It is wer in tige nijsgjirrige útstjoering wurden foar de literatuerleafhawwer. Klaas hat trije dichters yn ‘e studio: Buorfrou, Hette Piebenga en Klaasje Zantema. Klik op ‘e foto foar de Klaas-cast!
Neffens ús soantsje gean ik altyd mei de boat nei myn wurk. Dat is net hielendal wier, mar foar ien fan twa en in heal jier âld hat er it noch net sa min sjoen. Eins wurkje ik thús – ik skriuw, dat is myn wurk. It komt dochs gauris sa út, dat ik foar wurk nei Tessel moat en fansels gean ik dan mei de boat. Dizze moanne wie it oars, ik siet wol op in boat, mar dat wie de boat nei It Amelân. Mar jawis, in boat – dat myn soantsje hie net minder gelyk.
Op It Amelân haw ik noch in wurdsje Frysk sprutsen, mar oars haw ik foaral Tesselsk praat, dat liket genôch op Amelânsk om dêr ferstien te wurden.… Lês fierder
Dichter Geart Tigchelaar ûndernaam in fytsreis fan in moanne as fiif, seis troch Europa. Ditkear fytste er tegearre mei de faam. Hy wie fan doel om foar Ensafh yn alle lannen dêr’t hja komme in proazagedicht te skriuwen. Hjirby de alfde, dy’t yn Masedonië skreaun is.
It is reinich waar. De grutte wiskers op it foarrút fan de bus nei Clifden feie slaafsk oer feale útsichten op Connemara. De bergen ferskûlje har yn ’e dize, de markes njonken de dyk lizze as bline dichters te wachtsjen op beswarrende wurden, it feantek der omhinne skoot yn brune biddelpijen foarby. Yn Clifden is it ljochter. Yn in boekwinkeltsje keapje ik The Poor Mouth fan Flann O’Brien, ‘a gloriously wicked satire of the traditional Irish peasant novel,’ en jou my mei in kop kofje del op in terraske.
The Poor Mouth
It pasteltinten stedsje mei yn ’e etalaazjes it lokkebrea foar toeristen hat de gek mei my.… Lês fierder
Foar fjouwer oere lei it Aldehoustertsjerkhôf der noch kalm en bedaard by.
Foto’s en teksten Geart Tigchelaar
De op dat stuit noch net beneamde nije Dichter fan Fryslân wakker oan it tarieden.
Deputearre Sietske Poepjes betanke Eeltsje foar twa produktive jierren en joech him it earste eksimplaar fan de Dichter fan Fryslân-bylage dy’t hjoed ek yn de LC en it FD ferskynd is.
Eeltsje Hettinga lies twa fersen foar en hold in koarte ôfskiedsrede.
Sjueryfoarsitter Job Degenaar lies in soarte fan sjueryrapport foar.
Nyk de Vries wie wakker ynnommen mei de beneaming en sei dat er it dichterskip oan syn frou opdraacht.
Vladík Shibanov (*21-12-1990 –☨20-10-2009) ta oantinken
Ryksregint en brykholle Langneck, hy dy’t út namme fan it Keninkryk hearske oer rjocht en gerjochtichheid, line ûntspannen efteroer.
‘Pi, pa, poa’, sa spriek er, wylst er syn steatssiktaris foldien oanseach, ‘sa giet dat al in lyts bytsje oars as doedestiids. Hjirmei litte wy Akela Sousafoan mei de altfioele al eefkes in oar fleuchje wimperje. Lês it nochris foar, sûch, ast wolst.’
Steatssiktaris Rosier Petticoat krige it papier fan de grûn op en lies: ‘… stelle hjirby út: dy persoanen te bestraffen mei in frijheidsstraf fan op ’en heechsten trije jier, subs. in jildboete fan op ’en heechsten € 150.000, subs.… Lês fierder
Klik hjir foar de muzyk.
Yn it ramt dan de útstalling Wij Vikingen yn it Frysk Museum te Ljouwert hawwe dr. Ase Kundgard fan de universiteit fan Aarhus en dr. Rabyang Drupa fan de universiteit fan Lhasa, Tibet, in muzikale rekonstruksje makke fan in Deensk/Frysk offerritueel út de sechde of sânde iuw. It projekt stie ûnder superfyzje fan drs. Taco Brandsma fan de RUG te Grins.
De rekonstruksje is makke nei oanlieding fan de ferbjusterjende argeologyske fynsten dy’t yn 2015 by it Deenske Omkjeld dien binne. De resultaten fan dy fynsten binne earst ferline wike bekendmakke. It docht bliken dat de Denen en Friezen folle mear kontakten hân hawwe mei benammen it Tibetaanske folk as dat bekend wie.… Lês fierder