Eric Hoekstra

Midfrysk Goud ii | Durk Linige

Pleatst op
Reagearje
logo.ensafh
Bewustheid fan kosmos en oarder

Stjerreswaarm

O stjerreswaarm, waans gloarje ús op de eachsapel fljocht,
is elts fan jimme in sinne dy’t elts in wrâld ferljocht?
Untelbere himelbollen, dy’t myn tinkkrêft lûke,
as wiisbegeartes eagen de stiel-glêd-spegels brûke,
ús tûzenen lit sjen, o romte, o widens, hoe great?
Wat is ús sinne lyts, ús ierdbol is in neat.
Hoe dol is it foar ús each de Molkwei yn te brekken,
ferkjeljend stik fan Him dy’t it útsprate as in lekken.
O ûnbedike romte! O goedens, almacht, keunst!
Hoe tel ûntslûpt de geast himsels, dy’t dit oertinkt?

De komeet

Wat grutsk ljocht?

… Lês fierder
Eric Hoekstra

Midfrysk Goud ii | Durk Linige

Pleatst op
Reagearje
logo.ensafh
Bewustheid fan kosmos en oarder

Stjerreswaarm

O stjerreswaarm, waans gloarje ús op de eachsapel fljocht,
is elts fan jimme in sinne dy’t elts in wrâld ferljocht?
Untelbere himelbollen, dy’t myn tinkkrêft lûke,
as wiisbegeartes eagen de stiel-glêd-spegels brûke,
ús tûzenen lit sjen, o romte, o widens, hoe great?
Wat is ús sinne lyts, ús ierdbol is in neat.
Hoe dol is it foar ús each de Molkwei yn te brekken,
ferkjeljend stik fan Him dy’t it útsprate as in lekken.
O ûnbedike romte! O goedens, almacht, keunst!
Hoe tel ûntslûpt de geast himsels, dy’t dit oertinkt?

De komeet

Wat grutsk ljocht?

… Lês fierder
Wieke de Haan

Brecht Schaafsma, miljeukeunstner [ynterviewfragmint]

Pleatst op
Reagearje
logo.ensafh

‘Myn keunst: kykkastjes en bousels. Ik stopje der hiel folle fan myn siel yn. Ien middei yn ’e wike wurkje ik tegearre mei minsken mei in ferstanlike beheining yn in kringloopwinkel. Se binne sa earlik, hin, dat fyn ik it leuke derfan.


foto makke troch Elske Riemersma

Ik bin yn de recycling kaam te wurkjen op in hiel natuerlike manier. Ik hie dêr de loop, ik kaam dêr al in soad. Wy hiene al in bân. Se bewarren al dingen foar my. Wat der allegear binnen komt. In âlde treppot mei plestik roazen op in âld krukje.

Ik kom der deawurch wei.… Lês fierder

Eric Hoekstra

In Fries yn Afghanistan 3.2

Pleatst op
Reagearje
logo.ensafh

– De VOC, ferfette Van der Balk, wie net in steatsbedriuw mar in kommersjeel bedriuw. De wiere gruttens fan Nederlân siet him net yn in kommersjele ûndernimming dy’t har wjergaders ek yn oare westerske lannen wol hie. Nee, de wiere gruttens sit him doch yn de skilderkeunst, de literatuer en de kombinaasje fan beide. Dyselde frije tinkers dy’t sa narre waarden ha de bysûnderste boeken skreaun. It is de tiid fan Hals en Rembrand, Vermeer en Van der Venne, Coornhert en Spiegel, Huygens en Bredero.

Van der Balk wie no syn Kalashnikov oan it ynpakken. Desiderius twifele efkes oft dit wol in gaadlik momint wie om Van der Balk noch mear te fuorjen.… Lês fierder

Koos Tiemersma

Faktoaren fan bûtenôf

Pleatst op
Reagearje
logo.ensafh

Ik waard attindearre op in resint besprek oer De ljedder fan Van den Berg, oftewol de ferneamde boeklogger, dy’t him no opwurke skynt te hawwen nei it echte wurk: haadresinsint by Farsk. No hie dizze besprekker al earder op syn webloch Mind Games ûnder hannen nommen. Tige komysk, moai koart en dus o sa gaadlik foar it plakboek, ik ha der in soad wille om hân.

Oft it nijste besprek it ek sa fier skoppe sil? Ik tink it net, dêrfoar bliuwt de tekst my te fier ûnder de mjitte hingjen. De yndieling is oars wol opmerklik. Om in besprek te begjinnen mei in wiidweidige ferantwurding dy’t benammen oer de resinsint sels giet freget moed.… Lês fierder

Abe de Vries

It deldrinken en it fuortspyljen

Pleatst op
Reagearje
logo.ensafh
De útbuorrens fan Townes Van Zandt

Foar Anke en Gerrit

1.
De film set út ein mei bylden, út in auto wei opnommen, fan beammegrien lâns de dyk. In tillefoanstimme, in man, seit dat er dwaande is mei in nij nûmer. Hy seit de tekst, earder as dat er sjongt. Sa begjint Be Here To Love Me, de sfearfolle dokumintêre film út 2004 fan Margaret Brown oer de Texaanse troubadour Townes Van Zandt. Dat hast oplêzen fan de songtekst yn ’e iepeningssêne fêstiget it omtinken op de ferhâlding tusken tekst en muzyk.

Townes Van Zandt (1944-1997) hie — lykas útsprutsen muzikale dichters as Richard Hugo en Joseph Brodsky, dêr’t ik earder op Farsk oer skreau — in iepen ear foar sawol muzyk as de wearde en de spankrêft fan wurden.… Lês fierder

Ytsje Hoekstra

Yntinsje

Pleatst op
Reagearje
logo.ensafh

Krantekop-skimmend liket it nuver dat in wethâlder mei ûnderwiis-portefeuille, dy’t in nije skoalle finansierd hat, neffens guon leararen perfoarst net delkomme mei om it gebou te iepenjen. In leuke kollega op kantoar freget dy by’t ynkommen ofsto noch wolris by jûntiid oerwurkest? Ofst dan ek op ’e fyts komst? Joust op dy nuvere fragen gewoan antwurd, gniist in hiele ôfdieling dy út.

Op sa’n stuit hat dyn brein efkes oanklauwen. Is it safier datst op alle miste nijsfeiten wer by bist, dan giet dyn eigen referinsjekader der noch op fermoeiende wize mei oan ’e haal.

A: moatst by de kofje oeral in miening oer hawwe, dus ja, wat fynst hjir fan?… Lês fierder