Yn de nacht
fan de nacht
stean ik steil
stil tusken
twa nachten
as boekesteunen.
Oer de
rânen sjoch ik
hichten
fan swart
in heechbrieder
leit dêr.
Myn frucht fan
aaien giel
de djerre
leech de dop
prematuer
de dowen.
It ferlies
in nachtspinsel
útbret yn’t
tsjuster by’t
kymjen fan ljocht
as deade dream.… Lês fierder
by Winaem seach ik ea
de sinne hiel moai ûndergean
yn in spegelglêde Waadsee
nachts seach ik him noch
de oare deis seach ik him wer
as ik myn eagen iepen hie
en noch as ik se efkes tichtdie
letter seach ik de sinne nea
wer sa moai ûndergean as doe
yn de Waadsee by Winaem
nachts sjoch ik him noch… Lês fierder
Ik krij gjin lucht, om’t ’t swurk fan maitsen krielt
en nergens is in stjer dy’t my wat meldt.
Mar der is muzyk dy’t it stasjon besiel’t,
faaks binn’ dêr sanggoadinnen mei besteld.
Soms dat it fluitsjen fan ‘e trein de klank fernielt,
alear’t de strikersgroep ta ien wer gearsmelt.
In park. De glêzen stolp fan de stasjonshal.
Betsjoend is ’t ryk fan stiel en steam.
Yn ‘e bewalme, himelske gehoarseal, oer ’t al,
spraat in wagon syn galmjend spul, ik neam:
in pauwegjalp en Steinway’s swiere tongfal.
Ik bin te let. Bin bang. Dit is in dream.
Fan fioelen klinkt dêr lûd it kleiliet
en ik gean yn ‘e hal, dat glêzen wâld,
dêr’t woast de wel fan ’t nachtlik koar kryt,
de rook fan roazen yn in moffe kas tahâldt.… Lês fierder
dêr rint ien!
watsei?
dêr rint …
hearde ik dêr in klap?
dêr rûn ien …
watsei?
dêr rûn ien!
en dat seist no pas?… Lês fierder
It is hast sân oere. Der hinget in sêft giel ljocht yn de loft. Noch efkes en it is nacht. De Airbus dûkt nei de grûn ta, ik bin foar de tredde kear yn Lima. De Peruvianen klappe bliid yn de hannen, sy komme thús en ik bin 10.000 kilometer fan hûs. Fan Madrid oant Lima is it alve oeren. Je bite je der troch hinne en hoopje dat it dochs koarter duorret. Flak neist my sit in Dútser, in Ossi, fan tweintich jier. Hy hat in Peruviaanske buorman. De earme. De Dútser praat Spaansk. Dat is moai. Mar dan … Hy hat oeral ferstân fan, de hiele wrâld is in iepen hûs foar him, Stalingrad, de paus, de EU, de bûnskânselier, Peru, polityk.… Lês fierder
Der binne fansels ferskate nivo’s te ûnderskieden as men in boek op ‘kristlikens’ hifkje wol. Al by myn mûnling tintamen Ingelsk waard ik deroer ûnderstien oft ik de ûnderskate kristlike tema’s en simboalen wol sjoen hie. En dat binne nochal in pear. Sa binne der in oantal lokaasjes oan te wizen mei mear of minder paradyslike trekken. Ien is it Goa dêr’t de Hobbits yn (betreklike) frede tahâlde, oant it kwea de boel begjint te fersteuren en de haadpersoanen hûs en tún efter har litte moatte. In oar stee is it wâld Lórien, it lêste stee dat noch net oanrekke is troch de kweade machten op Midierde, en bewekke wurdt troch de macht fan ‘e Frouwe Galadriel, dy’t trekken fan ‘e Faam Marije draacht.… Lês fierder
Der binne fansels ferskate nivo’s te ûnderskieden as men in boek op ‘kristlikens’ hifkje wol. Al by myn mûnling tintamen Ingelsk waard ik deroer ûnderstien oft ik de ûnderskate kristlike tema’s en simboalen wol sjoen hie. En dat binne nochal in pear. Sa binne der in oantal lokaasjes oan te wizen mei mear of minder paradyslike trekken. Ien is it Goa dêr’t de Hobbits yn (betreklike) frede tahâlde, oant it kwea de boel begjint te fersteuren en de haadpersoanen hûs en tún efter har litte moatte. In oar stee is it wâld Lórien, it lêste stee dat noch net oanrekke is troch de kweade machten op Midierde, en bewekke wurdt troch de macht fan ‘e Frouwe Galadriel, dy’t trekken fan ‘e Faam Marije draacht.… Lês fierder