Doe’t taalkundige Peter-Alexander Kerkhof in moannemannich ferlyn syn bekende fideo yn midiuwsk Nederlânsk online sette, kaam dêr op it Frysktalige ynternet fuort in protte krityk op. De tekst yn ‘e fideo waard nammentlik útsprutsen troch in sabeare ynwenner fan it alfde-iuwske Rotterdam. Dy hie doe ommers Frysk praat, seine guons, en gjin Nederlânsk, dat de fideo soe net doge.

No is it sa simpel net as dat de kritisy hawwe woene. Yn ‘e midsiuwen wiene Fryske en Saksyske stammen konstant yn ferweech yn Súd-Hollân, dat doe noch foar in grut part út lytse eilantsjes bestie. Dochs hat Kerkhof goed nijs foar de Friezen: der is in oanwizing dat der uterlik yn de tolfde iuw yn it doarp Maasland, deun by Rotterdam, noch Frysk praat waard.… Lês fierder

De Ljouwerter Krante hie in oprop dien om ferskes fan The Rolling Stones oer te setten nei it Frysk. Under lieding fan Hein Jaap Hilarides hat de sjuery de bêste útkeazen: Ljochtmoanne Waar, de oersetting fan Moonlight Mile, troch Tsjisse Hettema.

Lês fierder by RIXT… Lês fierder

Waling Dykstra syn betsjutting yn de hjoeddeiske literatuer, útropteken, sei Hille Faber, doe’t ik him frege, wat er woe dat ik wat oer sizze soe. Bêst, sei ik, ik kin it knippe sa’t je it krije wolle. Hoe lang haw ik? Fraachteken. Tsien oant tolve minuten. Utropteken. Komt foar de bakker. Utropteken.

Mar doe’t Hille wer fan ‘t skerm ôf wie – want it gie hjir om koronêr emailkontakt – doe duorre it mar eventsjes en briek my it swit út. Wat ha ik no yn de frede om hâns hân? Hoe moat ik dit fergemy no werris ha? Wat in ûnmooglike fraach.… Lês fierder