OWL+ (Ownership and Leadership) is in projekt wêrby’t sprekkers fan it Frysk yn Nederlân, it Súd-Samysk yn Noarwegen, it Latgalysk yn Letlân en it Mirandeesk yn Portugal in platfoarm krigen om mei-inoar yn kontakt te kommen. Ek binne meardere tools (middels) ûntwikkele, sadat ûnderwizers yn de regio’s dêr’t dy talen praat wurde beskikking krigen oer mear ûnderwiismateriaal om harren minderheidstaallessen te ferrykjen.

It konsortium bestie út it Mercator Europeesk Kennissintrum/Fryske Akademy, NORD University (Noarwegen), de Rēzekne Academy of Technologies (RTA, Letlân), en CIDLeS (Portugal). Tallinn University (Estlân) hat soarge foar de technyske stipe. De fjouwer minderheidstalen út it projekt fertsjintwurdigje ferskillende regio’s yn Europa mei in ferskaat oan situaasjes.… Lês fierder

Is dat net fan jim projekt, frege myn oarehelte fan’t simmer. Sy krijt de headlines fan de Ljouwerter op har tablet. Blykber wie der gedonder yn Harns om in Fryske tekstrigel op in gevel. Net folle letter krige ik berjocht fan in kollega-skriuwer, mei deselde fraach. Hy stjoerde in kopy fan it artikeltsje mei, want wy ha de krante net, allinne de digitale headlines. En jawis, it wie ien fan ‘ús’ rigels.

It ôfrûne jier wie ik mei de stêdsdichter fan Ljouwert, Marrit Jellema, op ‘en paad. Yn de gemeente Ljouwert, mar ek dêrbûten, joegen we in rige poëzijworkshops mei as tema ‘thús’.… Lês fierder