de see bestiet net
it slyk, seedyk, de rjappelklaai
foarboaden fan in neat
in sûnder wat
kluten< kerrels< grús
see is griis fan plúskes grûn
boaiem swart fan wetter
ien grins is der net, tusken
ús en leechte
útsein fan isofloedlinen tekene
de fêste klaai foarseit, ûnthjit
in neat bestiet… Lês fierder
Laotse
Tao Te Ching – It Boek fan de Wei en de Deugd
Ferfryske troch Eric Hoekstra
Foarwurd
Ensafh publisearret fan ’t simmer trije kear in kar út de oersetting fan Eric Hoekstra. Twa kear op Ensafhynternet en in kear, ein augustus, yn de papieren Ensafh. Dit is de earste fan de trije foarpublikaasjes. De folsleine oersetting sil yn septimber yn boekfoarm ferskine by Utjouwerij Elikser.
Redaksje Ensafh
Ynlieding
De Tao Te Ching bestiet út 81 stikjes tekst, part proaza, part poëzy. De yndieling yn 9 skiften fan 9 gedichten ha ik sels makke. It getal 81 is foar it neist mei opsetsin troch de auteur of gearstaller keazen want 81 is 9×9, en 9 sels is wer 3×3, dus 81 is de treddemacht fan 3.… Lês fierder
Bêste lêzer,
yn July en Augustus sille der net om de trije dagen, mar ien kear yn ‘e wike nije bydragen pleatst wurde. It earstfolgjende artikel ferskynt op 08-07-15.
De nijsfoarsjenning (Nijs en blogs) giet gewoan troch.
Redaksje ensafh… Lês fierder
Meikoarten ferskynt PIER – De profesij fan bline Simen, fan Willem Schoorstra. De Frysktalige metalband Grunte Pier út Hallum hat him ek troch dizze ferneamde Fries ynspirearje litten!
Klik op Grutte Pier foar Grunte Pier, mei ‘Grutte Pier’
Grunte Pier bestiet út:
Keimpe Rusticus, sang en gitaar
Jan Weidenaar, basgitaar
Berend Hilarides, drums
Wy wiene mei de Pinkster op de kemping yn Lettelbert. Hearlik rêstich, allinne wy en noch in kerreven. Yn De Like wie in eksposysje fan Otto Eerelman. Ik koe syn wurk fan plaatsjes yn boeken en in inkeld skilderij yn in museum en no yn ’t echt! Hûnen en hynders! Mar och hear, der foelen nochal wat skilderijen ôf. Foar my wiene der trije kategoryen; ien: hûnen en katten, twa: portretten, trije: hynders – yn dizze folchoarder. De hûnen en katten, mar fral de hûnen, hat er prachtich typearre, benammen harren gedrach.
Dat is yn de portretten al minder it gefal.… Lês fierder
Germanen yn de Fryske literatuer
Foar jim leit it jierlikse spesjaalnûmer fan Ensafh: Germanen yn de Fryske literatuer is diskear it ûnderwerp. Dêr heart fansels in stinnerige ferantwurding by en it seit wat oer de fleurich-anargistyske sfear yn de redaksje fan ús tydskrift dat wy ús dêr net oan besûndigje. Betink sels mar wat, lêzer.
Lês hjir fierder (pdf)… Lês fierder
Ensafh frege my om myn hert en harsens ris nei de teksten op it debútalbum Skym fan Kjeld harkje te litten. Underwilens moasten myn earen dan de my sa swiet taklinkende, yn- en ynswarte rûs fan de alve nûmers op Skym redusearje ta eftergrûn. Lykas in keunstkenner nei it ynfallende ljocht op in Rembrandt sjocht, wylst ik net folle fierder kom as in kloft manlju en in hûn dy’t mei-elkoar de Nachtwacht foarmje. Sa sil ik besykje de literêre kant te beljochtsjen fan dizze muzikale fyftich tinten swart, dy’t foar ‘gewoane’ minsken wis as ‘grêfherje’ oanmurken wurde sil.
Kjeld is neffens my de iennige aktive Frysktalige blackmetalband op ierde.… Lês fierder