Willem Winters

Vitus en Ned

Pleatst op
Reagearje
logo.ensafh

De sosjalist Vitus Bruinsma [1850-1916] wie gjin gefaarlike anargist. Tocht ik.
Dat feroare doe’t ik syn namme seach op it omslach fan de brosjuere De kunst om een machine te bederven.
Dy brosjuere is ien fan de earste publikaasjes dy’t Tresoar yn syn gehiel op ynternet set hat.
Dat wie in moaie fynst, want al in hiel skoft sammelje ik titels fan it slach De kunst van het oud worden, De kunst van het denken en De kunst van het schrijven, it leafst noch mei Zen en de kunst van… Ik tocht dat de oarsprong fan sokke titels socht wurde moast yn it boek Zen en de kunst van het motoronderhoud [Robert M.… Lês fierder

Piter Boersma

Foaropwurd 28

Pleatst op
Reagearje
logo.ensafh

Foaropwurd

Wat in dagen, wat in tiid fan it jier. Keninginnedei ha wy lykwols oerslein en 1 maaie ek, wêr’t it omtinken fan ensafh nei útgiet yn dizze ôflevering binne 4 en 5 maaie, oarloch, ûnderdrukking, de holocaust, frijheid, frede, hoop, mar ús lân bejout him dan noch yn de striid om Nederlânsk-Ynje.

Liet en poëzy

Op dizze ensafh publisearje wy de Mauthausensyklus fan de Grykske komponist Mikis Theodorakis, basearre op de teksten fan de Joadsk-Grykske dichter Iacovos Kambanellis, dy’t de ferskrikkings fan it nazykonsintraasjekamp Mauthausen sels meimakke hat en dat bart yn de útfiering troch de Fryske sjonger Douwe Heeringa fan de troch Baukje Wytsma oersette ferzje fan de syklus.… Lês fierder

Skermer

Wat is dit?

Pleatst op
Reagearje
logo.ensafh

Lit my de frou bestudearje.
Dat sil ik.
Wat sil ik?
Lit my de man bestudearje.
Dat sil ik.
Wat sil ik?
Lit my de slang bestudearje.
Dat sil ik.
Wat sil ik?
Lit my de foks bestudearje.
Dat sil ik.
Wat sil ik?
Lit my de bear bestudearje.
Dat sil ik.
Wat sil ik?
Lit my de liuw bestudearje.
Dat sil ik.
Wat sil ik?
Lit my de mûzebiter bestudearje.
Dat sil ik.
Wat sil ik?
Lit my de mûs bestudearje.
Dat sil ik.
Wat sil ik?
Lit my de ôfsjitter bestudearje.
Dat sil ik.
Wat sil ik?

Ik sis tsjin mysels: ‘Tink mar ris nei.’… Lês fierder

Eric Hoekstra

Bhagawad Gita (04)

Pleatst op
Reagearje
logo.ensafh

It Liet fan ús Hear

Bhagavad Gita

It Boek fan ’e Yoga

Ynlieding

Koe Skermer in wykmannich ferlyn yn in kolumn op ENSAFH skriuwe dat der neat út de Bhagavad Gita nei it Frysk oerset is – troch in lokkich tafal wurdt er op syn winken betsjinne – ik wie der doe krekt mei begûn.

Romrofte teksten, en fral religieuze teksten, binne oergroeid mei troch tradysje of ortodoksy oerdroegen oardielen, foaroardielen of minder relevante ynformaasje. De ideale lêzer wol de tekst as tekst bedjipje, mei help fan alle nuttige ynformaasje oer de kultuer dêr’t it yn ûntstien is. Om in tekst te begripen brûkt er syn subjektive, minsklike ûnderfining as helpmiddel: de minske is de maat foar de minske.… Lês fierder

Hidde Boersma

Fol túch yn ’e mist

Pleatst op
Reagearje
logo.ensafh

(Foarpublikaasje fan Hidde Boersma syn ferhalebondel Fol túch de mist yn, dy’t yn maaie ferskynt by De Friese Pers Boekerij)

‘Wêr is it Beest?’ freget de kalme en goedhertige skipper, dy’t froeger noch yn Wiuwert wenne hat yn it hûs neist dat fan myn âlden, wylst er de kopspring foar my om in stegerpeal hinget.
It Beest, dy beneaming foar de skipper fan ’e Mon Désir, dêr’t ik maat op bin, hie ’k noch net heard. Mar dy namme past him oars wol.
‘Hy leit siik op bêd,’ sis ik, ‘en stelt him freeslik oan.’
‘Dat ferwûnderet my neat,’ laket er, ‘is it oars wat mei him út te hâlden?’… Lês fierder

Sigrid Kingma

Sirkwy.nl: net sa foardielich

Pleatst op
Reagearje
logo.ensafh

No’t wy it dochs oer literatuer hawwe…
Op 9 april waard yn de Gysbert Japicxseal fan Tresoar de webside www.sirkwy.nl offisjeel de blauwe e-loft ynstjoerd. In grut spektakel fansels! De webside waard opsetten mei it ambisjeuze doel om Fryske literatuer op ’e nij ûnder de oandacht fan de befolking te bringen. Fjouwerentachtich Fryske klassikers, wêrfan’t guon al in moai skoft net mear drukt wurde, binne tagonklik makke as e-book op de webside. Troch in nije printtechnyk is it no ek mooglik om sa’n boek foar in skaplik pryske op bestelling printsje te litten, wat se mei in moaie Fryske namme ‘Printing On Demand’ neame.… Lês fierder

Piter Boersma

Foaropwurd 27

Pleatst op
Reagearje
logo.ensafh

Poëzy

Yn dizze ôflevering wer in gedicht fan Ruurdtsje de Haan út har rige gedichten nei wurk fan de graficus E.M. Escher, no it gedicht ‘De grantige djipte’:

‘It aard is it ferskil tusken wurden,
aldergeloks prate fleanende fisken net.
….’

Proaza

Foar it earst draacht Neeltje Bonnema in ferhaal by oan ensafh. It ferhaal oer sparjen, it hyt ‘Der binne grinzen’: ‘Se hie it ding kocht by de Hema. Op in hurde, reade plestik ûndergrûn sit in lange priem. Earst hie se de standert yn it midden fan it buro te stean, de foto fan Wouter fansiden skood.’ Fan Neeltje Bonnema ferskynde yn 2006 de ferhalebondel Rachlan.… Lês fierder