Jemke Visser

Kollums en dreamen

Pleatst op
Reagearje
logo.ensafh

No en dan binne der wat krityske lûden oer it grutte oantal kollums hjoed-de-dei. Guon fine se te útsprutsen en foarsisber en ha it sels oer in wiere pleach. Ik net, want wat as bygelyks Sander Schimmelpenninck (Volkskrant) ynienen de loftrompet stekt oer Wilders en Caroline van der Plas? Of Youp van ’t Hek (NRC) ophâldt mei syn humoristyske en rake fegen út ’e panne nei alles en eltsenien dêr’t er him oan ergert? Nee, dan soe ik dy kollums net mear lêze. En dy yn oare kranten?
De Telegraaf leit altyd wol op de lêstafel yn ’e hoareka of by de kapper.… Lês fierder

Henk van der Veer

Bitsje op mekaar passe

Pleatst op
Reagearje
logo.ensafh

In ut dòrp dêr’t ik woande had de jeugd un hòkje òf eigenlek beter un bierhòkje. Op dat plak kwamen se dan regelmatech bij mekaar. Uteraard niks mis met. Su gaat dat fòlgens mij nòch altyd op ut plattelaan.
As stadsjonges hadden wij dat nyt en we waren dan ok mar wat bliid toen in Sneek de earste koffybars kwamen. Dêr ging ik as jonge fan 14 jaar foar ut earst naar toe, naar Rinke in’e Skarnestraat. Hoe ouwer we wurdden hoe faker we der saten. Rinke, de fader fan later Olympys goud winner Olof van der Meulen, was un geweldege kearel.… Lês fierder

Cornelis van der Wal

Mingd Nijs (11) Poëzijlab: ‘de dichters hawwe neat yn te bringen’ + Oanfolling

Pleatst op
9
logo.ensafh

Op 18-10-2024 krige ik in mailtsje fan ynfo@poezijlab.com:

Bêste skriuwer,
Hille Faber en ik, Friduwih Riemersma, binne de inisjatyfnimmers ta it PoëzijLab. It PoëzijLab is in grutte fergese, twatalige ynternetkursus dichtsjen, geskikt foar elkenien fan 12 jier ôf. Yn de provinsje Fryslân sil it PoëzijLab oanbean wurde yn it fuortset ûnderwiis.
De finansierders binne Provinsje Fryslân, it Nederlands Letterenfonds, it FLMD en it Cultuurfonds. Us partners binne Tresoar en Poëziecentrum Nederland. It PoëzijLab wurdt útbrocht yn ‘e maitiid fan 2025. It is hast klear.

Opnommen yn it PoëzijLab is in poëzijdatabank foar ûnderwiisdoelen, mei ynearsten 100 hjoeddeiske Fryske fersen fan 40 dichters mei in ferskaat oan stilen.… Lês fierder

Martsje de Jong

Kwaliteit of kwantiteit

Pleatst op
1
logo.ensafh

Op freed 8 novimber lêstlyn waard de Obe Postmapriis útrikt foar de bêste oersetting dy’t de ôfrûne fjouwer jier ferskynd is yn of út it Frysk. It sil de measte lêzers fan Ensafh net ûntgien wêze dat Willem Schoorstra dizze ûnderskieding krigen hat foar syn oersetting fan de Poëtyske Edda.

De advyskommisje, besteande út Maaike Andringa, Marc van Oostendorp en Rein Smilde, wie yn it rapport kritysk nei de oersetters en útjouwers ta. De leden beneamden bygelyks it net konsistint wêzen yn taalgebrûk, dêr’t se mei doelden op it brûken fan likegoed nijmoadrige as mear âldfrinzige foarmen. Wurden as ‘even’ en ‘toch’ lykje alhiel akseptearre te wêzen, sa skriuwt de kommisje.… Lês fierder

Anne Feddema

Katalaanske Sketsen

Pleatst op
Reagearje
logo.ensafh

 

 

 

 

Fakânsje Brava Kuierke

De Sinne is hjir
Mear fan my
As dat er dat
Thús is, mei my
Op dit stuit
Fan hûs is … lykas
Rein en wyn.

Ik wurd hjir âlder
As god bedoel ik
Wraakberet ék
Yn myn hotel
Lúkse Panteön
Beskôgje ik de
Mindere goaden
By de earetsjinst fan
It Rinnend Buffet

Alle dagen kuierje ik
Kom ik lâns kafeeke
El Rincon, ‘t Hoekje
Op it terras dêr sit
Mei tastimming
Fan hegere machten
In loco lokaal dy’t
Gluoreagjend
Fanút syn hierrige
Halo sa no en dan in
Djippe gjalp op
Toeristen loslit

As er my sjocht
Seit er lykwols:
Ola señor … qué tal?… Lês fierder

Giny Bastiaans

Handige dinkjes

Pleatst op
9
logo.ensafh

Al yn gjin 20 jier hie ik by de Ikea west en no wie it sa fier. Heden hitskes, wat in winkel. Jo moatte net klaustrofobysk wêze om dêr wat keapje te wollen. Ast der ien kear yn bist, bist der fuort net wer út. Myn leave húsgenoat koe hjir syn hert mar ophelje. Hy is de man fan ‘handige dinkjes’. Eachjes dêr’t stikkene bledsjes yn ’e aginda mei reparearre wurde kinne, dûbelsidich plakbân, jierpelskylmeskes mei in punt foar de eagen. Kerse-ûntpitters, leppel om gêst ôf te weagen. Ik neamde him de dinkjesman. Dat doch ik no net mear. Ik ha ûnderwilens wol ûnderfûn hoe noflik it is dat hy foar alle húshâldlike tûkelteammen in ‘handich dinkje’ hat.… Lês fierder