Wolsto dy yninte litte tsjin de corona?
Dat is de wichtichste fraach hjoed de dei. De minsken om my hinne binne yn de war; wat is it beste? De bern wurde skille, sels witte se it ek net wat te dwaan.
Fan heger hân witte se it ek net, seit min. Min kin kieze: moarn yn Ljouwert of pas folle letter hjir, yn it tehûs.
Lês fierder by Tiden hawwe tiden… Lês fierder
Eins is it wol sneu allegear. Meie de bern wer nei skoalle, wurdt it winter. Brûkt Piet P. ien kear it wurd ‘horrorwinter’ net yn syn jierlikse foarsizzing, wurdt it fuortendaliks in ‘winter des doods’. Hoewol’t dat lêste, sa’t it no liket, wol wat tafalt. Mar der leit snie en der komt iis. En dêr sit ek in sneue kant oan, om’t de KNSB gjin wedstriden op natueriis organisearje mei yn ferbân mei corona. Gelokkich kin der mei wat oanpassings wol gewoan riden wurde, op banen sawol as bûtenút, dus dat is hartstikke moai.
Lês fierder by Omrop Fryslân… Lês fierder
Elkenien kin him ris fersinne fansels. Mar oft jo dagenlang oankoerse op in horrorsenario en dêrby allegeduerigen 1979 oanhelje as foarbyld en de kâns sawat 99% is dat wy dêr by yn e’ buert komme dan binne jo gjin waarman mar in fantast. Driget soks te mislearjen dan goaie der ris in orkaan yn mei wynkrêft 35 en as dy ek oergiet dan komme jo mei in kustfront. Dat is de sitewaasje dêr’t wy no yn sitte. Underwilens is it heale lân spikergek en wurde alle regels oan kant set.
Lês fierder by Daam de Vries… Lês fierder
Fan it Westerlauwersk Frysk en it Sealterfrysk wiene al langer goede online-wurdboeken. It Noard-Frysk, dat praat wurdt yn de noardlikste Dútske dielsteat Sleeswyk-Holstein, folget no. Mei stipe fan de Dútske oerheid hat de Fryske Rie in wurdboek op ynternet set dat wurden oersette kin út it Noard-Fryske dialekt Mooring yn it Dútsk en oarsom om.
It wurdboek befettet sa’n 36 tûzen wurden en is te finen op https://www.friesisch.net/.
… Lês fierder
Yn maart begjinne der twa online skriuwkursussen by Tresoar. Sa jout Jetske Bilker in kursus oer it skriuwen fan ferhalen en romans. Dêrneist is der in toanielskriuwkursus dy’t jûn wurdt troch Wessel de Vries yn gearwurking mei Keunstwurk, STAF en St.U.F.T.
Sjoch foar mear ynformaasje by Sirkwy.… Lês fierder
Soa nou en dan wat tiid over? Fynstou ’t mooi om kreätyf met taal te wezen? Stort dy dan op deuze priisfraag! Stichting Bildts Aigene daagt alle Bilkerts út en skriif ’t mooiste Bildtse pangram!
Wat is ’n pangram? ’n Pangram is ’n kort sintsy der’t alle letters fan ’n taal in foorkomme. De meeste mînsen sille ‘The quick brown fox jumps over the lazy dog’ wel ’s op ’e kompjoeter teugenkommen weze. Andere mooie foorbeelden binne de Hollânse ‘Acht sexy vrouwen jagen op kleiduif in Mozambique’, de Frise: ‘Alve bazige froulju wachtsje op dyn komst’ (sonder aksintletters) en de Dútse: ‘Fix, Schwyz!”… Lês fierder
Foar minsken dy’t Trinus Riemersma kend hawwe en leafhawwers fan syn ier wurk is Bûntskildere werklikheid. Oantinkens oan de skriuwer Trinus Riemersma fan Antsje Swart in oanrieder. Frou Swart, de earste echtgenoate fan Trinus Riemersma, beskriuwt út har ûnthâld wei, wat se mei Trinus as oankommend skriuwer en ûnderwizer belibbe hat. De húslike omstannichheden fan it jonge pear, dat it iene bern nei it oare op de wrâld set, binne op in feardige wize delset en it skriuwerskip fan Trinus en dy syn literêre kontakten en opinys ek. Der steane pearels fan anekdoates yn dêr’t men jin as lêzer o sa mei fernuverje kin.… Lês fierder