Koos van der Sloot

Sonnet

Pleatst op 24 november 2009

‘Koos van der Sloot makket keunst fan útsûgde aaien die’t er mei allerhanne objekten gearfoeget ta assemblaazjes. Byldgedichten, sa soe men se neame kinne.’ (Huub Mous)

sonnet4

(foto: Linus Harms)

Op de boppesteande foto is it keunstwurk ‘sonnet’ fan Koos van der Sloot te sjen, it is in ‘byldgedicht’, yn dit gefal in ‘byldsonnet’. Elk aai stelt in wurdlid foar, in lossteand aai is ien wurd, tsjininoaroan pleatste aaien foarmje in wurd fan safolle lidwurden as der aaien tsjininoaroan stean.

Skriuw in sonnet op…

ensafh noeget elkenien út om it ‘byldsonnet’ fan Koos van der Sloot om te setten yn in ‘wurdsonnet’, folslein neffens Van der Sloot syn skema, dat wol sizze hast folslein.… Lês fierder

Jelma Knol

Yasperina yrriteart

Pleatst op 24 november 2009

Reagearje

Bollman & Bollman, Marga Claus har fjirde roman, giet oer in travestyt, Yasper, dy’t wurket oan syn coming out. De fraach is oft dat troch syn omjouwing akseptearre wurdt.
Dêrmei snijt Marga Claus op ’e nij in maatskiplik relevant tema oan yn har wurk, lykas se earder die yn Oxzana, ferhaal fan in flechtling (2000) en De heit fan Serafyn (2003). Dat falt yn dizze skriuwster dy’t tige lêsbere romans mei in heldere struktuer skriuwt, te priizgjen. Itselde jildt foar de yngeande dokumintaasje fan har ûnderwerpen. Wat dat lêste oanbelanget past Bollman & Bollman skoan yn de rige romans dy’t se earder skreaun hat.… Lês fierder

Hidde Boersma

‘Two more beer’

Pleatst op 24 november 2009

Reagearje

As er slein hat sis ik: ‘Maarten?’
De jup sjocht my freegjend oan.
‘Maarten, dochs?’ sis ik, hy knikt, ‘Israël, Hayarkon Hostel, Tel Aviv.’
‘Ojaaah, nou zie ik het, wow!’
‘Dat ik jou ineens herken!’
‘Hoe is het mogelijk!’
We fûstkje en prate wat. Hy jout my syn tillefoannûmer en adres en seit dat ik altyd wolkom bin.

Yn Israël ha’k eins mar ien kear mei him praat. We wennen beide in moanne as trije yn it selde hostel. Ik wist dat er in Nederlanner wie, mar ik fûn him in bal. We sieten wol oan deselde bar te sûpen fan de heale liters Carlsberg en praten mei deselde lju, mar we seine inoar noch gjin goeie.… Lês fierder

Willem Winters

It blikje

Pleatst op 24 november 2009

Reagearje

Och, wat die my dat goed, dat blikje sa grut as it blikje fan de leverpastij. It stie yn in fitrine, op in plak dêrt it hielendal net opfoel. It wie dat ik net hastich wie en alles stik foar stik besjen woe, dat ik it seach. Ja werklik it wie it ferneamde blikje. It seach der wat teheistere út. Echt in âld blikje. Sjoen yn it Weser Museum yn Bremen.
Oer hokker blikje ha wy it? It blikje mei ‘poep fan de keunstner’, fan Pierre Manzoni. 90 blikjes á 30 gram makke er. Foar my hat dit blikje likefolle te betsjutten as Duchamp syn pisbak.… Lês fierder

Piter Boersma

Foaropwurd

Pleatst op 22 november 2009

Reagearje

Besprek

Yn dizze ôflevering fan ensafh besprekt Jelma Knol de roman Bollman & Bollman fan Marga Claus oer it maatskiplik relevante tema travesty.

Kollums

Willem Winters hat it oer it blikje fan Pierre Manzoni, dy’t sei: ‘Minsken keapje alles, as de keunstner it mar synjearret, sels syn stront.’

Skermer bejout him op terrein fan de oertinking: ‘Minsken binne berne foar it paradys. Sa sjoch ik it. Net foar de hel.’

Ferhaal

Hidde Boersma draacht it ferhaal ‘Two more beer’ by oer syn tiid yn Israël: ‘“Maarten, dochs?”’ sis ik, hy knikt, “Israël, Hayarkon Hostel, Tel Aviv.”’

Poëzy

Andries Miedema is ek wer ris fan de partij mei it sonnet ‘Teplak’.… Lês fierder

Jacobus Q. Smink

Grap fan Quatrebras: reaksje op ‘The high poetical diction cathedral’

Pleatst op 22 november 2009

Reagearje

Grap fan Quatrebras

(Dit is in reaksje op de reaksje ‘The high poetical diction cathedral’ fan Steven H. de Jong, dat ek op de rubryk Poadium te finen is; de tekst út it papieren nûmer fan ensafh dy’t it ûnderwerp is fan dizze reaksjes hat krekt as alle teksten út dat nûmer ek op ensafh ynternet stien ûnder de rubryk Poadium; as jo in willekeurich item ûnder Poadium oanklikke kinne jo fia de oantsjutting ‘mear Poadium’ rjochts yn it skerm – sa as by dit berjocht – trochklikke nei alle oare Poadiumberjochten, ûnder it berjocht ‘wa wint de gj-priis 2009? (14) treffe jo de tekst oer Jelle de Jong syn bondel oan.)… Lês fierder

Steven H.P. de Jong

The high poetical diction cathedral: reaksje op ensafh nû. 6 (Gysbert Japicx-priis- of Wobbelke-nûmer)

Pleatst op 20 november 2009

Reagearje

THE HIGH POETICAL DICTION CATHEDRAL
of
Hoe’t de ketter Jelle de Jong troch twa ortodokse dominys
ta de tsjerke útmitere waard

Prachtich, 44 Fryske dichters dy’t yn oanmerking kamen foar de Gysbert Japicx-priis! Dêr kaam it literêre tydskrift ensafh, nûmer 6, 2009 mei (de teksten yn dat papieren nûmer fan ensafh ha ek allegear op ensafh ynternet stien ûnder de rubryk Poadium; as jo in willekeurich item ûnder Poadium oanklikke kinne jo fia de oantsjutting ‘mear Poadium’ rjochts yn it skerm – sa as by dit berjocht – trochklikke nei alle oare Poadiumberjochten, ûnder it berjocht ‘wa wint de gj-priis 2009?… Lês fierder