André Looijenga

Sinjalemint: Ferdinand de Jong

Pleatst op
Reagearje
logo.ensafh

Koart nei elkoar ferskynden yn 2010 en 2011 twa romans fan in nije Fryske skriuwer. De twa boeken fan Ferdinand de Jong hat Friese Pers Boekerij op ’e merk brocht as spannend en tagonklik om te lêzen. Sa op it earste each hiel geskikt foar wa’t fan ’t simmer ris noflik yn ’e tún of op it wetter in Frysk boek lêze wol.

Ferdinand de Jong nimt de lêzer mei nei ûnwenstige oarden: nei it noarden fan Sibearië en nei de top fan ’e Mount Everest. Syn debút Guozzeflecht giet oer in geheime missy en spionaazje yn de Kâlde Oarloch, en sit wat middenmank in detektive en in jongesboek.… Lês fierder

Anneke van Renssen, Willem Winters

Boeken / Boeke-baas-baas-boeken

Pleatst op
Reagearje
logo.ensafh

Boeken

Us hiele hûs stiet fol mei boeken. Sa no en dan brekt it swit my út. ‘Komt de souder net del, kin de flier yn Willems keamer it wol hâlde?’ Oant no ta wol, en ik moat sizze dat Willem der in protte oan docht om dizze út de hân rinnende hobby yn de klauwen te hâlden.
Geregeldwei sjout er mei in protsje boeken nei souder, like faak komt er mei in protsje boeken werom. Dy moatte dan nei de Kringloop of Tresoar. Willem sa grutsk as wat: hy rommet op!

Ik wit better. Want dan is der wer in boekemerk yn it FEC en giet Steven Sterk der noch eefkes oerhinne mei de oankondiging dat hy gjin ien, mar twa miljoen boeken hat.… Lês fierder

Anne Feddema

Rhinocerus

Pleatst op
Reagearje
logo.ensafh

Op 20 maaie 1515, arrivearre op in skip, in noashoarn, yn ’e haven fan Lissabon. Sûnt de tiid fan ’e Romeinen, dy’t de folsleine fauna fan Noard-Afrika opbrûkt hienen foar harren sirkussen, hie nimmen mear sa’n manjefyk dier yn Europa sjoen. De mannen dy’t oan it wurk wienen op ’e heal boude toer fan Bením seagen yn elts gefal harren eagen út. Kening Manuel I fan Portugal wie tige optein oer syn kado út Yndia en koe fan ’e spanning mar min sliepe.By it lemieren foel de kening dochs noch yn ’e sliep en dreamde. Yn ’e dream dûnse de noashoarn op twa poaten troch it paleis hinne en joech imitaasies fan oare bisten… sa as in hoanne, in ko, in hûn en in kat.… Lês fierder

Geart Tigchelaar

Foaropwurd

Pleatst op
Reagearje
logo.ensafh

Jawis minsken, de fakânsje stiet foar de doar en ek wy as redaksje binne dêr nedich oan ta. De 16e fan septimber binne wy der wer mei in nije ôflevering.
Dit nûmer is ekstra tsjok wurden, om’t jimme der justjes langer mei ta moatte.
Us webmaster giet wol safolle mooglik troch yn de ensafhakânsje, dus de blogfragminten ensafh. wurde hieltyd ferfarske.

Poëzij

Neffens Himke de Jong moatte wy it mar relativearje.
En Piter Boersma hat sitten te krantlêzen.

Proaza

Ferline jier wie der in priisfraach útskreaun om yn ’e geast fan Rink van der Velde in fjildferhaal te skriuwen. Rommert Tjeerdsma syn ferhaal wie goed foar de twadde priis.… Lês fierder

De Fryske taal libbet noch lang en gelokkich

Pleatst op
Reagearje
logo.ensafh

Noch altyd kinne Friezen op de mear sjauvinistyske mominten roppe dat men allinnich foar god knibbelet en de Slach by Warns betinke, feit is dat de romrofte Fryske Frijheid al ieuwen ferlyn ferlern is en it swiertepunt wat bestjoer, ekonomy en media yn Hollân (cq. de Rânestêd) leit. Fryslân is yn Nederlân in perifeare regio dy’t op soksoarte fan domeinen efterop rekke is…

Lês mear oer de fitaliteit fan de Fryske taal, in essay yn seis parten fan Johannes Beers.… Lês fierder

Bai Juyi, Piter Boersma

op ’e boat de gedichten fan Yuan Zhen lêzend

Pleatst op
Reagearje
logo.ensafh

jo gedichten hie ik lêzen by lampeljocht
de oalje wie op foar’t it om ’e dage socht
mei stekkende eagen siet ik yn it tsjuster
de weagen beharkjend alhielendal bjuster

oersetting/bewurking: Piter Boersma

(De oersetting/bewurking berêst net op it Sinese orizjineel, mar is makke op basis fan de frije oersetting fan W.L Idema dy’t stiet yn syn standertwurk Spiegel van de klassieke Chinese poëzie. Bai Juyi libbe fan 772-846)… Lês fierder