Giny Bastiaans

In koekoek yn ’e stêd

Pleatst op 22 februari 2025

Ferhúzje is in spannend aventoer. Benammen fan in doarp nei de stêd, wat ik die. Do begjinst der oan, mar witst net hoe’t it fiele sil. Ik bin grut wurden yn ’e stêd en ha twa jier yn in metropoal wenne. Yn it doarp ha ik krapoan in heal libben wenne. Dat hat foardielen en neidielen.

Dyn rêchpûde wurdt yn ’e rin fan ’e jierren fuld mei moai en minder moai. Yn in doarp hoechst mar ien tsjin te kommen dêr’tst efkes in praatsje mei dochst oer it waar of soks, om tagelyk te witten dat sy of hy de ynhâld fan dyn rêchpûde ken, fan it gelok en de tsjinslach, sûnder it der altyd oer te hawwen.… Lês fierder

Piter Boersma

iisfideo

Pleatst op 19 februari 2025

Reagearje

myn dochter appt my krekt in fideo troch
se is te riden op ’e iisbaan fan doorn
fan ’e kant ôf krij ik it winterbyld te sjen
ridende minsken oaren dy’t opbine
de kamera liedt my de hiele baan oer
moai swart iis bewyskes snie oan ’e rânen
sinneskyn beammen keal tsjin in blauwe loft
tritich sekonden lang prachtige bylden
dy’t my djip reitsje dy’t ik koesterje sil
de iennichste dei eins datst op redens kinst
ik bin út ’e skroeven al ryd ik net mear
hjir yn loenen leit amperoan in flueske
by sterk iis soene wy oerallich wêze
yn de auto op ’e plassen ta sette
om nei de riders de iiswille te sjen
fûl yn sûkelarjemolke te blazen
de âlderwetske winters fan foarhinne
oan ien wei ride mei de oare doarpsbern
ride op it bûtlân it wartensterwiid
ûnder de hege brêge troch de rochsleat
del op ’e krúswetters oer skerpe skossen
oer barten yn it soal fan ’e greft hinne
de lokjende âlde feanen temjitte
dy pettewrâld mei oeral spegelglêd iis
en no tink ik op de ynlikste wize
ek oan avercamp syn winterlânskippen
syn santjinde-iuwske reedrydtafrielen
dy sa yntime wrâld ferlies ik my yn… Lês fierder

Henk Nijp

L ‘histoire se répète of what’s in a name

Pleatst op 16 februari 2025

Reagearje

Begjin jierren sechtich kamen wy te wenjen yn ien fan de fjouwer earste rychjehuzen dy’t boud waarden yn it Nylân. In nij te ûntwikkeljen wenwyk yn Ljouwert tusken it spoar nei it suden, it Van Harinxmakanaal en de Julianaleane en oanslutend op de West-Yndyske buert. De earste huzen dêre wiene ornearre foar minsken yn tsjinst fan de oerheid: amtners, plysjes, ûnderwizers en militêren, en sa mear. Dat gong doe noch sa, selektearje op berop. Ik leau sels dat der ek noch in soarte fan ballotaazjekommisje oer gear moast foar’t der in wente tawiisd wurde koe.
Us heit wurke by de PTT en wy wiene doe mei trije bern, dat wat dat oanbelange kaam ús húshâlding yn oanmerking.… Lês fierder

Edwin de Groot

bear

Pleatst op 13 februari 2025

Klik op de tekst foar in grutter byld

… Lês fierder

Jemke Visser

Dûnsje

Pleatst op 10 februari 2025

Okkerdeis waard yn in tv-programma oandacht bestege oan it wer yn swang reitsjen fan dûnsles en ‘styldûnsjen’, sa as dat eartiids op dûnsjûnen gebrûklik wie. Benammen by de wat âlderen sjocht dat der no, mei alle respekt, fermaaklik út en kaam der by my in ‘och heden, ja’ boppe. ‘Dat ha ik eartiids ek dien,’ sei ’k tsjin myn pakesizzers.
Se seagen my ferbjustere oan: Nee wol … dêr koene se harren neat by foarstelle.
Dat koe ik my, op myn beurt wol yntinke, want der is oan my net in grut dûnstalint ferlern gien. Mar ja, hoe gie dat. Op seker momint wiene je dêr oan ta, eltsenien die it.… Lês fierder

Anne Feddema

Parys

Pleatst op 7 februari 2025

Reagearje

Yn dy stêd hie ik dus al in hiel skoft net mear west en no nammers ek net werklik. No Feddema: lis dat nuvere begjin fan dyn kollumke mar ris út. Ik bedoel eins te sizzen: as je yn in stêd binne, wêze wolle, dan rinne je en pankoekje je mar sa’n bytsje om. Musea besykje en dit is leuk, dat is aardichbesites. Ik wie foar it lêst yn ’e ljochtstêd yn 1999. Yn Disneylân Parys, organisearre troch ús Paulusma busreizen, mei ús twa fammen. Earlik is earlik: dan sitte je ek wól en nét yn ’e stêd. Ja, yn in hotel yn in bûtenwyk, mar yn dy twa dagen sjogge je allinne mar Mickey en Donald en goed … miskien in rôt ûnder it finster fan ’e itensseal, efkes, wiet noch, út ’e Seine kaam, om ek in haute cuisine petit déjeuner fuort te wurkjen.… Lês fierder