannear’t er werris in fraachpetear lêst.… Lês fierder

Anne Feddema

Peaskefakânsje

Pleatst op
Reagearje
logo.ensafh

Christos woskresse, wo istini woskresse.
Kristus is ferriisd, Hy is wis wier ferriisd, wurdt, benammen mei Peaske in soad brûkt yn’e Russysk Otterdokse tsjerke. De Pope seit it earste en it tsjerkefolk anderet dan it twadde gedielte.

Peaskefakânsje

Yn’t iere
Gielich triljend
Moarnsljocht
Rook fan
Unsuorre brea
Yn Suzdal
Mei Peaske
Kaam ik
Jezus Kristus tsjin
Otterdokse klokjes
Tingelingelingelen
Lûd fan libben
Net fan dea
Hy sei, wis wier
Fan’e moarn betiid
Bin ik ferriisd
Soe sa graach ris
Peaskeaaien fervje wolle
Ik sei
Kom mar mei
We ha de hiele dei
Ik helle aaien
Farve en sa mear
Hy gong los
Gottegot
Wat koe Er skilderje
Us leave Hear
Auratûnge
Tusken lippen
Hiel kontemplatyf
Wurke Hy mar troch
Alle aaien abstrakt
Net ien figuratyf
No mar efkes skoft?… Lês fierder

Anne Feddema

Boarne fan ’e jonkheid

Pleatst op
Reagearje
logo.ensafh

Dit oere foldroegen
Ald wyfkes genôch
Badmaster orkestrearret
It tsjetterjend einekoar
Mei ferskate spultsjes
Boartsje badmûtsen
Blomkjend de Wettermusical
Esther Williams har
Wiete-sûnder-spatier-dream
Stjerren draaie jimme
Oan it skolperjend firmamint
Beppe Thetis
Beppe Galatea
Sjongend, weagjend, rôljend
Mei pine en wille
Yn skonken
Yn ’t hert
En gleon sisterjende hjitte
Foar bern, bernsbern en
Faaks in âldkeardel
Al of net mear thús

Jimme kamen der hjir yn
Gongen der dêr wer út
Sa jong… sa jong
Geane jimme
Wer
Nei
Hûs

Der Jungbrunnen is in skilderij fan
Lucas Cranach der Ältere út 1546
en hinget yn ’e Gemäldegalerie
yn Berlyn.

… Lês fierder

skermer

Mystearjes

Pleatst op
Reagearje
logo.ensafh

It is april, mar it is simmer, heech simmer eins en dat wylst de beammen noch lang net fol yn it blêd sitte of sels noch keal binne, de jonge knotwylch noch útrinne moat,
Hearlike dagen belibje wy, mar dit kin net goed komme fansels.
Tinzen komme en gean, lit jin der net troch meislepe.
Is men ien kear oer in grins, dan is men ferlern.
Ik lês it boek Mystearjes fan Knut Hamsun. De haadpersoan ferkeart op ’e grins fan selsmoard, hat dêrta in fleske blausoer yn ’e bûse, giet yn it stedsje oan wâl, kletst elkenien de earen fan ’e kop oer wat mar by him opkomt, ferkeart yn ’e sande himel en donderet der wer út, leit it mei twa froulju oan, it is kranksinnich mei dy man.… Lês fierder

Willem Winters

Bauke de Jong 2

Pleatst op
Reagearje
logo.ensafh

DeJiskebakjes fan Bauke de Jong

Doe’t ik lêstendeis socht nei ynformaasje oer en fan Bauke de Jong, fûn ik yn Tresoar, yn de knipselmap it stik Het Asbakje. It is in frjemd ferhaal wêryn’t jiskebakken en oare bakjes ta libben komme. It waard yn 1965 troch De Jong foarlêzen yn it Literair Kwartier fan ‘e RONO. It is de oersetting fan it oarspronklik Fryske stik, mar dat is net te finen.

Yn Asyl ferskynden fan him krityske stikken, benammen syn oanfal op de ferneamde E.B. Folkertsma – dy’t foar de oarloch anti-joadske stikken skreau – joech in soad opskuor.
Trinus Riemersma hat yn Hoe binne de helten fallen de wichtichste stikken oer dizze kwestje byinoar brocht.… Lês fierder

Cornelis van der Wal

Leafde, Detektive en Rou

Pleatst op
Reagearje
logo.ensafh

Sûnt koart hawwe de bibleteken fan Midden Fryslân in soarte fan boekeklub online setten: De boekendeler. It mocht tink neat kostje oan sidebouwers en hosting, want de side draait ûnder it fergeze wordpress.com. Dat stiet oars al wat amateuristysk en suterich. It sil mei de besunigings te krijen hawwe.

Ik persoanlik diel myn eigen boeken mei gjin minsk, jo krije se ommers noait in kear werom! Mar goed, no sa, wat sil dat eins, dy Boekendeler?

Ik sitearje de side efkes:

‘Iedere week vindt u hier nieuwe recensies over interessante, leuke, leerzame of ontroerende boeken die door medewerkers van Bibliotheken Midden Fryslân gelezen zijn en dit boek graag aanbevelen.’… Lês fierder